https://arm.sputniknews.ru/20240202/qaghaviaciaji-nakhkin-pashtvonjaji-pattsharvov-petutjany-274-mln-drami-vnas-e-pattsharvel-qk-71882589.html
Քաղավիացիայի նախկին պաշտոնյայի պատճառով պետությանը 274 մլն դրամի վնաս է պատճառվել․ ՔԿ
Քաղավիացիայի նախկին պաշտոնյայի պատճառով պետությանը 274 մլն դրամի վնաս է պատճառվել․ ՔԿ
Sputnik Արմենիա
Փաստի առթիվ հարուցվել է քրեական գործ։ Պաշտոնյային, նրա մորը և կոմիտեի աշխատակցին մեղադրանք է առաջադրվել։ 02.02.2024, Sputnik Արմենիա
2024-02-02T20:33+0400
2024-02-02T20:33+0400
2024-02-02T20:42+0400
հայաստան
մեղադրանք
պաշտոնյա
քաղավիացիա
https://cdn.am.sputniknews.ru/img/07e7/04/0e/58155270_0:214:1600:1114_1920x0_80_0_0_c84a4054102321cca8b229301dd8dab4.jpg
ԵՐԵՎԱՆ, 2 փետրվարի – Sputnik. ՀՀ քաղավիացիայի նախկին բարձրաստիճան պաշտոնատար անձի կողմից 2004-2016 թթ. ընթացքում պաշտոնեական լիազորությունների չարաշահման հետևանքով պետությանը պատճառվել է շուրջ 274 մլն դրամի վնաս։ Պաշտոնյային ու ևս երկու անձի մեղադրանք է ներկայացվել։ Տեղեկությունը հայտնում է ՀՀ քննչական կոմիտեի մամուլի ծառայությունը։Պարզվել է, որ տվյալ անձը, 2009 թ. տեղեկացված լինելով ՀՀ-ում փոքր ավիացիայի զարգացման հայեցակարգի շրջանակներում պետպատվերի հիմունքներով տարեկան 4-5 օդաչու պատրաստելու անհրաժեշտության մասին և անտեսելով, որ 1 տարվա օդանավի վարձավճարի չափն ակնհայտորեն գերազանցում է օդանավ ձեռք բերելու արժեքը, 2012 թվականից միջոցներ չի ձեռնարկել քաղավիացիայի գլխավոր վարչությանը հատկացված պետական միջոցներով օդանավ ձեռք բերելու ուղղությամբ։«Ավելին` «Diamond DA-40» սերիայի օդանավ ձեռք բերելու և վարձակալությամբ հանձնելու համար իրեն փաստացի պատկանող, սակայն հորեղբոր որդու անվամբ գրանցված ՍՊ ընկերության միջոցով բանակցություններ է սկսել Մեծ Բրիտանիայում գործող ընկերության հետ»,– նշված է հաղորդագրության մեջ:Ներմուծված «Diamond DA-40» սերիայի օդանավը չի համապատասխանել տեխնիկական բնութագրին, սակայն տվյալ պաշտոնյան, օգտագործելով իր պաշտոնեական դիրքը, ընկերության աշխատակիցներից մեկին բանավոր հանձնարարել է «Diamond DA-40 TDI» սերիայի օդանավի վարձակալության պայմանագիրը կնքել մեկ թռիչքային ժամը 218.900 դրամով։Արարատի մարզի համայնքներից մեկի նախկին ղեկավարը պետությանը պատճառել 116 մլն դրամի վնասՓԲ ընկերության պաշտոնյան կազմել է նախահաշվային գնի և շուկայական գնի համեմատության վերաբերյալ կեղծ բացատրագիր այն մասին, թե իբր մեկ թռիչքային ժամի համար 218.940 ՀՀ դրամ վարձավճարը համապատասխանում է շուկայական գներին։ Դա այն պայմաններում, երբ 2008-2011թթ․ ընթացքում ՓԲԸ-ի կարիքների համար ԱՄԷ-ում գրանցված մեկ այլ ընկերության և նշված ՓԲԸ-ի միջև կնքված՝ ուսումնական օդանավի վարձակալության պայմանագրերով օդանավի մեկ ժամի վարձակալության առավելագույն արժեքը կազմել է 130.603 դրամ:Այնուհետև, հաշվի չառնելով, որ ՍՊԸ-ի կողմից ներմուծվող «Diamond DA-40» սերիայի օդանավն ակնհայտորեն չի համապատասխանել տեխնիկական բնութագրի պահանջներին, 2013թ. հունիսին ՓԲԸ-ի անունից հիշյալ ՍՊԸ-ի հետ կնքել է մեկ թռիչքային ժամը 218.900 ՀՀ դրամով օդանավը վարձակալելու պայմանագիր, իսկ 2016-2018թթ. հիշյալ պայմանագիրը հետագա փոփոխություններով վերակնքվել և գործել է մինչև 2018թ. սեպտեմբեր: Ընդ որում` օգտվելով ընձեռված հնարավորությունից՝ պայմանագրի գործողության ընթացքում, առանց հիմնավորման, օդանավի մեկ թռիչքային ժամի արժեքը արհեստականորեն բարձրացվել է. 2015 թվականից հիշյալ օդանավի մեկ թռիչքային ժամի արժեքը դարձել է 257.580 դրամ, իսկ 2018 թվականի ապրիլից- սեպտեմբեր՝ 240.000 դրամ:Ըստ ՔԿ–ի` հիշյալ պաշտոնյան, իրեն փաստացի պատկանող ընկերության գերշահույթն ավելացնելու նպատակով, 2014թ.–ին ընկերության աշխատակցի հետ համատեղ հաստատել է ՓԲԸ-ի ուսումնական պլանը, որով յուրաքանչյուր ուսանողի համար նախատեսված 150 ժամ ուսումնավարժանքային թռիչքները փոխարինել են 170 ժամով, իսկ 2015թ. թռչող ապարատների «թռիչքային շահագործում» մասնագիտության անվճար ուսումնական տեղերի հայտերի թիվը ամենամյա 5-ից դարձրել են 7, այն դեպքում, երբ արդեն իսկ նշված կենտրոնի շրջանավարտները ազգային ավիափոխադրող ընկերության բացակայության պատճառով չեն ունեցել քաղաքացիական ավիացիայի կողմից ՀՀ կառավարություն ներկայացված հայեցակարգով նախատեսված 5 տարի ժամկետով աշխատելու պայմանագիր:Բացի այդ, նույն պաշտոնյան, 2016թ. հունիսին զբաղեցրած պաշտոնից ազատվելուց ամիսներ անց՝ 2016թ. դեկտեմբերին, կազմակերպել է ՍՊԸ-ի 99% բաժնեմասի սեփականության իրավունքի փոխանցումն իր մորը:Ըստ հաղորդագրության` ՓԲԸ-ի կարիքների համար օդանավի վարձակալության համար հատկացված գումարներից 2013-2018թթ. ընթացքում վերոհիշյալ՝ իրեն փաստացի պատկանող ՍՊԸ-ին անհիմն ավել է փոխանցվել առանձնապես խոշոր չափերի՝ 274.189.598 ՀՀ դրամ գումար:Փաստի առթիվ հարուցվել է քրեական գործ։ Մեղադրանք է ներկայացվել պաշտոնյային, նրա մորը և ՓԲԸ–ի աշխատակցին։ Նախաքննությունը շարունակվում է:2023 թվականին պետական բյուջե է վերականգնվել շուրջ 19.2 մլրդ դրամ. ՊԵԿ
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, մեղադրանք, պաշտոնյա, քաղավիացիա
հայաստան, մեղադրանք, պաշտոնյա, քաղավիացիա
Քաղավիացիայի նախկին պաշտոնյայի պատճառով պետությանը 274 մլն դրամի վնաս է պատճառվել․ ՔԿ
20:33 02.02.2024 (Թարմացված է: 20:42 02.02.2024) Փաստի առթիվ հարուցվել է քրեական գործ։ Պաշտոնյային, նրա մորը և կոմիտեի աշխատակցին մեղադրանք է առաջադրվել։
ԵՐԵՎԱՆ, 2 փետրվարի – Sputnik. ՀՀ քաղավիացիայի նախկին բարձրաստիճան պաշտոնատար անձի կողմից 2004-2016 թթ. ընթացքում պաշտոնեական լիազորությունների չարաշահման հետևանքով պետությանը պատճառվել է շուրջ 274 մլն դրամի վնաս։ Պաշտոնյային ու ևս երկու անձի մեղադրանք է ներկայացվել։ Տեղեկությունը հայտնում է
ՀՀ քննչական կոմիտեի մամուլի ծառայությունը։
Պարզվել է, որ տվյալ անձը, 2009 թ. տեղեկացված լինելով ՀՀ-ում փոքր ավիացիայի զարգացման հայեցակարգի շրջանակներում պետպատվերի հիմունքներով տարեկան 4-5 օդաչու պատրաստելու անհրաժեշտության մասին և անտեսելով, որ 1 տարվա օդանավի վարձավճարի չափն ակնհայտորեն գերազանցում է օդանավ ձեռք բերելու արժեքը, 2012 թվականից միջոցներ չի ձեռնարկել քաղավիացիայի գլխավոր վարչությանը հատկացված պետական միջոցներով օդանավ ձեռք բերելու ուղղությամբ։
«Ավելին` «Diamond DA-40» սերիայի օդանավ ձեռք բերելու և վարձակալությամբ հանձնելու համար իրեն փաստացի պատկանող, սակայն հորեղբոր որդու անվամբ գրանցված ՍՊ ընկերության միջոցով բանակցություններ է սկսել Մեծ Բրիտանիայում գործող ընկերության հետ»,– նշված է հաղորդագրության մեջ:
Ներմուծված «Diamond DA-40» սերիայի օդանավը չի համապատասխանել տեխնիկական բնութագրին, սակայն տվյալ պաշտոնյան, օգտագործելով իր պաշտոնեական դիրքը, ընկերության աշխատակիցներից մեկին բանավոր հանձնարարել է «Diamond DA-40 TDI» սերիայի օդանավի վարձակալության պայմանագիրը կնքել մեկ թռիչքային ժամը 218.900 դրամով։
ՓԲ ընկերության պաշտոնյան կազմել է նախահաշվային գնի և շուկայական գնի համեմատության վերաբերյալ կեղծ բացատրագիր այն մասին, թե իբր մեկ թռիչքային ժամի համար 218.940 ՀՀ դրամ վարձավճարը համապատասխանում է շուկայական գներին։ Դա այն պայմաններում, երբ 2008-2011թթ․ ընթացքում ՓԲԸ-ի կարիքների համար ԱՄԷ-ում գրանցված մեկ այլ ընկերության և նշված ՓԲԸ-ի միջև կնքված՝ ուսումնական օդանավի վարձակալության պայմանագրերով օդանավի մեկ ժամի վարձակալության առավելագույն արժեքը կազմել է 130.603 դրամ:
Այնուհետև, հաշվի չառնելով, որ ՍՊԸ-ի կողմից ներմուծվող «Diamond DA-40» սերիայի օդանավն ակնհայտորեն չի համապատասխանել տեխնիկական բնութագրի պահանջներին, 2013թ. հունիսին ՓԲԸ-ի անունից հիշյալ ՍՊԸ-ի հետ կնքել է մեկ թռիչքային ժամը 218.900 ՀՀ դրամով օդանավը վարձակալելու պայմանագիր, իսկ 2016-2018թթ. հիշյալ պայմանագիրը հետագա փոփոխություններով վերակնքվել և գործել է մինչև 2018թ. սեպտեմբեր: Ընդ որում` օգտվելով ընձեռված հնարավորությունից՝ պայմանագրի գործողության ընթացքում, առանց հիմնավորման, օդանավի մեկ թռիչքային ժամի արժեքը արհեստականորեն բարձրացվել է. 2015 թվականից հիշյալ օդանավի մեկ թռիչքային ժամի արժեքը դարձել է 257.580 դրամ, իսկ 2018 թվականի ապրիլից- սեպտեմբեր՝ 240.000 դրամ:
Ըստ ՔԿ–ի` հիշյալ պաշտոնյան, իրեն փաստացի պատկանող ընկերության գերշահույթն ավելացնելու նպատակով, 2014թ.–ին ընկերության աշխատակցի հետ համատեղ հաստատել է ՓԲԸ-ի ուսումնական պլանը, որով յուրաքանչյուր ուսանողի համար նախատեսված 150 ժամ ուսումնավարժանքային թռիչքները փոխարինել են 170 ժամով, իսկ 2015թ. թռչող ապարատների «թռիչքային շահագործում» մասնագիտության անվճար ուսումնական տեղերի հայտերի թիվը ամենամյա 5-ից դարձրել են 7, այն դեպքում, երբ արդեն իսկ նշված կենտրոնի շրջանավարտները ազգային ավիափոխադրող ընկերության բացակայության պատճառով չեն ունեցել քաղաքացիական ավիացիայի կողմից ՀՀ կառավարություն ներկայացված հայեցակարգով նախատեսված 5 տարի ժամկետով աշխատելու պայմանագիր:
Բացի այդ, նույն պաշտոնյան, 2016թ. հունիսին զբաղեցրած պաշտոնից ազատվելուց ամիսներ անց՝ 2016թ. դեկտեմբերին, կազմակերպել է ՍՊԸ-ի 99% բաժնեմասի սեփականության իրավունքի փոխանցումն իր մորը:
Ըստ հաղորդագրության` ՓԲԸ-ի կարիքների համար օդանավի վարձակալության համար հատկացված գումարներից 2013-2018թթ. ընթացքում վերոհիշյալ՝ իրեն փաստացի պատկանող ՍՊԸ-ին անհիմն ավել է փոխանցվել առանձնապես խոշոր չափերի՝ 274.189.598 ՀՀ դրամ գումար:
Փաստի առթիվ հարուցվել է քրեական գործ։ Մեղադրանք է ներկայացվել պաշտոնյային, նրա մորը և ՓԲԸ–ի աշխատակցին։ Նախաքննությունը շարունակվում է:
