https://arm.sputniknews.ru/20240111/zinvvorakan-qnnichnerin-hnaravvorutjun-ktan-martakan-inqnadzig-krel-71032445.html
Զինվորական քննիչներին հնարավորություն կտան մարտական ինքնաձիգ կրել
Զինվորական քննիչներին հնարավորություն կտան մարտական ինքնաձիգ կրել
Sputnik Արմենիա
Օրինագծի հեղինակը ՔՊ–ական պատգամավոր, հանձնաժողովի անդամ Վիլեն Գաբրիելյանն է։ 11.01.2024, Sputnik Արմենիա
2024-01-11T11:28+0400
2024-01-11T11:28+0400
2024-01-11T11:29+0400
քննիչ
ինքնաձիգ
https://cdn.am.sputniknews.ru/img/07e7/08/0d/64380139_131:0:1587:819_1920x0_80_0_0_123ee646e82919543a156c13594717f0.jpg
ԵՐԵՎԱՆ, 11 հունվարի – Sputnik. ՀՀ կառավարությունն առաջարկում է ՔԿ Զինվորական քննչական գլխավոր վարչության (ԶՔԳՎ) քննիչներին մարտական ինքնաձիգ կրելու հնարավորություն տալ։ Այս մասին ՀՀ ԱԺ պաշտպանության և անվտանգության հարցերի մշտական հանձնաժողովի նիստի ժամանակ ասաց ՆԳ փոխնախարար Արփինե Սարգսյանը։Նշենք, որ քննարկվում է «Զենքի շրջանառության կարգավորման մասին» օրենքում փոփոխություններ և լրացումներ կատարելու մասին օրենքի նախագիծը։ Հեղինակը ՔՊ–ական պատգամավոր, հանձնաժողովի անդամ Վիլեն Գաբրիելյանն է։Հիշեցնենք, որ «Զենքի շրջանառության կարգավորման մասին» օրենքը շրջանառության մեջ է մտել 2023 թվականի հունիսի 1-ից։ Դրանից հետո, ուսումնասիրելով, թե ինչպես է օրենքը կիրառվում գործնականում, Գաբրիելյանն առաջարկել է մի շարք փոփոխություններ մտցնել։ Օրինագիծը ՆԳՆ-ում քննարկումների մի քանի փուլ է անցել։Նախագծի ներկայիս խմբագրության մեջ զենքի դասակարգման մեջ առաջարկվել է վերացնել «ծառայողական» կատեգորիան՝ թողնելով միայն քաղաքացիականն ու մարտականը։ Այդպիսով, քաղաքացիական զենքի կատեգորիային են դասվում ատրճանակները (ֆորմալ առումով՝ կարճ հրաձգային փողով ծառայողական զենք, որը զրկված է ավտոմատ կրակելու հնարավորությունից)։ Բացի այդ, ներկայիս օրենսդրության համաձայն, դրանք կարող են ձեռք բերել միայն առնվազն 20 տարվա աշխատանքային ստաժ ունեցող զինվորականները, որոնք ունեն գնդապետից ոչ ցածր կոչում։ Հիմա առաջարկվում է շեմը նվազեցնել մինչև փոխգնդապետ։Առաջարկվում է նաև ինքնաշեն զենքի արգելք սահմանել, որը կվերաբերի ոչ միայն հրազենային, այլև զենքի ցանկացած այլ տեսակի։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
քննիչ, ինքնաձիգ
Զինվորական քննիչներին հնարավորություն կտան մարտական ինքնաձիգ կրել
11:28 11.01.2024 (Թարմացված է: 11:29 11.01.2024) Օրինագծի հեղինակը ՔՊ–ական պատգամավոր, հանձնաժողովի անդամ Վիլեն Գաբրիելյանն է։
ԵՐԵՎԱՆ, 11 հունվարի – Sputnik. ՀՀ կառավարությունն առաջարկում է ՔԿ Զինվորական քննչական գլխավոր վարչության (ԶՔԳՎ) քննիչներին մարտական ինքնաձիգ կրելու հնարավորություն տալ։ Այս մասին ՀՀ ԱԺ պաշտպանության և անվտանգության հարցերի մշտական հանձնաժողովի նիստի ժամանակ ասաց ՆԳ փոխնախարար Արփինե Սարգսյանը։
Նշենք, որ քննարկվում է «Զենքի շրջանառության կարգավորման մասին» օրենքում փոփոխություններ և լրացումներ կատարելու մասին օրենքի նախագիծը։ Հեղինակը ՔՊ–ական պատգամավոր, հանձնաժողովի անդամ Վիլեն Գաբրիելյանն է։
«Նման առաջարկ ենք արել` հաշվի առնելով ԶՔԳՎ–ի քննիչների ծառայության առանձնահատկությունները։ Պարոն Գաբրիելյանի հետ պայմանավորվել ենք, որ այս առաջարկը կիրացնենք միայն ԶՔԳՎ–ի քննիչների մասով»,– նշեց Սարգսյանը։
Հիշեցնենք, որ «Զենքի շրջանառության կարգավորման մասին» օրենքը շրջանառության մեջ է մտել 2023 թվականի հունիսի 1-ից։ Դրանից հետո, ուսումնասիրելով, թե ինչպես է օրենքը կիրառվում գործնականում, Գաբրիելյանն առաջարկել է մի շարք փոփոխություններ մտցնել։ Օրինագիծը ՆԳՆ-ում քննարկումների մի քանի փուլ է անցել։
Նախագծի ներկայիս խմբագրության մեջ զենքի դասակարգման մեջ առաջարկվել է վերացնել «ծառայողական» կատեգորիան՝ թողնելով միայն քաղաքացիականն ու մարտականը։ Այդպիսով, քաղաքացիական զենքի կատեգորիային են դասվում ատրճանակները (ֆորմալ առումով՝ կարճ հրաձգային փողով ծառայողական զենք, որը զրկված է ավտոմատ կրակելու հնարավորությունից)։ Բացի այդ, ներկայիս օրենսդրության համաձայն, դրանք կարող են ձեռք բերել միայն առնվազն 20 տարվա աշխատանքային ստաժ ունեցող զինվորականները, որոնք ունեն գնդապետից ոչ ցածր կոչում։ Հիմա առաջարկվում է շեմը նվազեցնել մինչև փոխգնդապետ։
Առաջարկվում է նաև ինքնաշեն զենքի արգելք սահմանել, որը կվերաբերի ոչ միայն հրազենային, այլև զենքի ցանկացած այլ տեսակի։
