https://arm.sputniknews.ru/20231019/mijandznajin-pattsharner-qkn-manramasner-e-hajtnel-datarani-mvot-hnchats-krakvocneri-veraberjal-67461286.html
Միջանձնային պատճառներ. ՔԿ–ն մանրամասներ է հայտնել դատարանի մոտ հնչած կրակոցների վերաբերյալ
Միջանձնային պատճառներ. ՔԿ–ն մանրամասներ է հայտնել դատարանի մոտ հնչած կրակոցների վերաբերյալ
Sputnik Արմենիա
Դեպքի առթիվ նախաձեռնվել է քրեական վարույթ սպանության փորձի հոդվածով, նշանակվել են մի շարք փորձաքննություններ։ 19.10.2023, Sputnik Արմենիա
2023-10-19T11:59+0400
2023-10-19T11:59+0400
2023-10-19T16:37+0400
կրակոց
դատարան
հհ քննչական կոմիտե
ձերբակալություն
https://cdn.am.sputniknews.ru/img/07e7/0a/13/67480255_0:0:1600:900_1920x0_80_0_0_703221acfc95690d6ab4a1fbf2f08e06.jpg
ԵՐԵՎԱՆ, 19 հոկտեմբերի–Sputnik. Երևանի ընդհանուր իրավասության քրեական դատարանի Աջափնյակի նստավայրի մոտ 54-ամյա տղամարդու ուղղությամբ կրակել է Երևանի 40-ամյա բնակիչը։ Տեղեկությունը հայտնում է ՀՀ քննչական կոմիտեի մամուլի ծառայությունը։ Նշվում է, որ տղամարդն այս գիշեր` ժամը 01:30-ին, ներկայացել է ոստիկանություն` միաժամանակ ներկայացնելով հանցագործության գործիք հանդիսացող «Մակարով» տեսակի ատրճանակը` փամփուշտներով: Վերջինս ներկայացվել է քննչական բաժին։Հոկտեմբերի 18-ին ՔԿ մամուլի խոսնակ Գոռ Աբրահամյանը հայտնել էր, որ Երևան քաղաքի ընդհանուր իրավասության դատարանի Աջափնյակի նստավայրի բակում կրակոցներ են հնչել։Նա նշել էր, որ մեկ անձ բուժօգնության է դիմել։Քննչական կոմիտեից հայտնում են, որ տղամարդը ժամը 15:40-ին «աջ կրծքավանդակի հրազենային վնասվածք» ախտորոշմամբ «Արմենիա» բժշկական կենտրոն է ընդունվել։ Նախաքննության ընթացքում կատարված դեպքի վայրի զննությամբ հայտնաբերվել և վերցվել են արնանման հետքեր, կրակված պարկուճներ և 1 գնդակ: Պարզվել է նաև, որ կրակոցների հետևանքով վնասվել է դատարանի մոտ կայանված «Մերսեդես Բենց» մակնիշի ավտոմեքենան: Առգրավվել են դեպքի պահին տուժողի հագին եղած հագուստները, ինչպես նաև՝ վիրահատական միջամտության արդյունքում վերջինիս աջ արմնկահոդից դուրս բերված գնդակը։ Սպանություն Լոռու մարզում. 22-ամյա կասկածյալը ձերբակալվել էՆշանակվել են դատաբժշկական, դատագենետիկական, դատաձգաբանական, դատահետքաբանական և այլ փորձաքննություններ: ՔԿ–ից նաև տեղեկացնում են, որ տուժողի հետ անհրաժեշտ քննչական գործողությունները հնարավոր չի եղել իրականացնել առողջական վիճակի պատճառով:Դեպքի առթիվ քրեական վարույթ է նախաձեռնվել ՀՀ քրեական օրենսգրքի 44-155-րդ հոդվածի 1-ին մասի հատկանիշներով (սպանության փորձ)։Նախաքննությունը շարունակվում է:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կրակոց, դատարան, հհ քննչական կոմիտե, ձերբակալություն
կրակոց, դատարան, հհ քննչական կոմիտե, ձերբակալություն
Միջանձնային պատճառներ. ՔԿ–ն մանրամասներ է հայտնել դատարանի մոտ հնչած կրակոցների վերաբերյալ
11:59 19.10.2023 (Թարմացված է: 16:37 19.10.2023) Դեպքի առթիվ նախաձեռնվել է քրեական վարույթ սպանության փորձի հոդվածով, նշանակվել են մի շարք փորձաքննություններ։
ԵՐԵՎԱՆ, 19 հոկտեմբերի–Sputnik. Երևանի ընդհանուր իրավասության քրեական դատարանի Աջափնյակի նստավայրի մոտ 54-ամյա տղամարդու ուղղությամբ կրակել է Երևանի 40-ամյա բնակիչը։ Տեղեկությունը հայտնում է
ՀՀ քննչական կոմիտեի մամուլի ծառայությունը։ Նշվում է, որ տղամարդն այս գիշեր` ժամը 01:30-ին, ներկայացել է ոստիկանություն` միաժամանակ ներկայացնելով հանցագործության գործիք հանդիսացող «Մակարով» տեսակի ատրճանակը` փամփուշտներով: Վերջինս ներկայացվել է քննչական բաժին։
«Ստացված նախնական, դեռևս ստուգման ենթակա տվյալներով հանցագործության պատճառ է հանդիսացել միջանձնային խնդիրները։ Հանցանք կատարած լինելու անմիջականորեն ծագած հիմնավոր կասկածի առկայության հիմքով վերջինս ձերբակալվել է»,– տեղեկացնում են ՔԿ–ից։
Հոկտեմբերի 18-ին ՔԿ մամուլի խոսնակ Գոռ Աբրահամյանը հայտնել էր, որ Երևան քաղաքի ընդհանուր իրավասության դատարանի Աջափնյակի նստավայրի բակում
կրակոցներ են հնչել։Նա նշել էր, որ մեկ անձ բուժօգնության է դիմել։
Քննչական կոմիտեից հայտնում են, որ տղամարդը ժամը 15:40-ին «աջ կրծքավանդակի հրազենային վնասվածք» ախտորոշմամբ «Արմենիա» բժշկական կենտրոն է ընդունվել։
Նախաքննության ընթացքում կատարված դեպքի վայրի զննությամբ հայտնաբերվել և վերցվել են արնանման հետքեր, կրակված պարկուճներ և 1 գնդակ: Պարզվել է նաև, որ կրակոցների հետևանքով վնասվել է դատարանի մոտ կայանված «Մերսեդես Բենց» մակնիշի ավտոմեքենան: Առգրավվել են դեպքի պահին տուժողի հագին եղած հագուստները, ինչպես նաև՝ վիրահատական միջամտության արդյունքում վերջինիս աջ արմնկահոդից դուրս բերված գնդակը։
Նշանակվել են դատաբժշկական, դատագենետիկական, դատաձգաբանական, դատահետքաբանական և այլ փորձաքննություններ: ՔԿ–ից նաև տեղեկացնում են, որ տուժողի հետ անհրաժեշտ քննչական գործողությունները հնարավոր չի եղել իրականացնել առողջական վիճակի պատճառով:
Դեպքի առթիվ քրեական վարույթ է նախաձեռնվել ՀՀ քրեական օրենսգրքի 44-155-րդ հոդվածի 1-ին մասի հատկանիշներով (սպանության փորձ)։
Նախաքննությունը շարունակվում է:
