https://arm.sputniknews.ru/20240125/qaghbantarkjali-titghvosi-hamar-pajqarelu-npatak-chunem-tvonvojany-avetiq-ishkhanjanin-71495687.html
Քաղբանտարկյալի «տիտղոսի» համար պայքարելու նպատակ չունեմ. Տոնոյանը` Ավետիք Իշխանյանին
Քաղբանտարկյալի «տիտղոսի» համար պայքարելու նպատակ չունեմ. Տոնոյանը` Ավետիք Իշխանյանին
Sputnik Արմենիա
Իրավապաշտպան Ավետիք Իշխանյանը ավելի վաղ մի քանի հարց էր ուղղել ՀՀ պաշտպանության նախկին նախարար Դավիթ Տոնոյանին, որի հետ կապված վերջինը հայտարարություն է... 25.01.2024, Sputnik Արմենիա
2024-01-25T13:36+0400
2024-01-25T13:36+0400
2024-01-25T13:55+0400
դավիթ տոնոյան
ավետիք իշխանյան
44-օրյա պատերազմի հանգամանքներն ուսումնասիրող քննիչ հանձնաժողով
https://cdn.am.sputniknews.ru/img/07e7/08/01/63739574_0:0:1600:900_1920x0_80_0_0_61982f2d73ecde528220ed2ac8183535.jpg
ԵՐԵՎԱՆ, 25 հունվարի – Sputnik. ՀՀ պաշտպանության նախկին նախարար Դավիթ Տոնոյանը հայտարարել է, որ քաղբանտարկյալի «տիտղոսի» համար պայքարելու նպատակ չունի։ Տոնոյանը հայտարարություն է տարածել և պատասխանել իրավապաշտպան Ավետիք Իշխանյանի հրապարակային հարցերին` կապված 44-օրյա պատերազմի և Տոնոյանի կալանավորման հետ։Տոնոյանն իր հայտարարության մեջ նշում է, որ վերջնագրի ձևով կազմված հարցաշարին պատասխանելու միջոցով չի ցանկանում քաղբանտարկյալի «տիտղոս» շահել:Նախկին նախարարը պնդում է, որ վերջին 2.5 տարվա ընթացքում բազմիցս հայտարարել է, որ ապօրինաբար զրկված է ազատությունից՝ շինծու քրեական գործով: Բազմիցս պահանջել է բաց դատավարություն անցկացնել:Նա ընդգծել է, որ եթե Իշխանյանը և այլ իրավապաշտպաններ իսկապես ցանկանում են պատասխաններ լսել իրենից, կարող են օգտագործել իրենց տիրապետության տակ եղած գործիքակազմը և միանալ բաց դատավարության մասին իր պահանջին:Նա հիշեցրել է, որ իր փաստաբանները խափանման միջոցը փոխելու բազմաթիվ միջնորդություններ են ներկայացրել: Որևէ դեպքում հանրային արձագանք չեն լսել որևէ իրավապաշտպանի կողմից:Նշենք, որ իրավապաշտպան Ավետիք Իշխանյանը Տոնոյանին ուղղված կոչում հարցրել էր, արդյոք Տոնոյանը նոր է իմացել, որ 44–օրյա պատերազմի հանգամանքներն ուսումնասիրող հանձնաժողովի նախագահը բամբասանքներ և զրպարտություններ է տարածում, իսկ ժամանակին անվերապահորեն հավատացել է վարչապետին և նրա կողմից նշանակված հանձնաժողովի նախագահին։ Բացի այդ, Իշխանյանը հարց էր ուղղել, թե արդյոք Տոնոյանը տեղյակ է եղել, որ մինչև նոյեմբերի 9-ը, Ռուսաստանի նախագահ Վլադիմիր Պուտինը երկու անգամ առաջարկել է կանգնեցնել պատերազմը, արդյոք ինքն է առաջարկել մերժել առաջարկությունները։ Իշխանյանը հետաքրքրվել էր, թե 44-օրյա պատերազմի ընթացքում պաշտպանության նախարարության մամուլի քարտուղար Արծրուն Հովհաննիսյանն ո՞ւմ հրահանգով է ժողովրդին իր ստերով մոլորեցրել։ Հիմնական հարցը թերևս եղել է այն, որ եթե պարտության մեղավորը զինված ուժերը չեն եղել, ապա ինչո՞ւ Տոնոյանը չի մատնանշում հիմնական մեղավորին։ Դավիթ Տոնոյանը կշարունակի մնալ կալանքի տակ. դատարանը մերժել է միջնորդությունըՀիշեցնենք` 2021-ի սեպտեմբերի 30-ին ԱԱԾ-ն հայտնեց, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։Նույն օրն ևեթ Տոնոյանն ու Գալստյանը կալանավորվեցին։Այս գործով մեղադրանք է առաջադրվել նաև ԳՇ նախկին պետ Արտակ Դավթյանին, ԳՇ պետի նախկին տեղակալ Ստեփան Գալստյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:Նշենք, որ նախորդ տարվա սեպտեմբերի 25–ին Դավիթ Գալստյանն ազատ է արձակվել:2023 թվականի դեկտեմբերին էլ ազատ արձակվեց Ստեփան Գալստյանը՝ 25 մլն դրամ գրավի դիմաց։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
դավիթ տոնոյան, ավետիք իշխանյան, 44-օրյա պատերազմի հանգամանքներն ուսումնասիրող քննիչ հանձնաժողով
դավիթ տոնոյան, ավետիք իշխանյան, 44-օրյա պատերազմի հանգամանքներն ուսումնասիրող քննիչ հանձնաժողով
Քաղբանտարկյալի «տիտղոսի» համար պայքարելու նպատակ չունեմ. Տոնոյանը` Ավետիք Իշխանյանին
13:36 25.01.2024 (Թարմացված է: 13:55 25.01.2024) Իրավապաշտպան Ավետիք Իշխանյանը ավելի վաղ մի քանի հարց էր ուղղել ՀՀ պաշտպանության նախկին նախարար Դավիթ Տոնոյանին, որի հետ կապված վերջինը հայտարարություն է տարածել։
ԵՐԵՎԱՆ, 25 հունվարի – Sputnik. ՀՀ պաշտպանության նախկին նախարար Դավիթ Տոնոյանը հայտարարել է, որ քաղբանտարկյալի «տիտղոսի» համար պայքարելու նպատակ չունի։ Տոնոյանը հայտարարություն է տարածել և պատասխանել իրավապաշտպան Ավետիք Իշխանյանի հրապարակային հարցերին` կապված 44-օրյա պատերազմի և Տոնոյանի կալանավորման հետ։
Տոնոյանն իր հայտարարության մեջ նշում է, որ վերջնագրի ձևով կազմված հարցաշարին պատասխանելու միջոցով չի ցանկանում քաղբանտարկյալի «տիտղոս» շահել:
Նախկին նախարարը պնդում է, որ վերջին 2.5 տարվա ընթացքում բազմիցս հայտարարել է, որ ապօրինաբար զրկված է ազատությունից՝ շինծու քրեական գործով: Բազմիցս պահանջել է բաց դատավարություն անցկացնել:
Նա ընդգծել է, որ եթե Իշխանյանը և այլ իրավապաշտպաններ իսկապես ցանկանում են պատասխաններ լսել իրենից, կարող են օգտագործել իրենց տիրապետության տակ եղած գործիքակազմը և միանալ բաց դատավարության մասին իր պահանջին:
Նա հիշեցրել է, որ իր փաստաբանները խափանման միջոցը փոխելու բազմաթիվ միջնորդություններ են ներկայացրել: Որևէ դեպքում հանրային արձագանք չեն լսել որևէ իրավապաշտպանի կողմից:
«Ցավոք, մեր հասարակության մեջ տեղ գտած բևեռացումը արտացոլվում է նաև իրավապաշտպանների շրջանում, որոնք նույնիսկ ազատությունից ապօրինի զրկված մարդկանց բաժանում են «յուրայինների» և «օտարների»՝ մոռանալով, որ օրենքը բոլորի համար է: Իմ դեպքում խնդիրը, հավանաբար, առավել բարդ է, քանի որ քաղաքական ուժերի և դրանց հարող իրավապաշտպանների համար ես ո՛չ «յուրային» եմ, ո՛չ էլ «օտար»»,–գրել է Տոնոյանը:
Նշենք, որ իրավապաշտպան Ավետիք Իշխանյանը Տոնոյանին ուղղված կոչում հարցրել էր, արդյոք Տոնոյանը նոր է իմացել, որ 44–օրյա պատերազմի հանգամանքներն ուսումնասիրող հանձնաժողովի նախագահը բամբասանքներ և զրպարտություններ է տարածում, իսկ ժամանակին անվերապահորեն հավատացել է վարչապետին և նրա կողմից նշանակված հանձնաժողովի նախագահին։
Բացի այդ, Իշխանյանը հարց էր ուղղել, թե արդյոք Տոնոյանը տեղյակ է եղել, որ մինչև նոյեմբերի 9-ը, Ռուսաստանի նախագահ Վլադիմիր Պուտինը երկու անգամ առաջարկել է կանգնեցնել պատերազմը, արդյոք ինքն է առաջարկել մերժել առաջարկությունները։ Իշխանյանը հետաքրքրվել էր, թե 44-օրյա պատերազմի ընթացքում պաշտպանության նախարարության մամուլի քարտուղար Արծրուն Հովհաննիսյանն ո՞ւմ հրահանգով է ժողովրդին իր ստերով մոլորեցրել։ Հիմնական հարցը թերևս եղել է այն, որ եթե պարտության մեղավորը զինված ուժերը չեն եղել, ապա ինչո՞ւ Տոնոյանը չի մատնանշում հիմնական մեղավորին։
Հիշեցնենք` 2021-ի սեպտեմբերի 30-ին ԱԱԾ-ն հայտնեց, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։
Նույն օրն ևեթ Տոնոյանն ու Գալստյանը կալանավորվեցին։
Այս գործով մեղադրանք է առաջադրվել նաև ԳՇ նախկին պետ Արտակ Դավթյանին, ԳՇ պետի նախկին տեղակալ Ստեփան Գալստյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:
Նշենք, որ նախորդ տարվա սեպտեմբերի 25–ին Դավիթ Գալստյանն ազատ է արձակվել:
2023 թվականի դեկտեմբերին էլ ազատ արձակվեց Ստեփան Գալստյանը՝ 25 մլն դրամ գրավի դիմաց։
