https://arm.sputniknews.ru/20240215/kjanqi-ghvoghanj-10-tarekan-aleqs-kizvoghjany-haghtec-qaghckeghin-72320348.html
Կյանքի ղողանջ. 10 տարեկան Ալեքս Կիզողյանը հաղթեց քաղցկեղին
Կյանքի ղողանջ. 10 տարեկան Ալեքս Կիզողյանը հաղթեց քաղցկեղին
Sputnik Արմենիա
Քաղցկեղը հաղթահարած տղան մի ցանկություն ունի՝ շատ փող աշխատել և փոխանցել երեխաների բուժման կենտրոնին։ 15.02.2024, Sputnik Արմենիա
2024-02-15T15:11+0400
2024-02-15T15:11+0400
2024-02-15T15:14+0400
հայաստան
քաղցկեղ
յոլյանի անվան արյունաբանական կենտրոն
տեսանյութ
տեսանյութեր
https://cdn.am.sputniknews.ru/img/07e8/02/0f/72317668_0:0:1920:1080_1920x0_80_0_0_4a1bb5de0aeb7c576b5c73ab12361aad.jpg
Յոլյանի անվան արյունաբանական կենտրոնում քաղցկեղը հաղթահարած փոքրիկ բուժառուների դուրսգրման արարողությունը երկար տարիների պատմություն ունի։ Սկզբում կենտրոնի «Կյանքի ծառի» վրա ավելանում էր երեխայի լուսանկարը, իսկ երկու տարի առաջ որոշվեց զանգակի ղողանջով ճանապարհել քաղցկեղը հաղթահարածներին։Հենց այդ ժամանակ էր, որ Ալեքս Կիզողյանը «սուր լիմֆոբլաստային լեյկոզ» ախտորոշմամբ ընդունվեց արյունաբանական կենտրոն: Ամեն անգամ, երբ բուժված ընկերներից մեկը տուն էր վերադառնում, նա հավատում էր, որ հաջորդը հենց ինքն է լինելու։ Փետրվարի 15-ին՝ քաղցկեղով հիվանդ երեխաների միջազգային օրը, զանգակը հնչեցնելու հերթը նրանն էր։Ալեքսը խոստովանեց, որ երազում է բանկի կառավարիչ դառնալ և մեծ գումարներ աշխատել: Նա նախատեսում է իր աշխատած փողը նվիրել կենտրոնին, որպեսզի բոլոր երեխաները կարողանան բուժվել և վերադառնալ իրենց ծնողների մոտ, իրենց սիրելի զբաղմունքներին: Ինքը՝ Ալեքսը, դուրս գրվելուց անմիջապես հետո հանդիպել է ընկերոջը, որին վաղուց չէր տեսել։«Ես այստեղ էլ ընկեր ունեի, անունը` Հայկ, նա էլ դուրս գրվել։ Հիմա շփվում ենք տեսակապի միջոցով։ Կուզեի, որ մենք սուպերհերոսներ լինեինք և փրկեինք մարդկանց», - ասաց տղան:Ալեքսի մայրը՝ Նաիրան, պատմեց, որ երկու տարի առաջ երեխայի ջերմությունը կտրուկ բարձրացել է, տարել են բժշկի մոտ, որը «սուր լիմֆոբլաստային լեյկոզ» է ախտորոշել: Լսածից ցնցվել են, չեն հավատացել, բայց ամուսնու հետ քննարկումներից հետո որոշել են` պետք է պայքարել։«Մենք Ալեքսին չասացինք, թե կոնկրետ ինչով է հիվանդ։ Բայց անընդհատ ասում էինք, որ պետք է անպայման բուժվել։ Նա լսող երեխա է, մեզ հուսախաբ չարեց», - ասաց Նաիրան։«Սիթի օֆ Սմայլ» հիմնադրամի գործադիր տնօրեն Էսթեր Դեմիրճյանը շատ է կարևորում կենտրոնում ձևավորված ավանդույթը, քանի որ այստեղ ամեն օր պայքարում են երեխաների կյանքի համար, ուստի դրական արդյունքների մասին պետք է խոսել նույնքան բարձր, որքան Ալեքսը հնչեցրեց իր զանգը: Նրա խոսքով՝ բուժելիության ցուցանիշը կազմում է 70-75 տոկոս, իսկ հիմնադրամն իր գործունեության ընթացքում 750 երեխայի ամբողջական բուժում է ֆինանսավորել: Դեմիրճյանն ավելացրեց, որ երեխաների 70 տոկոսը գալիս է մարզերից, որտեղ շատ ընտանիքներ ֆինանսական դժվարություններ ունեն:Հայաստանում թոքի քաղցկեղի դեպքերի շուրջ 60 տոկոսը հայտնաբերվում է 4-րդ փուլում
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, քաղցկեղ, յոլյանի անվան արյունաբանական կենտրոն, տեսանյութ, տեսանյութեր, видео
հայաստան, քաղցկեղ, յոլյանի անվան արյունաբանական կենտրոն, տեսանյութ, տեսանյութեր, видео
Կյանքի ղողանջ. 10 տարեկան Ալեքս Կիզողյանը հաղթեց քաղցկեղին
15:11 15.02.2024 (Թարմացված է: 15:14 15.02.2024) Քաղցկեղը հաղթահարած տղան մի ցանկություն ունի՝ շատ փող աշխատել և փոխանցել երեխաների բուժման կենտրոնին։
Յոլյանի անվան արյունաբանական կենտրոնում քաղցկեղը հաղթահարած փոքրիկ բուժառուների դուրսգրման արարողությունը երկար տարիների պատմություն ունի։ Սկզբում կենտրոնի «Կյանքի ծառի» վրա ավելանում էր երեխայի լուսանկարը, իսկ երկու տարի առաջ որոշվեց զանգակի ղողանջով ճանապարհել քաղցկեղը հաղթահարածներին։
Հենց այդ ժամանակ էր, որ Ալեքս Կիզողյանը «սուր լիմֆոբլաստային լեյկոզ» ախտորոշմամբ ընդունվեց արյունաբանական կենտրոն: Ամեն անգամ, երբ բուժված ընկերներից մեկը տուն էր վերադառնում, նա հավատում էր, որ հաջորդը հենց ինքն է լինելու։ Փետրվարի 15-ին՝ քաղցկեղով հիվանդ երեխաների միջազգային օրը, զանգակը հնչեցնելու հերթը նրանն էր։
«Զանգը հնչեցրի, որ բոլորն իմանան` ես լավացել եմ ու էստեղ եմ գալու բժիշկներին ու բուժքույրերին տեսակցելու համար»,– ասաց նա
Sputnik Արմենիայի հետ զրույցում։
Ալեքսը խոստովանեց, որ երազում է բանկի կառավարիչ դառնալ և մեծ գումարներ աշխատել: Նա նախատեսում է իր աշխատած փողը նվիրել կենտրոնին, որպեսզի բոլոր երեխաները կարողանան բուժվել և վերադառնալ իրենց ծնողների մոտ, իրենց սիրելի զբաղմունքներին: Ինքը՝ Ալեքսը, դուրս գրվելուց անմիջապես հետո հանդիպել է ընկերոջը, որին վաղուց չէր տեսել։
«Ես այստեղ էլ ընկեր ունեի, անունը` Հայկ, նա էլ դուրս գրվել։ Հիմա շփվում ենք տեսակապի միջոցով։ Կուզեի, որ մենք սուպերհերոսներ լինեինք և փրկեինք մարդկանց», - ասաց տղան:
Ալեքսի մայրը՝ Նաիրան, պատմեց, որ երկու տարի առաջ երեխայի ջերմությունը կտրուկ բարձրացել է, տարել են բժշկի մոտ, որը «սուր լիմֆոբլաստային լեյկոզ» է ախտորոշել: Լսածից ցնցվել են, չեն հավատացել, բայց ամուսնու հետ քննարկումներից հետո որոշել են` պետք է պայքարել։
«Մենք Ալեքսին չասացինք, թե կոնկրետ ինչով է հիվանդ։ Բայց անընդհատ ասում էինք, որ պետք է անպայման բուժվել։ Նա լսող երեխա է, մեզ հուսախաբ չարեց», - ասաց Նաիրան։
«Սիթի օֆ Սմայլ» հիմնադրամի գործադիր տնօրեն Էսթեր Դեմիրճյանը շատ է կարևորում կենտրոնում ձևավորված ավանդույթը, քանի որ այստեղ ամեն օր պայքարում են երեխաների կյանքի համար, ուստի դրական արդյունքների մասին պետք է խոսել նույնքան բարձր, որքան Ալեքսը հնչեցրեց իր զանգը: Նրա խոսքով՝ բուժելիության ցուցանիշը կազմում է 70-75 տոկոս, իսկ հիմնադրամն իր գործունեության ընթացքում 750 երեխայի ամբողջական բուժում է ֆինանսավորել: Դեմիրճյանն ավելացրեց, որ երեխաների 70 տոկոսը գալիս է մարզերից, որտեղ շատ ընտանիքներ ֆինանսական դժվարություններ ունեն:
