Ռուսական մարդասիրական առաքելությունը 2340 դասագիրք է փոխանցել Երևանի Բլոկի անվան դպրոցին
Ռուսական մարդասիրական առաքելությունը 2340 դասագիրք է փոխանցել Երևանի Բլոկի անվան դպրոցին
© Sputnik / Asatur Yesayants
Բաժանորդագրվել
Նվիրած դասագրքերի թվում ֆիզիկայի, մաթեմատիկայի, քիմիայի, ռուսաց լեզվի և գրականության, կենսաբանության, բնական գիտությունների դասագրքեր են:
ԵՐԵՎԱՆ,11 դեկտեմբերի - Sputnik. 1-ից 9-րդ դասարանների շուրջ 2340 դասագիրք է փոխանցվել Երևանի Ալեքսանդր Բլոկի անվան դպրոցին։
Ակցիան անցկացվում է «Գրքեր՝ Հայաստանի դպրոցներին և բուհերին» խոշոր նախագծի շրջանակներում, որն իրականացվում է Ռուսաստանի Մարդասիրական առաքելության կողմից՝ Դաշնության խորհրդի շնորհիվ, «Ռոսսոտրուդնիչեստվո»-ի և Հայաստանում ՌԴ դեսպանատան աջակցությամբ:
Ռուսական մարդասիրական առաքելությունը 2340 դասագիրք է փոխանցել Երևանի Բլոկի անվան դպրոցին
© Sputnik / Asatur Yesayants
Ռուսական Մարդասիրական առաքելության գլխավոր տնօրեն Սերգեյ Շևչուկը Sputnik Արմենիայի թղթակցի հետ զրույցում նշեց, որ տարբեր առարկաների դասագրքերը, որոնք փոխանցվել են դպրոցին, ավելի քան 53 հազար դասագրքերի խմբաքանակից են, որոնք ավելի վաղ Հայաստան էին բերվել 50 ռուսական դպրոցների համար։
«Բերված խմբաքանակի կեսն արդեն բաժանել ենք, մնացել է գրքեր հանձնել Հայաստանի 24 դպրոցներին»,-ասաց Շևչուկը:
Ռուսական մարդասիրական առաքելության նվիրաբերած դասագրքերը
© Sputnik / Asatur Yesayants
Դրանց թվում ֆիզիկայի, մաթեմատիկայի, քիմիայի, ռուսաց լեզվի և գրականության, կենսաբանության, բնական գիտությունների դասագրքեր են:
Դպրոցի տնօրեն Կարինե Մխիթարյանը նշեց, որ ուսումնական գրականության կարիք ունեին: Դպրոցում 820 աշակերտ կա, որոնց մոտ 60%-ը սովորում են ռուսական հատվածում։
«Գրքերն անհրաժեշտ էին, քանի որ ռուսական հատվածում աշակերտների թիվն ավելացել է, գրքեր ունեինք, բայց չէին հերիքում։ Հիմա երեխաները կկարողանան ավելի լավ ուսումնասիրել այդ առարկաները»,- Sputnik Արմենիային ասաց Մխիթարյանը։
Ռուսական մարդասիրական առաքելությունը 2340 դասագիրք է փոխանցել Երևանի Բլոկի անվան դպրոցին
© Sputnik / Asatur Yesayants
Նա նշեց, որ ողջունում է համագործակցությունը, որը մի կողմից նպաստում է երեխաների կրթության որակի բարձրացմանը, մյուս կողմից ամրապնդում է բարեկամական կապերը երկու երկրների միջև:
ՀՀ կրթության, գիտության, մշակույթի և սպորտի նախարարության հանրակրթության վարչության պետ Թամարա Սարգսյանի խոսքով՝ թիվ 122 դպրոցը վաղուց նոր դասագրքեր չէր ստացել, և երեխաները ստիպված սովորում էին հին դասագրքերով:
Ռուսական մարդասիրական առաքելությունը 2340 դասագիրք է փոխանցել Երևանի Բլոկի անվան դպրոցին
© Sputnik / Asatur Yesayants
Հայաստանում ռուսական տան ղեկավարի տեղակալ Վիկտորիա Դերիպասկոն նշեց, որ թվայնացման դարում իր նշանակությունը չկորցրած կրթական գրականության նման մասշտաբային մատակարարման հարցը բարձրացրել էին երկու երկրների քաղաքական գործիչները:
