Արցախ - Sputnik Արմենիա, 1920, 19.09.2023
Ադրբեջանի ագրեսիան Արցախի դեմ

Կողմնակից եմ առանց ցնցումների իշխանափոխության. Թևանյան

© SputnikԱնդրանիկ Թևանյան
Անդրանիկ Թևանյան - Sputnik Արմենիա, 1920, 20.09.2023
Բաժանորդագրվեք
НовостиTelegram
«Մայր Հայաստան» դաշինքի առաջնորդի խոսքով` այսօր արդեն ՀՀ–ն կորստից փրկելու խնդիր կա։
ԵՐԵՎԱՆ, 20 սեպտեմբերի – Sputnik. Այսօր իրավիճակը ծայրահեղ ծանր է, ուստի հանրային լայն զանգվածայնությունը պետք է բերի փոփոխության։ Երևանի Հանրապետության հրապարակում լրագրողների հետ զրույցում այսպիսի հայտարարություն արեց «Մայր Հայաստան» դաշինքի առաջնորդ Անդրանիկ Թևանյանը։
Նա կրկնեց` պետք է գործընթաց սկսել, որի առաջին կետն իշխանափոխությունն է։ Դրանից հետո կարողանալո՞ւ են Արցախը հետ բերել, Թևանյանը նշեց` հիմա արդեն ՀՀ–ի կորստի խնդիր ունենք։
«Կողմնակից եմ առանց ցնցումների իշխանափոխության»,– ասաց Թևանյանը` անդրադառնալով այն հարցին, թե պատրաստվո՞ւմ են արդյոք ռադիկալ գործողությունների գնալ իշխանափոխության իրականացման ճանապահին։
Հիշեցնենք` Ադրբեջանը սեպտեմբերի 19–ին լայնամասշտաբ հարձակում է սկսել Արցախի դեմ։ Արցախի ՊՆ–ի հաղորդագրության համաձայն` ժամը 13։00–ի սահմաններում ադրբեջանական զինուժը շփման գծի ողջ երկայնքով խախտել է հրադադարը` հասցնելով հրթիռահրետանային հարվածներ։
Ադրբեջանի պաշտպանության նախարարությունը հայտարարել է, թե լոկալ բնույթի հակաահաբեկչական միջոցառումներ է անցկացնում։
Արցախի դեմ սանձազերծված ադրբեջանական նոր ագրեսիան ՀՀ քաղաքացիներին բերել էր ՀՀ կառավարության շենքի մոտ։ Նրանք պատասխան էին պահանջում ՀՀ իշխանություններից։
Բողոքի ակցիաների ժամանակ քաղաքացիների ու ոստիկանական ուժերի միջև բախումների հետևանքով եղան տուժածներ ու բերման ենթարկվածներ։
Հավելենք, որ Ադրբեջանի կողմից իրականացված լայնածավալ ահաբեկչական հարձակման հետևանքով այս պահի դրությամբ Արցախում 32 զոհ կա, ավելի քան 200 վիրավոր։
Լրահոս
0