https://arm.sputniknews.ru/20231220/inch-tsragrer-uni-gazprvom-armenian-arajika-5-tarum-manramasnum-e-tnoreny-70289972.html
Ի՞նչ ծրագրեր ունի «Գազպրոմ Արմենիան» առաջիկա 5 տարում. մանրամասնում է տնօրենը
Ի՞նչ ծրագրեր ունի «Գազպրոմ Արմենիան» առաջիկա 5 տարում. մանրամասնում է տնօրենը
Sputnik Արմենիա
Ընկերությունը հաջորդ տարի նախատեսում է երկու խոշոր նախագիծ ավարտել, որոնցից մեկը Երևան–Արմավիր 31 կիլոմետրանոց գազատարի ամբողջական վերափոխումն է։ 20.12.2023, Sputnik Արմենիա
2023-12-20T20:21+0400
2023-12-20T20:21+0400
2023-12-20T20:21+0400
հայաստան
«գազպրոմ արմենիա» ընկերություն
գազատար
աշոտ հակոբյան
https://cdn.am.sputniknews.ru/img/1769/88/17698821_0:0:3073:1728_1920x0_80_0_0_e0b49a1a5967079566213ece468a3597.jpg
ԵՐԵՎԱՆ, 20 դեկտեմբերի – Sputnik. «Գազպրոմ Արմենիա» ընկերությունը 2025-2029 թթ. ներդրումային ծրագրով նախատեսվող գազատարների կառուցմամբ և վերակառուցմամբ խոստանում է հուսալի, անխափան գազամատակարար ապահովել ոչ միայն Երևանում, այլև ՀՀ մյուս համայնքներում։ Sputnik Արմենիայի հետ զրույցում այդ մասին ասաց ընկերության գլխավոր տնօրեն Աշոտ Հակոբյանը։Ավելի վաղ հայտնել էինք, որ ՀՀ հանրային ծառայությունները կարգավորող հանձնաժողովը հաստատել է «Գազպրոմ Արմենիայի»` 2024-28 թթ ներդրումային ծրագիրը` 148 921,15 մլն դրամ (367 մլն ԱՄՆ դոլար) արժողությամբ, որով կընդլայնվի գազափոխադրման համակարգը, կվերակառուցվի Աբովյանի ստորգետնյա գազապահեստարանը, և նոր լրացուցիչ հզորություններ կստեղծվեն։Նրա խոսքով` Երևանում կառուցվելու է նոր` մոտ 35 կմ գազատար, որը կհամալրի գործող 40 կմ–անոց հատվածը։ Հակոբյանը նշեց, որ Երևանում գազաբաշխիչ կայաններից երկուսն արդեն կառուցվել են, երկուսն էլ կկառուցվեն։Ընկերության տնօրենն անդրադարձավ նաև ներդրումային ծրագրում նշված Կարմիր Կամուրջ–Սևքար–Բերդ մայրուղային նոր` շրջանցիկ գազատարի կառուցմանը։«Դա հայ–վրացական միջպետական պայմանագրի կարևորագույն մասերից մեկն է, որ ընթացակարգով գնում է։ Ի սկզբանե մեր վրացի գործընկերներն այդտեղ որոշակի աշխատանքներ կատարել են, սակայն դեռ պարզ չէ, թե երբ կսկսենք շինարարական բուն աշխատանքները։ Գազատարի անցկացման համար հողի օտարման հարցում վրացական կողմն իր օրենսդրության մեջ բավական լուրջ քայլեր է արել։ Մեր հատվածում այդ տարածքներն անգիր ուսումնասիրված են, ու մենք ուղղությունն էլ գիտենք, թե որտեղից կբերենք, ոնց կբերենք գազատարը, անգամ առաջարկել ենք այն կետը, որտեղ կմիանա վրացական հատվածից եկող գազատարը»,– ընդգծեց նա:«Գազպրոմ Արմենիայի» ներդրումային ծրագրի կարևոր մաս է կազմում նաև Դիլիջանի գազաբաշխիչ կայանը։ Հակոբյանի խոսքով` դա ԽՍՀՄ–ից մնացած գազատար է, որի վրա ժամանակի ընթացքում կառուցվել են առանձնատներ։«Այդ պատճառով, քանի որ նաև անվտանգության խնդիր ունեինք, հիմա կառուցում ենք նորը, որ կնպաստի Դիլիջանի զարգացմանը։ 3 կիլոմետրանոց նոր գազատարն անցնելու է նոր ուղեգծով, որի շինարարությունը 2024 թ. շատ արագ կկազմակերպենք»,– վստահեցրեց Հակոբյանը։2024 թ. համար «Գազպրոմ Արմենիան» նախատեսում է ավարտել երկու խոշոր նախագիծ, որոնցից մեկը Երևան–Արմավիր 31 կմ–անոց գազատարի ամբողջական վերափոխումն է։ Հակոբյանի խոսքով` գազատարը հնարավոր կլինի փոխել մինչև 30 տոկոսի չափով։Նրա խոսքով` իրենց ներդրումային ծրագրերով առավելագույն ծավալը, որ մինչ օրս կարողացել են անել, գազատարների 10 կմ–անոց հատվածներ փոխարինելն էր։ Այժմ 2024-28 թթ ներդրումային ծրագրով փոխարինելու են մինչև 50-60 կմ հատվածներ, այսինքն` կատարելու են մեծածավալ աշխատանքներ։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, «գազպրոմ արմենիա» ընկերություն, գազատար, աշոտ հակոբյան
