https://arm.sputniknews.ru/20230926/lghum-pajtjunic-hetvo-harjuravvor-mardik-hratap-buzhognutjan-kariq-unen-kkhmk-66512467.html
ԼՂ–ում պայթյունից հետո հարյուրավոր մարդիկ հրատապ բուժօգնության կարիք ունեն. ԿԽՄԿ
ԼՂ–ում պայթյունից հետո հարյուրավոր մարդիկ հրատապ բուժօգնության կարիք ունեն. ԿԽՄԿ
Sputnik Արմենիա
Կարմիր խաչի միջազգային կոմիտեն աշխատում է տարածաշրջանում որոշում կայացնողների հետ։ 26.09.2023, Sputnik Արմենիա
2023-09-26T19:53+0400
2023-09-26T19:53+0400
2023-09-26T20:00+0400
արցախ
լեռնային ղարաբաղ
պայթյուն
կարմիր խաչ
հիվանդ
https://cdn.am.sputniknews.ru/img/07e7/09/19/66443050_0:33:2048:1185_1920x0_80_0_0_9d4c8360b74dc9939d28e2a4cef76dbd.jpg
ԵՐԵՎԱՆ, 26 սեպտեմբերի – Sputnik. Ստեփանակերտի մոտակայքում վառելիքի պահեստում գրանցված պայթյունից այրվածքներ ստացած հարյուրավոր մարդիկ հրատապ մասնագիտական բուժօգնության կարիք ունեն։ Այս հայտարարությունը տարածել է Կարմիր խաչի միջազգային կոմիտեն` նշելով, որ բրիգադները դեղորայք են հասցնում և օգնում, որ շտապօգնության մեքենաներով բժշկական տարհանում իրականացվի։ Ընդգծվում է, որ տարածաշրջանում հիվանդանոցները լեփ–լեցուն էին դեռ պայթյունից առաջ, և նոր բուժառուների հոսքը վատթարացրել է իրավիճակը` հասցնելով կրիտիկականի։Կոմիտեում հիշեցրել են, որ միջադեպից հետո ԿԽՄԿ–ն վիրակապերի և այրվածքների մշակման հատուկ հավաքածուներ է հասցրել, իսկ Կարմիր խաչի բժշկական բրիգադն օգնություն է ցուցաբերում տեղում։ Բացի այդ, մատակարարվում է ծանր դեպքերի բուժման համար անհրաժեշտ լրացուցիչ դեղորայք։«Բժշկական տարհանումների թիվն ավելացնելու համար լուծումներ գտնելու նպատակով ԿԽՄԿ–ն աշխատում է տարածաշրջանում որոշում կայացնողների հետ»,– ասվում է հայտարարության մեջ։Հայտարարությունում նշվում է, որ բժշկական հրատապ կարիքների բավարարման համար լուծումներ գտնելու պարտավորություն ունեն բոլոր կողմերը, ինչը բխում է միջազգային մարդասիրական իրավունքից։ Կոմիտեում ընդգծել են, որ վիրավորներն ու հիվանդները պետք է բուժօգնություն ստանան հնարավոր նվազագույն ուշացումներով, և հիշեցրել, որ պայթյունից առաջ Կարմիր խաչը նախատեսում էր տեղափոխել 60 ծանր վիրավոր բուժառուի, որոնց անհրաժեշտ էր տարհանել Ստեփանակերտի հիվանդանոցից։Այդ բուժառուներից 23-ը տարհանվել են կիրակի, մյուսների տարհանման ծրագրերը դժվարացել են պայթյունի հետևանքով առաջացած կրիտիկական կարիքների պատճառով:Հիշեցնենք, որ Ստեփանակերտ-Ասկերան ավտոճանապարհի հարակից տարածքում` բենզինի պահեստում, սեպտեմբերի 25-ին տեղի է ունեցել ուժեղ պայթյուն, որի հետևանքով կան զոհեր և վիրավորներ։Սոցիալական ցանցերում տեսանյութեր էին հայտնվել, որտեղ երևում էր հզոր պայթյունը։ Նշվում էր, որ 100 տոննա տարողությամբ ցիստեռն է պայթել։Ականատեսների խոսքով` ավելի քան 100 մարդ է ողջ–ողջ այրվել, ըստ պաշտոնական տվյալների՝ 20 մարդ է մահացել, 290–ը` վնասվածքներ ստացել։
