https://arm.sputniknews.ru/20231019/arcakhcinerin-yndunelu-patrastakamutjamb-kvornidzvorcin-erbeq-chi-lqi-ir-hvoghy-67431170.html
Արցախցիներին ընդունելու պատրաստակամությամբ. կոռնիձորցին երբեք չի լքի իր հողը
Արցախցիներին ընդունելու պատրաստակամությամբ. կոռնիձորցին երբեք չի լքի իր հողը
Sputnik Արմենիա
Կոռնիձորն առաջին բնակավայրն էր, ուր սեպտեմբերի 24-ից ժամանում էին Արցախից բռնի տեղահանված մեր հայրենակիցները։ 19.10.2023, Sputnik Արմենիա
2023-10-19T08:55+0400
2023-10-19T08:55+0400
2023-10-19T08:55+0400
կոռնիձոր
բռնի տեղահանված
արցախ
հայաստան
գյուղ
սահմանամերձ գյուղեր
https://cdn.am.sputniknews.ru/img/07e7/0a/12/67421973_0:250:1601:1150_1920x0_80_0_0_2d0f35dd5768aa2dae5ce9584e67d2bd.jpg
Սյունիքի մարզի Տեղ համայնքի Կոռնիձոր գյուղն այս օրերին ոչ միայն սահմանի ամրության, այլ նաև Արցախից բռնի տեղահանված հայրենակիցներին հյուրընկալելու հարցն է լուծում. 1000-ից ավելի բնակիչ ունեցող գյուղ մտնող մարդու աչքին առաջինն աչքի են փողոցներում մեծ թվով հայոց եռագույն դրոշներն ու ակտիվ շինարարական աշխատանքները՝ գյուղում ոռոգման ջրագիծ է անցկացվում, փողոցներ են հարթեցվում։Կոռնիձորն Արցախից բաժանում է միայն Հակարի գետի ձորահովիտը: Գետի աջ ափին են գտնվում մոտ 20 հա այգիներ, որոնք արդեն երկու տարի է՝ չեն մշակվում. ադրբեջանցիներն են տարածքը նշանառության տակ պահում։Sputnik Արմենիայի հետ զրույցում կոռնիձորցիներից շատերը նշեցին՝ թեև այդ հողերը չեն կարող մշակել, բայց դա չի խանգարում գյուղում մնալ ու տեղահանված արցախցիների համար նորմալ պայմաններ ստեղծել:Գյուղի վարչական ղեկավար Արշակ Կարապետյանն անդրադառնալով ջրագծի անցկացմանը՝ հիշեցնում է.«Խորհրդային տարիներին գյուղի 1200 հա վարելահողերից մոտ 800 հեկտարը ոռոգվում էր, ինչն էլ հնարավորություն էր տալիս մշտապես ապահովել բարձր բերքատվություն: Ոռոգման այդ համակարգը ևս մեկ խթան է, որ գյուղացին մշակի իր հողը»:Չնայած սահմանին շատ մոտ լինելուն՝ ոչ մի կոռնիձորցի չի լքել գյուղը:«Փա՛ռք Աստծո, մնում ենք ու ապրում: 44-օրյա պատերազմից առ այսօր մեր գյուղը ոչ մի ընտանիք չի լքել: Ժողովուրդն իր մեջ ուժ ունի ու մնում է, բայց չէի ուզենա, որ գա մի օր, երբ ժողովուրդն ուժասպառ լինի»,-ասում է վարչական ղեկավարը տեղեկացնելով՝ Արցախից 21 ընտանիք է տեղափոխվել Կոռնիձոր, բայց դեռ դատարկ տներ կան, որոնք սիրով կընդունեն արցախցիներին:«Մեծ ուրախությամբ պատրաստ ենք գյուղում էլի ընտանիքներ ընդունել: Թող գան, մնան ու մեզ հետ շենացնեն սահմանապահ այս գյուղը»,-հավելում է նա:Ամենադժվարը հիմա կոռնիձորցու համար տեսնելն է, թե ինչպես է Հակարի գետից այն կողմ տարածքը մի քանի օրում լուսաշատ դարձել. անզեն աչքով էլ պարզ է՝ ադրբեջանցիներ են եկել ու բնակություն հաստատել։«Մեր դիմացը Լաչինն է, Լաչինն է երևում, հուսով եմ, որ լույսերը մեր գյուղում էլ կշատանան: Կոռնիձորցիներին ոչ թե թշնամու տեխնիկայի կուտակումն է անհանգստացնում, այլ այդ լուսավորությունը». երիտասարդ գյուղապետը հուսով է, որ Կոռնիձորի նման սահմանապահ գյուղեր ավելի շատ մարդիկ կգան ապրելու, «որ իրենք էլ մեզ նայեն ու անհանգստանան»:Գյուղի մուտքի մոտ այս պահին Հերոսների պուրակ է կառուցվում, դրան կից հաջորդ տարի էլ ծրագրված է մեծ խաղահրապարակ ունենալ, որ նոր ընտանիքներ ձևավորվեն, երեխաներ ծնվեն՝ սահմանն էլ ամուր պահեն:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
