Ամոթ է, ում դեմ և ինչ եք խափանում. երկրից բացակայելու արգելքը Բագրատյանի նկատմամբ վերացվեց

© Sputnik / Asatur YesayantsՀրանտ Բագրատյան
Հրանտ Բագրատյան - Sputnik Արմենիա, 1920, 10.11.2023
Հրանտ Բագրատյան
Բաժանորդագրվեք
НовостиTelegram
Բագրատյանի գործով դատակ նիստը հետաձգվեց, այն կշարունակվի նոյեմբերի 28–ին, ժամը 10։00–ին։
ԵՐԵՎԱՆ, 10 նոյեմբերի – Sputnik. Երկրից բացակայելու արգելքը Հրանտ Բագրատյանի նկատմամբ վերացվեց։ Նման որոշում Երևանի քրեական դատարանի Ավան և Նոր Նորք նստավայրում կայացրեց դատավոր Մանվել Շահվերդյանը` բավարարելով պաշտպանների բողոքը։
Նշենք, որ Հրանտ Բագրատյանին մեղադրանք է առաջադրվել բռնության կոչեր հնչեցնելու համար։
Դատարանում իր ելույթում Բագրատյանը նշեց.
«Ես պետք է խնդրեմ վերացնեք այդ խափանման միջոցը։ Ամոթ է, ամոթ։ Ում դեմ եք խափանում, ինչն եք խափանում։ Ձեր առջև կանգնած է Հանրապետության հիմնադիրներից մեկը, մի կողմ թողնենք գործի էությունը, եկեք հասկանանք` ում հետ, ոնց եք խոսում։ Ես չեմ ընդունում, իմ ամբողջ էությունը չի ընդունում, երբ որ մեկն ինձ ասում է խափանման միջոցի մասին։ Ես անկեղծ ասած վիրավորական եմ համարում խափանման միջոցի առկայությունը»։
Բագրատյանի գործով դատական նիստը հետաձգվեց, այն կշարունակվի նոյեմբերի 28–ին, ժամը 10։00–ին։
Հրանտ Բագրատյանին առաջադրված մեղադրանքի հիմքում 2023 թվականի ապրիլի 4-ին Ազգային ժողովի մոտ «Միասին» շարժման հրավիրած հանրահավաքում նրա ունեցած ելույթն է, որի ժամանակ Բագրատյանը մասնավորապես ասել է. «Վերացրե՛ք այդ իշխանությունը ձեր ուժով, թափով: Այս ի՞նչ ինքնասպանություն է, որին ազգը գնում է»։
Լրահոս
0