https://arm.sputniknews.ru/20231204/dasaliqi-hancanqy-gumarvov-nerum-eq-qpakan-patgamavvornery-vitshecin-69567551.html
«Դասալիքի հանցանքը գումարով ներո՞ւմ եք». ՔՊ–ական պատգամավորները վիճեցին
«Դասալիքի հանցանքը գումարով ներո՞ւմ եք». ՔՊ–ական պատգամավորները վիճեցին
Sputnik Արմենիա
Հայկ Սարգսյանը պարզաբանեց, թե ինչու է կարևոր իր առաջարկած նախագիծը։ 04.12.2023, Sputnik Արմենիա
2023-12-04T13:57+0400
2023-12-04T13:57+0400
2023-12-04T14:06+0400
հայաստան
բանակ
հայկ սարգսյան
վիլեն գաբրիելյան
https://cdn.am.sputniknews.ru/img/07e7/04/1b/58844156_0:0:1600:901_1920x0_80_0_0_5b179efdbc05831e6b90a24b7aef792e.jpg
ԵՐԵՎԱՆ, 4 դեկտեմբերի – Sputnik. ՀՀ ԱԺ «Քաղաքացիական պայմանագիր» խմբակցության պատգամավոր Վիլեն Գաբրիելյանը դեմ է նույն խմբակցության պատգամավոր Հայկ Սարգսյանի ներկայացրած նախագծին, որով առաջարկվում է զինվորական ծառայությունից ազատվել գումարի դիմաց։ ԱԺ պաշտպանության և անվտանգության հարցերի հանձնաժողովի նիստում նա կտրականապես դեմ արտահայտվեց փոփոխությունների վերջին կետին` զինվորական ծառայության փոխարեն 15 մլն դրամ վճարել պետբյուջե և ազատվել քրեական պատասխանատվությունից։Նախագծի հեղինակ Հայկ Սարգսյանն էլ վստահեցրեց` պարզաբանումներից հետո իր գործընկերը պարտավոր կլինի կողմ քվեարկել։«Դուք կողմ եք քվեարկել «Համաներման մասին» օրենքին, որը 1360 քաղաքացու հնարավորություն է տվել ոչ մի օր չծառայել և գումար չվճարելով ազատվել քրեական պատասխանատվությունից։ 2011-2019 թթ. մոտ 50 000 քաղաքացի չի ծառայել ԶՈւ–ում առողջական խնդիրներ ունենալու պատճառով կամ պատրվակով։ Նույն այդ ժամանակահատվածում շուրջ 10 000 քաղաքացի այլ խնդիրներ ունենալու պատճառով չի ծառայել բանակում։ 2265 քաղաքացի էլ օտարերկրյա բուհերում սովորելու արտոնություն ստանալուց հետո նույնպես չի ծառայել։ Նրանցից որևէ մեկը նաև գումար չի վճարել պետբյուջե չծառայելու դիմաց»,– ասաց Սարգսյանը` հավելելով, որ ներկա պահին ՀՀ–ում ապրում է 27 տարին լրացած, 2 երեխա ունեցող կամ առողջական խնդիր ունեցող ավելի քան 5000 երիտասարդ։Նա ընդգծեց, որ բանակում չծառայողների մոտ 1 տոկոսն է միայն դատապարտվել։Վիլեն Գաբրիելյանը գործընկերոջը պատասխանեց` «Համաներման մասին» օրենքում առաջարկվող փոփոխությունների ժամանակ ինքը պատգամավոր չի եղել, քանի որ դա եղել է ԱԺ 7-րդ գումարման նստաշրջանում։ Հետո շեշտեց` ինքը եթե պատգամավոր լիներ, միանշանակ կողմ չէր քվեարկի այդ նախագծին։Հիշեցնենք, որ գործող օրենքի համաձայն` 27 տարին լրանալուց հետո պարտադիր զինվորական ծառայություն չանցած քաղաքացին չի կարող զորակոչվել պարտադիր զինվորական ծառայության, քանի որ նրա տարիքը գերազանցում է պարտադիր զինվորական ծառայության սահմանային տարիքը: 27 տարին լրանալուց հետո ներկայանալու դեպքում քաղաքացու համար գործում է մեկ տարբերակ՝ պատժվել ազատազրկմամբ:Իսկ առաջարկվող նախագծով 27-ից 37 տարեկան քաղաքացուն հնարավորություն է տրվում զինվորական ծառայություն անցնել 12 ամիս ժամկետով և վճարել 2.5 միլիոն դրամ, զինվորական ծառայություն անցնել 6 ամիս ժամկետով և վճարել 5 մլն դրամ, զինվորական ծառայություն անցնել 1 ամիս ժամկետով և վճարել 10 մլն դրամ, զինվորական ծառայության փոխարեն վճարել 15 մլն դրամ։Մարտի են գնում 40-ամյանե՞րը․ փորձագետը խոսել է զորակոչային շեմը բարձրացնելու նախագծի մասին
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, բանակ, հայկ սարգսյան, վիլեն գաբրիելյան
հայաստան, բանակ, հայկ սարգսյան, վիլեն գաբրիելյան
«Դասալիքի հանցանքը գումարով ներո՞ւմ եք». ՔՊ–ական պատգամավորները վիճեցին
13:57 04.12.2023 (Թարմացված է: 14:06 04.12.2023) Հայկ Սարգսյանը պարզաբանեց, թե ինչու է կարևոր իր առաջարկած նախագիծը։
ԵՐԵՎԱՆ, 4 դեկտեմբերի – Sputnik. ՀՀ ԱԺ «Քաղաքացիական պայմանագիր» խմբակցության պատգամավոր Վիլեն Գաբրիելյանը դեմ է նույն խմբակցության պատգամավոր Հայկ Սարգսյանի ներկայացրած նախագծին, որով առաջարկվում է զինվորական ծառայությունից ազատվել գումարի դիմաց։ ԱԺ պաշտպանության և անվտանգության հարցերի հանձնաժողովի նիստում նա կտրականապես դեմ արտահայտվեց փոփոխությունների վերջին կետին` զինվորական ծառայության փոխարեն 15 մլն դրամ վճարել պետբյուջե և ազատվել քրեական պատասխանատվությունից։
«Ես չեմ կարող այդ կետին կողմ քվեարկել։ Դրանով ստացվում է, որ ծառայությունից խուսափած մարդուն, որը դասալիք է, գումարով ներո՞ւմ ենք։ Մյուս դեպքերում ես խնդիր չեմ տեսնում, բայց զրո օր չծառայելու համար գումար վճարելու դեպքում ես լուրջ խնդիր եմ տեսնում»,– նշեց Գաբրիելյանը։
Նախագծի հեղինակ Հայկ Սարգսյանն էլ վստահեցրեց` պարզաբանումներից հետո իր գործընկերը պարտավոր կլինի կողմ քվեարկել։
«Դուք կողմ եք քվեարկել «Համաներման մասին» օրենքին, որը 1360 քաղաքացու հնարավորություն է տվել ոչ մի օր չծառայել և գումար չվճարելով ազատվել քրեական պատասխանատվությունից։ 2011-2019 թթ. մոտ 50 000 քաղաքացի չի ծառայել ԶՈւ–ում առողջական խնդիրներ ունենալու պատճառով կամ պատրվակով։ Նույն այդ ժամանակահատվածում շուրջ 10 000 քաղաքացի այլ խնդիրներ ունենալու պատճառով չի ծառայել բանակում։ 2265 քաղաքացի էլ օտարերկրյա բուհերում սովորելու արտոնություն ստանալուց հետո նույնպես չի ծառայել։ Նրանցից որևէ մեկը նաև գումար չի վճարել պետբյուջե չծառայելու դիմաց»,– ասաց Սարգսյանը` հավելելով, որ ներկա պահին ՀՀ–ում ապրում է 27 տարին լրացած, 2 երեխա ունեցող կամ առողջական խնդիր ունեցող ավելի քան 5000 երիտասարդ։
Նա ընդգծեց, որ բանակում չծառայողների մոտ 1 տոկոսն է միայն դատապարտվել։
Վիլեն Գաբրիելյանը գործընկերոջը պատասխանեց` «Համաներման մասին» օրենքում առաջարկվող փոփոխությունների ժամանակ ինքը պատգամավոր չի եղել, քանի որ դա եղել է ԱԺ 7-րդ գումարման նստաշրջանում։ Հետո շեշտեց` ինքը եթե պատգամավոր լիներ, միանշանակ կողմ չէր քվեարկի այդ նախագծին։
Հիշեցնենք, որ գործող օրենքի համաձայն` 27 տարին լրանալուց հետո պարտադիր զինվորական ծառայություն չանցած քաղաքացին չի կարող զորակոչվել պարտադիր զինվորական ծառայության, քանի որ նրա տարիքը գերազանցում է պարտադիր զինվորական ծառայության սահմանային տարիքը: 27 տարին լրանալուց հետո ներկայանալու դեպքում քաղաքացու համար գործում է մեկ տարբերակ՝ պատժվել ազատազրկմամբ:
Իսկ
առաջարկվող նախագծով 27-ից 37 տարեկան քաղաքացուն հնարավորություն է տրվում զինվորական ծառայություն անցնել 12 ամիս ժամկետով և վճարել 2.5 միլիոն դրամ, զինվորական ծառայություն անցնել 6 ամիս ժամկետով և վճարել 5 մլն դրամ, զինվորական ծառայություն անցնել 1 ամիս ժամկետով և վճարել 10 մլն դրամ, զինվորական ծառայության փոխարեն վճարել 15 մլն դրամ։
