Գազայի հզոր ռմբակոծություն. ԶԼՄ-ներն անցած գիշերն անվանել են վատթարն էսկալացիայի ընթացքում
15:16 28.10.2023 (Թարմացված է: 15:41 28.10.2023)
© AP Photo / Ariel Schalit
Բաժանորդագրվեք
Գիշերը Գազայի հատվածի աննախադեպ ռմբակոծություն է եղել ցամաքից, ծովից և օդից։ Իսրայելը դա անվանել է «ցամաքային գործողությունների ընդլայնում»: Հստակ պարզել, թե ինչ է կատարվում Գազայում, շատ դժվար է, տարածաշրջանում անջատվել են ինտերնետն ու բջջային կապը ։
Անցած գիշեր Գազայի հատվածի բնակիչները ՀԱՄԱՍ-ի հետ Իսրայելի պատերազմի սկսվելուց ի վեր ենթարկվել են ինքնավարության պատմության մեջ ամենամասշտաբային ռմբակոծություններին։ Այս մասին հայտնում են ինչպես պաղեստինցի լրագրողները, այնպես էլ իսրայելական Haaretz պարբերականը:
1/3
© AP Photo / Hatem Ali
Գազայի հատվածի բնակիչներ
2/3
© AP Photo / Hatem Ali
Գազայի հատվածի բնակիչ
3/3
© AP Photo / Petros Giannakouris
Գազայի հատվածի բնակիչներ
1/3
© AP Photo / Hatem Ali
Գազայի հատվածի բնակիչներ
2/3
© AP Photo / Hatem Ali
Գազայի հատվածի բնակիչ
3/3
© AP Photo / Petros Giannakouris
Գազայի հատվածի բնակիչներ
Միջազգային պարբերականների լրագրողները հայտնում են, որ չեն կարողանում կապ հաստատել տարածաշրջանի այն մարդկանց հետ, որոնց հետ շփվել են մինչ այդ: ՄԱԿ-ի որոշ գործակալություններ նույնպես կորցրել են կապը Գազայում իրենց աշխատողների հետ, մասնավորապես Առողջապահության համաշխարհային կազմակերպությունը և «ՅՈւՆԻՍԵՖ» մանկական հիմնադրամը:
#الجزيرة تحصل على صور حصرية توثق اللحظات الأولى التي تلت قصفا مكثفا نفذه طيران الاحتلال الإسرائيلي ظهر يوم الجمعة على حي تل الهوى بالقرب من المقر الرئيسي للأمم المتحدة#الأخبار#حرب_غزة pic.twitter.com/IpEeU4IU3J
— قناة الجزيرة (@AJArabic) October 28, 2023
Ի՞նչ է հայտնի պաղեստինա-իսրայելական հակամարտության մասին այս պահին
ՀԱՄԱՍ-ի կողմից պահվող պատանդների ընտանիքներն այս գիշերն անվանել են վատագույնը, գրում են տեղական ԶԼՄ-ները: Նրանք չգիտեն, թե ինչ է կատարվում իրենց սիրելիների հետ և հանդիպում են պահանջում Իսրայելի վարչապետ Բենիամին Նեթանյահուի և պաշտպանության նախարար Գալանտի հետ։
Կատարական Al Jazeera հեռուստաալիքի թղթակից Վաել ալ-Դահդուխի տեղեկություններով (որը 3 օր առաջ իսրայելական ավիահարվածների հետևանքով կորցրել էր իր ընտանիքի գրեթե բոլոր անդամներին և շարունակում է ռեպորտաժներ վարել դեպքի վայրից)` ռմբակոծություններին մասնակցել է մոտ 100 իսրայելական ռազմական ինքնաթիռ:
Իսրայելական տանկերը Գազայի հատված են մտել։ Իսրայելի բանակի ներկայացուցիչ Նիր Դինարը The New York Times թերթին հաստատել է, որ իսրայելցի որոշ զինծառայողներ և տանկեր գտնվում են Գազայի հատվածում, սակայն հրաժարվել է հայտնել, թե արդյոք դա «գործողության ցամաքային մասի ընդլայնման» մաս է կազմում:
Գազայի հատվածն ամբողջությամբ կտրված է արտաքին աշխարհից. Պաղեստինյան Կարմիր մահիկի ընկերության ներկայացուցիչ։
Գազայի հատվածում ինտերնետի և բջջային կապի անջատումը կարող է քողարկել զանգվածային վայրագությունները. Human Rights Watch կազմակերպություն։
Իսրայելն այսօր Գազայի հատված բաց կթողնի սննդով, ջրով և դեղորայքով բեռնատարներ. ՑԱԽԱԼ-ի ներկայացուցիչ։
Անկարան կոչ է անում Իսրայելին դադարեցնել արյունահեղությունը, նստել բանակցությունների սեղանի շուրջ և ողջախոհությամբ գործել. Պաղեստինի ժողովրդի անտեսումը Թել Ավիվին խաղաղություն և հանգստություն չի բերի. Թուրքիայի նախագահ Ռեջեփ Էրդողանի աշխատակազմ։
תיעוד מפעילות כוחות קרקעיים של צה״ל ברצועת עזה: pic.twitter.com/9dqUzXP7in
— צבא ההגנה לישראל (@idfonline) October 28, 2023
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին:
Գազայի հատվածում զոհերի թիվը, ըստ տեղի առողջապահության նախարարության, գերազանցել է 7,3 հազարը, վիրավորում է ստացել ավելի քան 18 հազար մարդ:
Հոկտեմբերի 27–ի երեկոյան իսրայելական ուժերը մտել ենԳազայի հատված։ Իսրայելն ուժեղ ավիահարվածներ է հասցնում օդից, ծովից և ցամաքից։
