https://arm.sputniknews.ru/20231111/islandiajum-mardkanc-tarhanum-en-erkrasharzhic-hetvo-lavaji-durs-galu-vtangi-pattsharvov-68491663.html
Իսլանդիայում մարդկանց տարհանում են երկրաշարժից հետո լավայի դուրս գալու վտանգի պատճառով
Իսլանդիայում մարդկանց տարհանում են երկրաշարժից հետո լավայի դուրս գալու վտանգի պատճառով
Sputnik Արմենիա
Գրինդավիկի քաղաքացիական պաշտպանության վարչությունը քաղաքում հայտարարել է արտակարգ իրավիճակ: 11.11.2023, Sputnik Արմենիա
2023-11-11T12:22+0400
2023-11-11T12:22+0400
2023-11-11T12:33+0400
երկրաշարժ
իսլանդիա
տարհանում
լավա
https://cdn.am.sputniknews.ru/img/07e7/0b/0b/68490892_0:163:1600:1063_1920x0_80_0_0_f85d8ab8ec1209d312457e0d4d0b59fc.jpg
ԵՐԵՎԱՆ, 11 նոյեմբերի – Sputnik. Իսլանդիայի իշխանությունները հայտարարել են երկրի հարավում գտնվող Գրինդավիկ քաղաքի տարհանման մասին։ Իշխանությունները մտավախություն ունեն, որ վերջերս տեղի ունեցած երկրաշարժից հետո կուտակված լավան կարող է դուրս գալ մակերևույթ։ Տեղեկությունը հաղորդում է ՌԻԱ Նովոստին՝ վկայակոչելով Reykjavik Grapevine ամսագիրը:Ավելի վաղ Iceland Review պարբերականը գրել էր, որ նոյեմբերի 8–ին զբոսաշրջիկների շրջանում հայտնի «Կապույտ ծովածոց» երկրաջերմային հանգստավայրի շրջանում տեղի են ունեցել մի շարք ուժեղ երկրաշարժեր, որոնք զգացվել են մի քանի բնակավայրերում և դարձել են սեյսմիկ ակտիվության պատճառ:Ընդ որում, նշվում է, որ օդերևութաբանական բյուրոյի սարքերի վրա հստակ նշաններ կան, որ առաջացած մագմայի թունելը բարձրանում է դեպի երկրի մակերես:Աղոթում ենք Նեպալի ժողովրդի համար. ՀՀ ԱԳՆ–ն ցավակցել է երկրաշարժի հետևանքով զոհերի համարՊարբերականը հայտնում է, որ Գրինդավիկի քաղաքացիական պաշտպանության դեպարտամենտը քաղաքում տագնապի աստիճանը բարձրացրել է մինչև արտակարգ իրավիճակի մակարդակ, իսկ դեպարտամենտի տնօրեն Վիդիր Ռեյնիսոնը հայտարարել է պարտադիր տարհանման մասին, որի ընթացքում բնակիչները պետք է քաղաքից հեռանան առաջիկա երկու–երեք ժամվա ընթացքում:Բացի այդ, ամսագիրը, հղում անելով տեղական լրատվամիջոցներին` նշում է, որ իշխանություններն ամրացնում են քաղաքի կարևոր ենթակառուցվածքների պաշտպանությունը: Սվարցենգիի առանցքային էլեկտրակայանի շուրջ ընթանում է պաշտպանիչ պատնեշի կառուցումը։Թուրքիայի Ղահրամանմարաշ քաղաքում կրկին երկրաշարժ է եղել
իսլանդիա
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
երկրաշարժ, իսլանդիա, տարհանում, լավա
երկրաշարժ, իսլանդիա, տարհանում, լավա
Իսլանդիայում մարդկանց տարհանում են երկրաշարժից հետո լավայի դուրս գալու վտանգի պատճառով
12:22 11.11.2023 (Թարմացված է: 12:33 11.11.2023) Գրինդավիկի քաղաքացիական պաշտպանության վարչությունը քաղաքում հայտարարել է արտակարգ իրավիճակ:
ԵՐԵՎԱՆ, 11 նոյեմբերի – Sputnik. Իսլանդիայի իշխանությունները հայտարարել են երկրի հարավում գտնվող Գրինդավիկ քաղաքի տարհանման մասին։ Իշխանությունները մտավախություն ունեն, որ վերջերս տեղի ունեցած երկրաշարժից հետո կուտակված լավան կարող է դուրս գալ մակերևույթ։ Տեղեկությունը հաղորդում է
ՌԻԱ Նովոստին՝ վկայակոչելով Reykjavik Grapevine ամսագիրը:
Ավելի վաղ Iceland Review պարբերականը գրել էր, որ նոյեմբերի 8–ին զբոսաշրջիկների շրջանում հայտնի «Կապույտ ծովածոց» երկրաջերմային հանգստավայրի շրջանում տեղի են ունեցել մի շարք ուժեղ երկրաշարժեր, որոնք զգացվել են մի քանի բնակավայրերում և դարձել են սեյսմիկ ակտիվության պատճառ:
«Իսլանդիայի օդերևութաբանական բյուրոն հայտնում է, որ Գրինդավիկ քաղաքի տակ, հավանաբար, առաջացել է մագմայի ջրանցք: 3,7 հազար բնակչություն ունեցող քաղաքում լավայի` մակերես հնարավոր դուրս գալու պատճառով մարդկանց պարտադիր տարհանման հրաման է տրվել»,– գրում է ամսագիրը։
Ընդ որում, նշվում է, որ օդերևութաբանական բյուրոյի սարքերի վրա հստակ նշաններ կան, որ առաջացած մագմայի թունելը բարձրանում է դեպի երկրի մակերես:
Պարբերականը հայտնում է, որ Գրինդավիկի քաղաքացիական պաշտպանության դեպարտամենտը քաղաքում տագնապի աստիճանը բարձրացրել է մինչև արտակարգ իրավիճակի մակարդակ, իսկ դեպարտամենտի տնօրեն Վիդիր Ռեյնիսոնը հայտարարել է պարտադիր տարհանման մասին, որի ընթացքում բնակիչները պետք է քաղաքից հեռանան առաջիկա երկու–երեք ժամվա ընթացքում:
Բացի այդ, ամսագիրը, հղում անելով տեղական լրատվամիջոցներին` նշում է, որ իշխանություններն ամրացնում են քաղաքի կարևոր ենթակառուցվածքների պաշտպանությունը: Սվարցենգիի առանցքային էլեկտրակայանի շուրջ ընթանում է պաշտպանիչ պատնեշի կառուցումը։
