https://arm.sputniknews.ru/20240227/datakhazin-inqnabacarki-mijnvordutjun-nerkajacvec-levvon-qvocharjani-gvortsvov-arajin-nistn-e-72767867.html
Դատախազին ինքնաբացարկի միջնորդություն ներկայացվեց. Լևոն Քոչարյանի գործով առաջին նիստն է
Դատախազին ինքնաբացարկի միջնորդություն ներկայացվեց. Լևոն Քոչարյանի գործով առաջին նիստն է
Sputnik Արմենիա
Փաստաբանը մի տեսանյութ ցուցադրեց, որում դատախազն ու ՀՀ վարչապետ Նիկոլ Փաշինյանի որդին մտերմիկ զրուցում են։ 27.02.2024, Sputnik Արմենիա
2024-02-27T14:27+0400
2024-02-27T14:27+0400
2024-02-27T15:01+0400
հայաստան
լևոն քոչարյան
դատ
դատախազ
դատարան
https://cdn.am.sputniknews.ru/img/07e8/02/1b/72768323_0:0:1600:901_1920x0_80_0_0_31643abc173815162978eb15db2af46a.jpg
ԵՐԵՎԱՆ, 27 փետրվարի – Sputnik. ՀՀ ԱԺ «Հայաստան» խմբակցության պատգամավոր Լևոն Քոչարյանի և Հայաստանի եռամարտի ֆեդերացիայի գլխավոր քարտուղար, գլխավոր մարզիչ Սերգեյ Ասատուրովի գործով դատական առաջին նիստում Քոչարյանի փաստաբաններից մեկը` Ալեքսանդր Կոչուբաևը, դատախազ Արթուր Դանիելյանին ինքնաբացարկի միջնորդություն ներկայացրեց։Նշենք, որ Լևոն Քոչարյանին և նրա ընկերոջը` Սերգեյ Ասատուրովին, մեղադրում են սեպտեմբերի 22-ին տեղի ունեցած խաղաղ ցույցի ժամանակ կարմիրբերետավորների օրինական պահանջը չկատարելու և ոստիկաններին հարվածներ հասցնելու մեջ։ Այնինչ տուժող համարվող ոստիկաններ Հրաչիկ Խաչատրյան և Վարդան Հովհաննիսյանի մարմնի վրա, ըստ դատաբժշկական փորձաքննությունների եզրակացությունների, բռնության որևէ հետք կամ վնասվածք չի հայտնաբերվել։ Նիստն ընթանում է Երևան քաղաքի Կենտրոն և Նորք–Մարաշ վարչական շրջանների ընդհանուր իրավասության դատարանում։Կոչուբաևը միջնորդություն ներկայացնելուց առաջ տեսանյութ ցուցադրեց, որում վերոնշյալ դատախազն ու ՀՀ վարչապետ Նիկոլ Փաշինյանի որդին` Աշոտ Փաշինյանը, մտերմիկ զրուցում են վերջինիս առևանգման գործով դատական նիստի ժամանակ։ Կոչուբաևը հարցրեց` արդյոք դատախազը Նիկոլ Փաշինյանի ընտանիքի հետ որևէ առնչություն ունի՞, թե՞ ոչ։ Հանրային մեղադրողը հստակ պատասխան չտվեց։Նա հռետորական հարց հնչեցրեց` փորձելով հասկանալ, թե ինչպես է ստացվել, որ բոլոր դատախազներից հենց Արթուր Դանիելյանն էր ընտրվել որպես Աշոտ Փաշինյանի մեղադրանքը պաշտպանող և Լևոն Քոչարյանի գործի հսկողությունն իրականացնող։Արթուր Դանիելյանն իր հասցեին հնչած «մեղադրանքը» անհիմն համարեց և ընդգծեց, որ պատճառաբանվածության նույնիսկ նվազագույն մակարդակ չկա։«Նշում եք, թե մտերմիկ զրույց է եղել, ինչ մտերմիկ զրույցի մասին է խոսքը։ Առհասարակ ինչպե՞ս եք որոշել, որ Աշոտ Փաշինյանի հետ մտերմիկ զրույց էր։ Այդպես անվանվող զրույց առկա չէ, և դա հնարավոր չէ որևէ կերպ հիմնավորել»,– ասաց նա։Փաստաբան Արայիկ Ներսիսյանն էլ դատարանին միջնորդություն ներկայացրեց իր պաշտպանյալ Սերգեյ Ասատուրովի նկատմամբ կիրառված խափանման միջոցը վերացնելու մասին։«Իմ պաշտպանյալը հանդիսանում է նաև միջազգային կարգի մրցավար, ըստ այդմ` հնարավոր է, որ նրա ներկայությունը հաճախակի անհրաժեշտ լինի արտերկրում։ Խափանման միջոցը պետք է վերացվի, որպեսզի նա կարողանա մասնագիտական գործառույթները հավուր պատշաճի իրականացնել։ Եվս մեկ միջնորդություն էլ պետք է ներկայացնեմ քրեական հետապնդումը դադարեցնելու մասով։ Մեղադրական հիմքում նշվում է, որ Սերգեյ Ասատուրովը ակցիայի մյուս մասնակիցների հետ թևանցուկ մոտեցել է ոստիկանության աշխատակիցներին։ Սա խախտում չի համարվում, ուղղակի անհնազանդություն է եղել»,– ասաց Ներսիսյանը։Նա հիշեցրեց, որ 2018 թվականին` «թավշյա հեղափոխության» ժամանակ , մարդիկ հիմնականում հենց այդպես` մեկը մյուսին