հայաստան, «գազպրոմ արմենիա» ընկերություն, գազատար, աշոտ հակոբյան
Ի՞նչ ծրագրեր ունի «Գազպրոմ Արմենիան» առաջիկա 5 տարում. մանրամասնում է տնօրենը
Ընկերությունը հաջորդ տարի նախատեսում է երկու խոշոր նախագիծ ավարտել, որոնցից մեկը Երևան–Արմավիր 31 կիլոմետրանոց գազատարի ամբողջական վերափոխումն է։
ԵՐԵՎԱՆ, 20 դեկտեմբերի – Sputnik. «Գազպրոմ Արմենիա» ընկերությունը 2025-2029 թթ. ներդրումային ծրագրով նախատեսվող գազատարների կառուցմամբ և վերակառուցմամբ խոստանում է հուսալի, անխափան գազամատակարար ապահովել ոչ միայն Երևանում, այլև ՀՀ մյուս համայնքներում։
Sputnik Արմենիայի հետ զրույցում այդ մասին ասաց ընկերության գլխավոր տնօրեն Աշոտ Հակոբյանը։
Ավելի վաղ
հայտնել էինք, որ ՀՀ հանրային ծառայությունները կարգավորող հանձնաժողովը հաստատել է «Գազպրոմ Արմենիայի»` 2024-28 թթ ներդրումային ծրագիրը` 148 921,15 մլն դրամ (367 մլն ԱՄՆ դոլար) արժողությամբ, որով կընդլայնվի գազափոխադրման համակարգը, կվերակառուցվի Աբովյանի ստորգետնյա գազապահեստարանը, և նոր լրացուցիչ հզորություններ կստեղծվեն։
«Երևանում գոյություն ունեցող համակարգը կհամակցվի նոր կառուցվածին, կունենանք հուսալի, անխափան գազամատակարարում։ Երևանի դեպքում դա կլինի ռեզերվային գիծ։ Խոսքը վերաբերում է Նորագավիթ, Ջրվեժ ուղղություններին, որոնց մասով մենք նախագծերն արդեն նախապատրաստել ենք»,– նշեց Հակոբյանը։
Նրա խոսքով` Երևանում կառուցվելու է նոր` մոտ 35 կմ գազատար, որը կհամալրի գործող 40 կմ–անոց հատվածը։ Հակոբյանը նշեց, որ Երևանում գազաբաշխիչ կայաններից երկուսն արդեն կառուցվել են, երկուսն էլ կկառուցվեն։
Ընկերության տնօրենն անդրադարձավ նաև ներդրումային ծրագրում նշված Կարմիր Կամուրջ–Սևքար–Բերդ մայրուղային նոր` շրջանցիկ գազատարի կառուցմանը։
«Դա հայ–վրացական միջպետական պայմանագրի կարևորագույն մասերից մեկն է, որ ընթացակարգով գնում է։ Ի սկզբանե մեր վրացի գործընկերներն այդտեղ որոշակի աշխատանքներ կատարել են, սակայն դեռ պարզ չէ, թե երբ կսկսենք շինարարական բուն աշխատանքները։ Գազատարի անցկացման համար հողի օտարման հարցում վրացական կողմն իր օրենսդրության մեջ բավական լուրջ քայլեր է արել։ Մեր հատվածում այդ տարածքներն անգիր ուսումնասիրված են, ու մենք ուղղությունն էլ գիտենք, թե որտեղից կբերենք, ոնց կբերենք գազատարը, անգամ առաջարկել ենք այն կետը, որտեղ կմիանա վրացական հատվածից եկող գազատարը»,– ընդգծեց նա:
«Գազպրոմ Արմենիայի» ներդրումային ծրագրի կարևոր մաս է կազմում նաև Դիլիջանի գազաբաշխիչ կայանը։ Հակոբյանի խոսքով` դա ԽՍՀՄ–ից մնացած գազատար է, որի վրա ժամանակի ընթացքում կառուցվել են առանձնատներ։
«Այդ պատճառով, քանի որ նաև անվտանգության խնդիր ունեինք, հիմա կառուցում ենք նորը, որ կնպաստի Դիլիջանի զարգացմանը։ 3 կիլոմետրանոց նոր գազատարն անցնելու է նոր ուղեգծով, որի շինարարությունը 2024 թ. շատ արագ կկազմակերպենք»,– վստահեցրեց Հակոբյանը։
2024 թ. համար «Գազպրոմ Արմենիան» նախատեսում է ավարտել երկու խոշոր նախագիծ, որոնցից մեկը Երևան–Արմավիր 31 կմ–անոց գազատարի ամբողջական վերափոխումն է։ Հակոբյանի խոսքով` գազատարը հնարավոր կլինի փոխել մինչև 30 տոկոսի չափով։
«Մյուս կարևոր նախագիծը Վանաձոր–Ալավերդի գազատարի վերանորոգումն է։ Նախատեսում ենք վերանորոգել ավելի քան 40 կմ–անոց գազատարի 17 կմ–անոց հատվածը, որը շատ արագ կանենք»,– ընդգծեց ընկերության գլխավոր տնօրենը։
Նրա խոսքով` իրենց ներդրումային ծրագրերով առավելագույն ծավալը, որ մինչ օրս կարողացել են անել, գազատարների 10 կմ–անոց հատվածներ փոխարինելն էր։ Այժմ 2024-28 թթ ներդրումային ծրագրով փոխարինելու են մինչև 50-60 կմ հատվածներ, այսինքն` կատարելու են մեծածավալ աշխատանքներ։
