Մենք ՔՊ–ին պետք է հեռացնենք Երևանից. Թևանյանը` այլ ուժերի հետ համագործակցության մասին

© Sputnik / Aram NersesyanԱնդրանիկ Թևանյան
Անդրանիկ Թևանյան - Sputnik Արմենիա, 1920, 18.09.2023
Բաժանորդագրվեք
НовостиTelegram
Երևանի քաղաքապետի թեկնածուն վստահ է, որ առաջնայինը երկրի անվտանգությունն է, իսկ մյուս բոլոր հարցերը երկրորդական են։
ԵՐԵՎԱՆ, 18 սեպտեմբերի – Sputnik. «Մայր Հայաստան» դաշինքը պատրաստ է հակասությունները մի կողմ դնել հանուն երկրի անվտանգության և նոր իշխանության ձևավորման։ Այս մասին հայտարարեց Երևանի քաղաքապետի` դաշինքի թեկնածու Անդրանիկ Թևանյանն այսօր կայացած մամուլի ասուլիսի ընթացքում։ Լրագրողներից մեկը հարց ուղղեց, թե ինքն ինչպես է պատկերացնում համագործակցությունը, օրինակ, «Հանրային ձայնի» հետ, երբ կուսակցության ղեկավար Վարդան Ղուկասյանն ամբողջ նախընտրական շրջանում սուր քննադատել է դաշինքն ու հենց անձամբ Թևանյանին։
«Դոգի» կուսակցությունը պատրաստ է կոալիցիա կազմել Մարությանի և Թևանյանի հետ, բայց պայմանով
«Ես Հայաստանի որևէ անձի կամ քաղաքական ուժի ավելի շատ չեմ ատում, քան սիրում եմ մեր հանրապետությունը։ Եթե անձնավորված լինի, ես այնքան մարդու պետք է ընդհանրապես բարև չտայի և էնքան մարդու հետ պետք է ընդհանրապես ճանապարհ չանցնեի»,– ասաց Թևանյանը։
Նա նշեց` կարևորը երկիրն է, մնացյալ բոլոր հարցերը երկրորդական են։
«Սարդարապատում, Ղարաբաղում մարդիկ չեն նայել, թե ով որ կուսակցությունից է եղել, այդ միասնականության ուղերձը մենք ստացել ենք հանրությունից, ասել են` գնացեք, լուծեք այդ հարցը, մենք ՔՊ–ին պետք է հեռացնենք Երևանից, մենք ասում ենք, որ ընդունում ենք այդ ուղերձը»,– հավելեց Թևանյանը։
Նա նշեց նաև, որ Երևանի ավագանու ընտրություններին մասնակցող բոլոր ուժերը կա՛մ ներկա, կա՛մ նախկին իշխանավոր են, բացի «Մայր Հայաստան» դաշինքից, ու հենց իրենք են ռադիկալ ընդդիմությունն այս պահին։
Անդրադառնալով այն հարցին` եթե, այնուամենայնիվ, չհաջողվի երկշաբաթյա ժամկետում փոխհամաձայնության գալ և քաղաքապետ ընտրել, ու կառավարությունն արտահերթ ընտրություններ նշանակի, ի՞նչ կլինի այդ դեպքում, Թևանյանն ասաց` վատ միտք չէ, մանավանդ, որ հանրությունն արդեն տեսել է, որ ունի հնարավորություն միջամտելու գործընթացներին։
Հիշեցնենք` Երևանում սեպտեմբերի 17–ին ավագանու ընտրություններ էին, որոնց մասնակցեցին 13 կուսակցություն և 1 դաշինք։
Մասնակից ուժերի քվեները բաշխվեցին հետևյալ կերպ`
1.
«Հանրային ձայն» կուսակցություն– 22․431 (9.68%),
2.
«Քաղաքացիական պայմանագիր» կուսակցություն– 75․463 (32.57%),
3.
«Արդար Հայաստան» կուսակցություն– 2595 (1.12%),
4.
«Հաղթանակ» կուսակցություն– 3959 (1.71%),
5.
«Ուժը հայրենյաց» կուսակցություն– 1706 (0.74%),
6.
«Հայաստանի եվրոպական կուսակցություն– 2572 (1.11%),
7.
«Ազգային առաջընթաց» կուսակցություն– 43․765 (18․89%),
8.
«Հանուն սոցիալական արդարության» կուսակցություն–780 (0.34%),
9.
«Հանրապետություն» կուսակցություն– 26․236 (11.32%),
10.
«Միացյալ Հայաստան» կուսակցություն–1282 (0.55%),
11.
«Լուսավոր Հայաստան» կուսակցություն– 4174 (1.8%),
12.
«Ժողովրդավարական Համախմբում» կուսակցություն– 2348 (1.01%),
13.
«Ապրելու երկիր» կուսակցություն– 8425 (3.64%),
14.
«Մայր Հայաստան» դաշինք– 35․739 (15.43%)։
Ստացվում է, որ անցողիկ շեմը հաղթահարեց 5 քաղաքական ուժ` «Քաղաքացիական պայմանագիր» կուսակցությունը, «Ազգային առաջընթաց» կուսակցությունը, «Մայր Հայաստան» դաշինքը, «Հանրապետություն» կուսակցությունը և «Հանրային ձայն» կուսակցությունը։
ՔՊ կառավարման ավարտի սկիզբը. Մարությանի կուսակցության անդամը` հնարավոր կոալիցիայի մասին
Լրահոս
0