լեռնային ղարաբաղ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արցախ, լեռնային ղարաբաղ, պայթյուն, կարմիր խաչ, հիվանդ
արցախ, լեռնային ղարաբաղ, պայթյուն, կարմիր խաչ, հիվանդ
ԼՂ–ում պայթյունից հետո հարյուրավոր մարդիկ հրատապ բուժօգնության կարիք ունեն. ԿԽՄԿ
19:53 26.09.2023 (Թարմացված է: 20:00 26.09.2023) Կարմիր խաչի միջազգային կոմիտեն աշխատում է տարածաշրջանում որոշում կայացնողների հետ։
ԵՐԵՎԱՆ, 26 սեպտեմբերի – Sputnik. Ստեփանակերտի մոտակայքում վառելիքի պահեստում գրանցված պայթյունից այրվածքներ ստացած հարյուրավոր մարդիկ հրատապ մասնագիտական բուժօգնության կարիք ունեն։ Այս հայտարարությունը տարածել է Կարմիր խաչի միջազգային կոմիտեն` նշելով, որ բրիգադները դեղորայք են հասցնում և օգնում, որ շտապօգնության մեքենաներով բժշկական տարհանում իրականացվի։
Ընդգծվում է, որ տարածաշրջանում հիվանդանոցները լեփ–լեցուն էին դեռ պայթյունից առաջ, և նոր բուժառուների հոսքը վատթարացրել է իրավիճակը` հասցնելով կրիտիկականի։
«Սա ողբերգություն է հարյուրավոր մարդկանց համար, որոնք հիմա տառապում են սարսափելի այրվածքներից, ճգնաժամը վատթարացնում է այն փաստը, որ հիվանդանոցներն արդեն իսկ ծանրաբեռնված են, ինտենսիվ երթևեկությունն էլ դժվարացնում է շտապօգնության մեքենաների մուտքն ու ելքը», – ասել է Եվրոպայի և Կենտրոնական Ասիայի գծով ԿԽՄԿ–ի տարածաշրջանային տնօրեն Արիանա Բաուերը։
Կոմիտեում հիշեցրել են, որ միջադեպից հետո ԿԽՄԿ–ն վիրակապերի և այրվածքների մշակման հատուկ հավաքածուներ է հասցրել, իսկ Կարմիր խաչի բժշկական բրիգադն օգնություն է ցուցաբերում տեղում։ Բացի այդ, մատակարարվում է ծանր դեպքերի բուժման համար անհրաժեշտ լրացուցիչ դեղորայք։
«Բժշկական տարհանումների թիվն ավելացնելու համար լուծումներ գտնելու նպատակով ԿԽՄԿ–ն աշխատում է տարածաշրջանում որոշում կայացնողների հետ»,– ասվում է հայտարարության մեջ։
Հայտարարությունում նշվում է, որ բժշկական հրատապ կարիքների բավարարման համար լուծումներ գտնելու պարտավորություն ունեն բոլոր կողմերը, ինչը բխում է միջազգային մարդասիրական իրավունքից։ Կոմիտեում ընդգծել են, որ վիրավորներն ու հիվանդները պետք է բուժօգնություն ստանան հնարավոր նվազագույն ուշացումներով, և հիշեցրել, որ պայթյունից առաջ Կարմիր խաչը նախատեսում էր տեղափոխել 60 ծանր վիրավոր բուժառուի, որոնց անհրաժեշտ էր տարհանել Ստեփանակերտի հիվանդանոցից։
Այդ բուժառուներից 23-ը տարհանվել են կիրակի, մյուսների տարհանման ծրագրերը դժվարացել են պայթյունի հետևանքով առաջացած կրիտիկական կարիքների պատճառով:
Հիշեցնենք, որ Ստեփանակերտ-Ասկերան ավտոճանապարհի հարակից տարածքում` բենզինի պահեստում, սեպտեմբերի 25-ին
տեղի է ունեցել ուժեղ պայթյուն, որի հետևանքով կան զոհեր և վիրավորներ։
Սոցիալական ցանցերում տեսանյութեր էին հայտնվել, որտեղ երևում էր
հզոր պայթյունը։ Նշվում էր, որ 100 տոննա տարողությամբ ցիստեռն է պայթել։
Ականատեսների խոսքով` ավելի քան 100 մարդ է ողջ–ողջ այրվել, ըստ
պաշտոնական տվյալների՝ 20 մարդ է մահացել, 290–ը` վնասվածքներ ստացել։
