https://arm.sputniknews.ru/20231116/du-filmer-ara-u-lrir-kajacav-peleshjani-husher-grqi-shnvorhandesy-68701161.html

«Դու ֆիլմեր արա ու լռիր». կայացավ Փելեշյանի գրքի շնորհանդեսը

«Դու ֆիլմեր արա ու լռիր». կայացավ Փելեշյանի գրքի շնորհանդեսը

Sputnik Արմենիա

Հայ կինոյի 100-ամյակի հոբելյանական ծրագրերի շրջանակում կինոռեժիսոր Արտավազդ Փելեշյանը իր մոր հիշատակին նվիրված «Հուշեր» գիրքը ստորագրել է երկրպագուների և ԿԳՄՍ... 16.11.2023, Sputnik Արմենիա

2023-11-16T18:56+0400

2023-11-16T18:56+0400

2023-11-16T20:48+0400

արտավազդ փելեշյան

գիրք

ռեժիսոր

https://cdn.am.sputniknews.ru/img/07e7/0b/10/68696667_0:31:1300:762_1920x0_80_0_0_4620ef749a645c67a7828da88f01e1f3.jpg

ԵՐԵՎԱՆ, 16 նոյեմբերի – Sputnik․ Այսօր Գաֆէսճեան արվեստի կենտրոնում տեղի ունեցավ գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր Արտավազդ Փելեշյանի նոր` «Հուշեր» գրքի շնորհանդեսը, որը նվիրված է վարպետի մոր հիշատակին։ Օրվա առթիվ Փելեշյանին շնորհավորելու էին եկել արվեստագետներ, կինոգետներ, վարպետի արվեստը գնահատող մի քանի տասնյակ մարդիկ։ Հրավիրվածների մեջ էր նաև ՀՀ կրթության, գիտության, մշակույթի և սպորտի նախարար Ժաննա Անդրեասյանը։Նա նշեց, որ քննարկվել է Փելեշյանի անվան կինոդպրոցի բացման հնարավորությունը։ Նախարարը կարծում է, որ առաջիկայում նման հնարավորություններ կստեղծվեն, որպեսզի կինոաշխարհում իրենց ապագան տեսնող ուսանողները կարողանան սովորել վարպետից։«Հուշեր» գրքի շնորհանդեսի ժամանակ ելույթ ունեցավ նաև վարպետ Փելեշյանը։ Նա ներկաներին ուրախացրեց իր կյանքի հիշարժան դրվագներից մեկով։«Շատ տարիներ առաջ ես ապրում էի «Արմենիա» հյուրանոցում։ Մի երեկո զանգ պատվիրեցի Կիև` Փարաջանովի տան համարով։ Միացրին։ Ավելի քան մեկ ժամ խոսեցինք շատ թեմաներից, մինչև անգամ բամբասեցինք ստուդիայի ղեկավարությունից։ Հեռախոսը ցած դրեցի ու անմիջապես զանգահարեց փոստի աշխատողը , ասեց, որ մեկ ժամ ու քանի րոպե խոսել ենք, հետո ավելացրեց, որ վճար չի վերցնելու։ Երբ հարցրի, թե ինչու, ասաց` «այդպիսի հետաքրքիր զրույց ես կյանքումս չէի լսել»»,–վերհիշեց Փելեշյանը։Նրա խոսքով` այդ կինը եկել է հյուրանոց անձամբ ծանոթանալու իր հետ։ Առաջարկել է Փելեշյանին իրեն տրամադրել իր ունեցած բոլոր արտասահմանյան հեռախոսահամարներն ու խոստացել անվճար զանգեր` հաճելի զրույցներ լսելու ակնկալիքով։ Ինչպես իր բոլոր գործերում, Փելեշյանը մեծ տեղ է տալիս լռությանը։«Դու ֆիլմեր արա ու լռիր». գրքի կազմի վրա հիշեցնում է Փելեշյանը։ Շնորհանդեսի ավարտին 85-ամյա Փելեշյանն իր մոր հիշատակին նվիրված «Հուշեր» գիրքը ստորագրեց երկրպագուների և ԿԳՄՍ նախարար Ժաննա Անդրեասյանի համար։

2023

Լուրեր

am_HY

արտավազդ փելեշյան, գիրք, ռեժիսոր