https://arm.sputniknews.ru/20240108/hh-n-mijazgajin-datakhazner-knergravi-minasjany--hrvomi-statuti-u-adrbejani-masin-70872437.html
ՀՀ-ն միջազգային դատախազներ կներգրավի. Մինասյանը ՝ Հռոմի ստատուտի ու Ադրբեջանի մասին
ՀՀ-ն միջազգային դատախազներ կներգրավի. Մինասյանը ՝ Հռոմի ստատուտի ու Ադրբեջանի մասին
Sputnik Արմենիա
Ըստ Գրիգոր Մինասյանի՝ Հայաստանի քննչական մարմինները կկարողանան հետաքննությանը ներգրավել միջազգային դատախազներին։ 08.01.2024, Sputnik Արմենիա
2024-01-08T10:33+0400
2024-01-08T10:33+0400
2024-01-08T10:34+0400
հռոմի ստատուտ
գրիգոր մինասյան
ադրբեջան
ռազմական հանցագործ
https://cdn.am.sputniknews.ru/img/07e8/01/08/70870308_0:0:1601:901_1920x0_80_0_0_14c1c4fa2e1f15741c38b19efe68e122.jpg
ԵՐԵՎԱՆ, 8 հունվարի – Sputnik. Արդարադատության նախարար Գրիգոր Մինասյանը 2023 թվականի արդյունքներն ամփոփող մամուլի ասուլիսի ժամանակ ներկայացրեց, թե ինչպես Հռոմի ստատուտի վավերացումը կօգնի հետաքննել Ադրբեջանի ռազմական հանցագործությունները։Նախարարությունն ուսումնասիրել է մի շարք երկրների, այդ թվում՝ Վրաստանի փորձը, սկսել է օրենսդրական փոփոխությունների փաթեթի մշակումը, որը պետք է ընդունվի Հռոմի ստատուտի վավերացումից հետո։Նախարարի խոսքով, դրանից հետո Հայաստանի քննչական մարմինները կկարողանան հետաքննությանը ներգրավել միջազգային դատախազների։«Նրանք գալով Հայաստան և ծանոթանալով փաստաթղթերին՝ մասն են դառնում այդ դատավարության, և այս դեպքում Հայաստանը հենց այդ ռազմական հանցագործությունների նախաքննական պրոցեսներում միայնակ չէ, այլ ներգրավում է միջազգային առաջատար վարույթ իրականացնող մարմիններ»,- նշեց Մինասյանը։Հիշեցնենք, որ Հայաստանի Ազգային ժողովը ՄՔԴ-ի Հռոմի ստատուտը վավերացրել է 2023 թվականի հոկտեմբերի 3-ին՝ բացատրելով, որ Երևանն այդպես կկարողանա դատարանի առաջ բարձրացնել Հայաստանի և նրա դեմ Ադրբեջանի ագրեսիայի և ռազմական հանցագործությունների հարցը (այդ թվում՝ 2021-22 թթ. Հայաստանի Հանրապետության տարածք ներխուժումների ժամանակ)։Մոսկվան քննադատել է պաշտոնական Երևանի որոշումը։ ՌԴ ԱԳՆ-ն հայտարարել է, որ դա ամենաբացասական հետևանքները կունենա երկկողմ հարաբերությունների վրա, քանի որ «հայ գործընկերները ի սկզբանե տեղեկացված էին ՌԴ դիրքորոշման մասին, որ Հայաստանի կողմից ՄՔԴ-ի Հռոմի կանոնադրության վավերացումն անընդունելի է այն պայմաններում, երբ այս կառույցը «Ռուսաստանի բարձրագույն ղեկավարության համար» տվել է «ձերբակալման օրդեր»։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հռոմի ստատուտ, գրիգոր մինասյան, ադրբեջան, ռազմական հանցագործ
հռոմի ստատուտ, գրիգոր մինասյան, ադրբեջան, ռազմական հանցագործ
ՀՀ-ն միջազգային դատախազներ կներգրավի. Մինասյանը ՝ Հռոմի ստատուտի ու Ադրբեջանի մասին
10:33 08.01.2024 (Թարմացված է: 10:34 08.01.2024) Ըստ Գրիգոր Մինասյանի՝ Հայաստանի քննչական մարմինները կկարողանան հետաքննությանը ներգրավել միջազգային դատախազներին։
ԵՐԵՎԱՆ, 8 հունվարի – Sputnik. Արդարադատության նախարար Գրիգոր Մինասյանը 2023 թվականի արդյունքներն ամփոփող մամուլի ասուլիսի ժամանակ ներկայացրեց, թե ինչպես Հռոմի ստատուտի վավերացումը կօգնի հետաքննել Ադրբեջանի ռազմական հանցագործությունները։
Նախարարությունն ուսումնասիրել է մի շարք երկրների, այդ թվում՝ Վրաստանի փորձը, սկսել է օրենսդրական փոփոխությունների փաթեթի մշակումը, որը պետք է ընդունվի Հռոմի ստատուտի վավերացումից հետո։
«Առաջին քայլը նոր օրենսդրության մշակումն է՝ միջազգային փորձագետների հետ աշխատելով»,- ասաց Մինասյանը։
Նախարարի խոսքով, դրանից հետո Հայաստանի քննչական մարմինները կկարողանան հետաքննությանը ներգրավել միջազգային դատախազների։
«Նրանք գալով Հայաստան և ծանոթանալով փաստաթղթերին՝ մասն են դառնում այդ դատավարության, և այս դեպքում Հայաստանը հենց այդ ռազմական հանցագործությունների նախաքննական պրոցեսներում միայնակ չէ, այլ ներգրավում է միջազգային առաջատար վարույթ իրականացնող մարմիններ»,- նշեց Մինասյանը։
Հիշեցնենք, որ Հայաստանի Ազգային ժողովը ՄՔԴ-ի
Հռոմի ստատուտը վավերացրել է 2023 թվականի հոկտեմբերի 3-ին՝ բացատրելով, որ Երևանն այդպես կկարողանա դատարանի առաջ բարձրացնել Հայաստանի և նրա դեմ Ադրբեջանի ագրեսիայի և ռազմական հանցագործությունների հարցը (այդ թվում՝ 2021-22 թթ. Հայաստանի Հանրապետության տարածք ներխուժումների ժամանակ)։
Մոսկվան քննադատել է պաշտոնական Երևանի որոշումը։ ՌԴ ԱԳՆ-ն հայտարարել է, որ դա ամենաբացասական հետևանքները կունենա երկկողմ հարաբերությունների վրա, քանի որ «հայ գործընկերները ի սկզբանե տեղեկացված էին ՌԴ դիրքորոշման մասին, որ Հայաստանի կողմից ՄՔԴ-ի Հռոմի կանոնադրության վավերացումն անընդունելի է այն պայմաններում, երբ այս կառույցը «Ռուսաստանի բարձրագույն ղեկավարության համար» տվել է «ձերբակալման օրդեր»։