կոռնիձոր, բռնի տեղահանված, արցախ, հայաստան, գյուղ, սահմանամերձ գյուղեր
կոռնիձոր, բռնի տեղահանված, արցախ, հայաստան, գյուղ, սահմանամերձ գյուղեր
Արցախցիներին ընդունելու պատրաստակամությամբ. կոռնիձորցին երբեք չի լքի իր հողը
Կոռնիձորն առաջին բնակավայրն էր, ուր սեպտեմբերի 24-ից ժամանում էին Արցախից բռնի տեղահանված մեր հայրենակիցները։
Սյունիքի մարզի Տեղ համայնքի Կոռնիձոր գյուղն այս օրերին ոչ միայն սահմանի ամրության, այլ նաև Արցախից բռնի տեղահանված հայրենակիցներին հյուրընկալելու հարցն է լուծում. 1000-ից ավելի բնակիչ ունեցող գյուղ մտնող մարդու աչքին առաջինն աչքի են փողոցներում մեծ թվով հայոց եռագույն դրոշներն ու ակտիվ շինարարական աշխատանքները՝ գյուղում ոռոգման ջրագիծ է անցկացվում, փողոցներ են հարթեցվում։
Կոռնիձորն Արցախից բաժանում է միայն Հակարի գետի ձորահովիտը: Գետի աջ ափին են գտնվում մոտ 20 հա այգիներ, որոնք արդեն երկու տարի է՝ չեն մշակվում. ադրբեջանցիներն են տարածքը նշանառության տակ պահում։
Sputnik Արմենիայի հետ զրույցում կոռնիձորցիներից շատերը նշեցին՝ թեև այդ հողերը չեն կարող մշակել, բայց դա չի խանգարում գյուղում մնալ ու տեղահանված արցախցիների համար նորմալ պայմաններ ստեղծել:
Գյուղի վարչական ղեկավար Արշակ Կարապետյանն անդրադառնալով ջրագծի անցկացմանը՝ հիշեցնում է.
«Խորհրդային տարիներին գյուղի 1200 հա վարելահողերից մոտ 800 հեկտարը ոռոգվում էր, ինչն էլ հնարավորություն էր տալիս մշտապես ապահովել բարձր բերքատվություն: Ոռոգման այդ համակարգը ևս մեկ խթան է, որ գյուղացին մշակի իր հողը»:
Չնայած սահմանին շատ մոտ լինելուն՝ ոչ մի կոռնիձորցի չի լքել գյուղը:
«Փա՛ռք Աստծո, մնում ենք ու ապրում: 44-օրյա պատերազմից առ այսօր մեր գյուղը ոչ մի ընտանիք չի լքել: Ժողովուրդն իր մեջ ուժ ունի ու մնում է, բայց չէի ուզենա, որ գա մի օր, երբ ժողովուրդն ուժասպառ լինի»,-ասում է վարչական ղեկավարը տեղեկացնելով՝ Արցախից 21 ընտանիք է տեղափոխվել Կոռնիձոր, բայց դեռ դատարկ տներ կան, որոնք սիրով կընդունեն արցախցիներին:
«Մեծ ուրախությամբ պատրաստ ենք գյուղում էլի ընտանիքներ ընդունել: Թող գան, մնան ու մեզ հետ շենացնեն սահմանապահ այս գյուղը»,-հավելում է նա:
Ամենադժվարը հիմա կոռնիձորցու համար տեսնելն է, թե ինչպես է Հակարի գետից այն կողմ տարածքը մի քանի օրում լուսաշատ դարձել. անզեն աչքով էլ պարզ է՝ ադրբեջանցիներ են եկել ու բնակություն հաստատել։
«Մեր դիմացը Լաչինն է, Լաչինն է երևում, հուսով եմ, որ լույսերը մեր գյուղում էլ կշատանան: Կոռնիձորցիներին ոչ թե թշնամու տեխնիկայի կուտակումն է անհանգստացնում, այլ այդ լուսավորությունը». երիտասարդ գյուղապետը հուսով է, որ Կոռնիձորի նման սահմանապահ գյուղեր ավելի շատ մարդիկ կգան ապրելու, «որ իրենք էլ մեզ նայեն ու անհանգստանան»:
Գյուղի մուտքի մոտ այս պահին Հերոսների պուրակ է կառուցվում, դրան կից հաջորդ տարի էլ ծրագրված է մեծ խաղահրապարակ ունենալ, որ նոր ընտանիքներ ձևավորվեն, երեխաներ ծնվեն՝ սահմանն էլ ամուր պահեն:
