https://arm.sputniknews.ru/20231114/rdin-tujl-erkir-karvogh-e-ditarkel--miajn-himary-pvordzagety--hhmt-kaperi-sertacman-masin-68609419.html
ՌԴ–ին թույլ երկիր կարող է դիտարկել միայն հիմարը. փորձագետը` ՀՀ–ՄԹ կապերի սերտացման մասին
ՌԴ–ին թույլ երկիր կարող է դիտարկել միայն հիմարը. փորձագետը` ՀՀ–ՄԹ կապերի սերտացման մասին
Sputnik Արմենիա
ՀՀ–ի և Միացյալ Թագավորության միջև ռազմավարական երկխոսության մեկնարկը փորձագիտական շրջանակին վստահություն չի ներշնչում։ Հնչում են կարծիքներ, որ նպատակը ՀՀ–ին... 14.11.2023, Sputnik Արմենիա
2023-11-14T20:41+0400
2023-11-14T20:41+0400
2023-11-14T20:57+0400
միացյալ թագավորություն
հայաստան
անգլիա
ռուսաստան
քաղաքացիական դիվանագիտություն
ադրբեջան
հայ-ադրբեջանական
արման բոշյան
https://cdn.am.sputniknews.ru/img/995/03/9950397_0:0:1601:901_1920x0_80_0_0_b7fe64ef02bf322e1bfd54585949fea1.jpg
ԵՐԵՎԱՆ, 14 նոյեմբերի – Sputnik. Հայաստանի Հանրապետությունը Միացյալ Թագավորության հետ ոչ մի ընդհանուր շահ չունի, մինչդեռ ՄԹ–ն մեր տարածաշրջանում ակնհայտ շահեր ունի տրանսպորտային, էներգետիկ ուղիների հետ կապված։ Sputnik Արմենիայի հետ զրույցում այս մասին ասաց Երևանի աշխարհաքաղաքական ակումբի ղեկավար Արման Բոշյանը։Ավելի վաղ հայտնել էինք, որ Լոնդոնում պաշտոնապես բացվել է Միացյալ Թագավորությունում ՀՀ դեսպանության նոր շենքը։ Երկու երկրների արտաքի քաղաքական գերատեսչությունների ղեկավարները նշել են, որ հիմք է դրվում ՀՀ–ՄԹ ռազմավարական երկխոսության մեկնարկին։Ըստ Բոշյանի` արևմտյան երկրները և հատկապես ՄԹ–ն, տրամաբանական է, որ մեր տարածաշրջանում ՌԴ–ի լռության ու բացակայության ֆոնին (երբ, օրինակ, ՀՀ–ն չի մասնակցում ՀԱՊԿ–ի և ռուսական կողմի նախաձեռնած այլ միջոցառումներին) կսկսեն ակտիվանալ։Նրա խոսքով` արևմտյան երկրների մեծ ծրագրի մի մասն է ՌԴ–ին մեր տարածաշրջանից դուրս բերելը։ Այդ առումով ՀՀ–ն ընդամենը գործիք է։«Զարմանալի ոչ մի բան տեղի չի ունենում, պարզապես կրկնվում են իրադարձությունները, որոնք ՀՀ–ն իր պատմության մեջ արդեն անցել է 100 տարի առաջ։ ՌԴ–ն այս պահին թուլացել է, պատերազմական լուրջ խնդիրներ ունի, մեծ ռեսուրսներ է ծախսում ոչ միայն Ուկրաինայի, այլև Սիրիայի ուղղությամբ, լուրջ խնդիրներ ունի արևմտյան սանկցիաների հետ կապված, նոր ռազմավարական կապեր է ստեղծում Չինաստանի հետ, ու, ընդհանրապես, իր արտաքին քաղաքական ուղղությունն ամբողջությամբ փոխում է։ Այնուամենայնիվ, ՌԴ–ին նույնիսկ այս ամենով հանդերձ դիտարկել որպես թույլ երկիր, կարող է միայն հիմարը»,– ընդգծեց Երևանի աշխարհաքաղաքական ակումբի ղեկավարը։Ըստ նրա` ՌԴ–ն կարող է միայն ժամանակավորապես թուլանալ, սակայն հենց այնպես դուրս չի գա Հարավային Կովկասից, քանի որ դա շարունակական գործընթաց կլինի նրա համար` Հայաստանից հետո կկորցնի Չեչնիան, Դաղստանը և այլն։Փաշինյանը ցանկանում է առանց էմոցիաների ուսումնասիրել ՀԱՊԿ–ի հետ հարաբերություններըԲոշյանի համոզմամբ` դա է պատճառը, որ ՀՀ–ն ՌԴ–ի համար ռազմավարական նշանակություն ունի։ Եթե ՀՀ–ն խելացի գործի, այս իրավիճակից կարող է օգտվել, որպեսզի ամրապնդի իր տնտեսական շահերը` այն, ինչ հիմա անում է Վրաստանը։«Այս խաղն ունի մի քանի փուլ. մի կողմից ՀՀ–ն թուլացնում է իր կապերը ՌԴ–ի հետ, ամրապնդում Արևմուտքի հետ, ու այդ ընթացքում ՌԴ ռազմական ներկայությունը մեր տարածաշրջանում գրեթե զրոյի պետք է հավասարեցվի։ Այնուհետև ՀՀ–ն պետք է սկսի զենք գնել այլ երկրներից, կառուցել այլընտրանքային անվտանգության համակարգ»,– նշում է Բոշյանը։Հարցին` ՄԱԿ Անվտանգության խորհրդի նիստի ժամանակ, երբ քննարկվում էր Լաչինի միջանցքի արգելափակման հարցը, հենց ՄԹ–ն խնդիրներ ստեղծեց հայտարարության ընդունման համար, ինչպե՞ս է հնարավոր դրանիցհետո համագործակցել նրա հետ, քաղաքագետը նշեց` հիմնական խնդիրը Արցախն էր, որը մեր վերահսկողության տակ էր։Նա այն կարծիքին է, որ ՄԹ–ն և Ադրբեջանն իրենց փոխշահավետ հարաբերությունների ենթատեքստում էլ ավելի են ճնշելու ՀՀ–ին ու ստիպելու, որ մեր երկիրը հետևի թուրք–ադրբեջանական շահերին։Քաղաքական դեմարշ է. Ռուստամյանը մեկնաբանել է ՀԱՊԿ նիստին չմասնակցելու` Փաշինյանի որոշումը
միացյալ թագավորություն
անգլիա
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
միացյալ թագավորություն, հայաստան, անգլիա, ռուսաստան, քաղաքացիական դիվանագիտություն, ադրբեջան, հայ-ադրբեջանական, արման բոշյան
միացյալ թագավորություն, հայաստան, անգլիա, ռուսաստան, քաղաքացիական դիվանագիտություն, ադրբեջան, հայ-ադրբեջանական, արման բոշյան
ՌԴ–ին թույլ երկիր կարող է դիտարկել միայն հիմարը. փորձագետը` ՀՀ–ՄԹ կապերի սերտացման մասին
20:41 14.11.2023 (Թարմացված է: 20:57 14.11.2023) ՀՀ–ի և Միացյալ Թագավորության միջև ռազմավարական երկխոսության մեկնարկը փորձագիտական շրջանակին վստահություն չի ներշնչում։ Հնչում են կարծիքներ, որ նպատակը ՀՀ–ին մեծ խաղի մեջ ներքաշելն է, որի վերջնարդյունքը լինելու է թուրք–ադրբեջանական տանդեմի հաստատումը մեր երկրում։
ԵՐԵՎԱՆ, 14 նոյեմբերի – Sputnik. Հայաստանի Հանրապետությունը Միացյալ Թագավորության հետ ոչ մի ընդհանուր շահ չունի, մինչդեռ ՄԹ–ն մեր տարածաշրջանում ակնհայտ շահեր ունի տրանսպորտային, էներգետիկ ուղիների հետ կապված։
Sputnik Արմենիայի հետ զրույցում այս մասին ասաց Երևանի աշխարհաքաղաքական ակումբի ղեկավար Արման Բոշյանը։
Ավելի վաղ հայտնել էինք, որ
Լոնդոնում պաշտոնապես բացվել է Միացյալ Թագավորությունում ՀՀ դեսպանության նոր շենքը։ Երկու երկրների արտաքի քաղաքական գերատեսչությունների ղեկավարները նշել են, որ հիմք է դրվում
ՀՀ–ՄԹ ռազմավարական երկխոսության մեկնարկին։
Ըստ Բոշյանի` արևմտյան երկրները և հատկապես ՄԹ–ն, տրամաբանական է, որ մեր տարածաշրջանում ՌԴ–ի լռության ու բացակայության ֆոնին (երբ, օրինակ, ՀՀ–ն չի մասնակցում ՀԱՊԿ–ի և ռուսական կողմի նախաձեռնած այլ միջոցառումներին) կսկսեն ակտիվանալ։
«Մասնավորապես, ՄԹ–ն շատ կարևոր դեր է խաղում մեր տարածաշրջանում. անգլիական ընկերությունները տնտեսական մեծ շահեր ունեն Ադրբեջանում, հետևաբար ՄԹ–ն շահագրգռված է, այսպես կոչված, միջանցքի բացմամբ։ Անգլիան թուլացած կայսրություն է, սակայն չի դադարում մնալ կայսրություն, ու չպետք է մոռանալ, թե քանի երկրում է նա շարունակում ունենալ ազդեցություն»,– նկատեց Բոշյանը։
Նրա խոսքով` արևմտյան երկրների մեծ ծրագրի մի մասն է ՌԴ–ին մեր տարածաշրջանից դուրս բերելը։ Այդ առումով ՀՀ–ն ընդամենը գործիք է։
«Զարմանալի ոչ մի բան տեղի չի ունենում, պարզապես կրկնվում են իրադարձությունները, որոնք ՀՀ–ն իր պատմության մեջ արդեն անցել է 100 տարի առաջ։ ՌԴ–ն այս պահին թուլացել է, պատերազմական լուրջ խնդիրներ ունի, մեծ ռեսուրսներ է ծախսում ոչ միայն Ուկրաինայի, այլև Սիրիայի ուղղությամբ, լուրջ խնդիրներ ունի արևմտյան սանկցիաների հետ կապված, նոր ռազմավարական կապեր է ստեղծում Չինաստանի հետ, ու, ընդհանրապես, իր արտաքին քաղաքական ուղղությունն ամբողջությամբ փոխում է։ Այնուամենայնիվ, ՌԴ–ին նույնիսկ այս ամենով հանդերձ դիտարկել որպես թույլ երկիր, կարող է միայն հիմարը»,– ընդգծեց Երևանի աշխարհաքաղաքական ակումբի ղեկավարը։
Ըստ նրա` ՌԴ–ն կարող է միայն ժամանակավորապես թուլանալ, սակայն հենց այնպես դուրս չի գա Հարավային Կովկասից, քանի որ դա շարունակական գործընթաց կլինի նրա համար` Հայաստանից հետո կկորցնի Չեչնիան, Դաղստանը և այլն։
Բոշյանի համոզմամբ` դա է պատճառը, որ ՀՀ–ն ՌԴ–ի համար ռազմավարական նշանակություն ունի։ Եթե ՀՀ–ն խելացի գործի, այս իրավիճակից կարող է օգտվել, որպեսզի ամրապնդի իր տնտեսական շահերը` այն, ինչ հիմա անում է Վրաստանը։
«Այս խաղն ունի մի քանի փուլ. մի կողմից ՀՀ–ն թուլացնում է իր կապերը ՌԴ–ի հետ, ամրապնդում Արևմուտքի հետ, ու այդ ընթացքում ՌԴ ռազմական ներկայությունը մեր տարածաշրջանում գրեթե զրոյի պետք է հավասարեցվի։ Այնուհետև ՀՀ–ն պետք է սկսի զենք գնել այլ երկրներից, կառուցել այլընտրանքային անվտանգության համակարգ»,– նշում է Բոշյանը։
Հարցին` ՄԱԿ Անվտանգության խորհրդի նիստի ժամանակ, երբ քննարկվում էր Լաչինի միջանցքի արգելափակման հարցը, հենց ՄԹ–ն խնդիրներ ստեղծեց հայտարարության ընդունման համար, ինչպե՞ս է հնարավոր դրանիցհետո համագործակցել նրա հետ, քաղաքագետը նշեց` հիմնական խնդիրը Արցախն էր, որը մեր վերահսկողության տակ էր։
«Հիմա իրենց համար խնդիրները վերացել են, ու ՀՀ–ն այլևս սուբյեկտայնություն չունի. հիմա վարում է մի քաղաքականություն, որ ով ուժեղ է, նրան ենթարկվում է։ Միացյալ Թագավորության համար առաջնայինն Ադրբեջանն է, իսկ այս խաղի նպատակն է, որ ՀՀ–ն հարմարվի այս տարածաշրջանում Թուրքիայի ու Ադրբեջանի տեսլականին, իսկ մեր կառավարությունը, կարծես թե, դրան դեմ չէ։ Մինչդեռ պետք է հաշվի առնել նաև ՌԴ–ի և Իրանի գործոնը ու անհեռանկար քայլեր չանել»,– համոզված է Բոշյանը։
Նա այն կարծիքին է, որ ՄԹ–ն և Ադրբեջանն իրենց փոխշահավետ հարաբերությունների ենթատեքստում էլ ավելի են ճնշելու ՀՀ–ին ու ստիպելու, որ մեր երկիրը հետևի թուրք–ադրբեջանական շահերին։
