Ավելի քան 850 հայկական բեռնատար սպասում է Վերին Լարսի անցակետի բացմանը. կցորդ

© Sputnik / Александр Имедашвили / Անցնել մեդիապահոցՌազմավիրական ճանապարհը. արխիվային լուսանկար
Ռազմավիրական ճանապարհը. արխիվային լուսանկար - Sputnik Արմենիա, 1920, 20.11.2023
Բաժանորդագրվեք
НовостиTelegram
Վահան Հակոբյանը նշեց, որ ճանապարհը հնարավոր կլինի բացել, եթե կրկին տեղումներ չլինեն։
ԵՐԵՎԱՆ, 20 նոյեմբերի – Sputnik. Ավելի քան 850 հայկական բեռնատար թե՛ ՌԴ–ի, թե՛ Վրաստանի ուղղությամբ այս պահին Վերին Լարսի անցակետում սպասում է ճանապարհի բացմանը։ Այս մասին Sputnik Արմենիայի հետ զրույցում ասաց Ռուսաստանում ՀՀ դեսպանության մաքսային կցորդ Վահան Հակոբյանը։
«Այս պահին դեպի ՌԴ ուղղությամբ ճանապարհին ունենք մոտ 700 բեռնատար, իսկ հակառակ ուղղությամբ` 150 բեռնատար»,– ասաց նա։
Վահան Հակոբյանը տեղեկացրեց, որ Խաչի լեռնանցքի հատվածում ձնահոսքի վտանգը վերանալուն պես վրացական կողմը կսկսի մաքրման աշխատանքները, և եթե կրկին տեղումներ չլինեն, ճանապարհը հնարավոր կլինի բացել:
Նշենք, որ ռազմավիրական ճանապարհով բոլոր տեսակի ավտոտրանսպորտի երթևեկությունը ժամանակավորապես դադարեցվել է երեկվանից։ Պատճառը եղանակի վատթարացումն է։
Լրահոս
0