թևանցուկ, շղթայված են գործողություններ իրականացրել, ու այդ ամենը որևէ հետևանք չի առաջացրել։Դատական նիստի ընթացքում ելույթ ունեցավ նաև Լևոն Քոչարյանը։«Այս դատական նիստը և գործը, երբ ես այստեղ եմ նստած (մեղադրյալի աթոռին. խմբ.), իսկ ինձ ծեծող ոստիկանները` այնտեղ (տուժողի կարգավիճակում. խմբ.), ու մի հատ էլ այս ամենը պաշպանող դատախազներ կան, սա լուրջ խնդիր է, խնդիր է նաև իրենց համար։ Ամեն ինչ ակնհայտ էր, ինչքան էլ փորձենք մարդկանց հիմարի տեղ դնել, տեսանյութ կա, բոլորի աչքի առաջ է եղել։ Այստեղ նստած բոլոր անձինք շատ լավ հասկանում են` ինչ է կատարվում, բայց սա ինչ–որ ձև է, ու այս ամենի մեջ պետք է շարունակենք` պահելով իրավական կողմը»,– նշեց Քոչարյանը։Հիշեցնենք` Լևոն Քոչարյանը 2023 թվականի սեպտեմբերի 25-ին կալանավորվեց և ազատ արձակվեց նոյեմբերի 6-ին։ Ե՛վ Քոչարյանի, և՛ Ասատուրովի նկատմամբ կիրառվել է ստորագրությամբ երկրից չբացակայելու արգելքը։ Ի դեպ, Ասատուրովի նկատմամբ խափանման միջոցը կիրառվել է մի քանի օր առաջ։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, լևոն քոչարյան, դատ, դատախազ, դատարան
հայաստան, լևոն քոչարյան, դատ, դատախազ, դատարան
Դատախազին ինքնաբացարկի միջնորդություն ներկայացվեց. Լևոն Քոչարյանի գործով առաջին նիստն է
14:27 27.02.2024 (Թարմացված է: 15:01 27.02.2024) Փաստաբանը մի տեսանյութ ցուցադրեց, որում դատախազն ու ՀՀ վարչապետ Նիկոլ Փաշինյանի որդին մտերմիկ զրուցում են։
ԵՐԵՎԱՆ, 27 փետրվարի – Sputnik. ՀՀ ԱԺ «Հայաստան» խմբակցության պատգամավոր Լևոն Քոչարյանի և Հայաստանի եռամարտի ֆեդերացիայի գլխավոր քարտուղար, գլխավոր մարզիչ Սերգեյ Ասատուրովի գործով դատական առաջին նիստում Քոչարյանի փաստաբաններից մեկը` Ալեքսանդր Կոչուբաևը, դատախազ Արթուր Դանիելյանին ինքնաբացարկի միջնորդություն ներկայացրեց։
Նշենք, որ Լևոն Քոչարյանին և նրա ընկերոջը` Սերգեյ Ասատուրովին, մեղադրում են սեպտեմբերի 22-ին տեղի ունեցած խաղաղ ցույցի ժամանակ կարմիրբերետավորների օրինական պահանջը չկատարելու և ոստիկաններին հարվածներ հասցնելու մեջ։ Այնինչ տուժող համարվող ոստիկաններ Հրաչիկ Խաչատրյան և Վարդան Հովհաննիսյանի մարմնի վրա, ըստ դատաբժշկական փորձաքննությունների եզրակացությունների, բռնության որևէ հետք կամ վնասվածք չի հայտնաբերվել։ Նիստն ընթանում է Երևան քաղաքի Կենտրոն և Նորք–Մարաշ վարչական շրջանների ընդհանուր իրավասության դատարանում։
Կոչուբաևը միջնորդություն ներկայացնելուց առաջ տեսանյութ ցուցադրեց, որում վերոնշյալ դատախազն ու ՀՀ վարչապետ Նիկոլ Փաշինյանի որդին` Աշոտ Փաշինյանը, մտերմիկ զրուցում են վերջինիս առևանգման գործով դատական նիստի ժամանակ։ Կոչուբաևը հարցրեց` արդյոք դատախազը Նիկոլ Փաշինյանի ընտանիքի հետ որևէ առնչություն ունի՞, թե՞ ոչ։ Հանրային մեղադրողը հստակ պատասխան չտվեց։
«Հաստատական հերքում չհնչեց, և գուցե դա երաշխիք լիներ, որ դատախազը որևէ առնչություն չունի Փաշինյանի ընտանիքի հետ։ Նա հանրային մեղադրող է, ու սա ենթադրում է, որ ինքը պետք է բավարար երաշխիքներ տա իր անկողմնակալ լինելու վերաբերյալ։ Այստեղ մենք տեսնում ենք կողմնակալության և անկախության հետ կապված խնդիրներ։ Խնդրում եմ հանրային մեղադրող Արթուր Դանիելյանին հեռացնել վարույթից»,– ասաց փաստաբանը։
Նա հռետորական հարց հնչեցրեց` փորձելով հասկանալ, թե ինչպես է ստացվել, որ բոլոր դատախազներից հենց Արթուր Դանիելյանն էր ընտրվել որպես Աշոտ Փաշինյանի մեղադրանքը պաշտպանող և Լևոն Քոչարյանի գործի հսկողությունն իրականացնող։
Արթուր Դանիելյանն իր հասցեին հնչած «մեղադրանքը» անհիմն համարեց և ընդգծեց, որ պատճառաբանվածության նույնիսկ նվազագույն մակարդակ չկա։
«Նշում եք, թե մտերմիկ զրույց է եղել, ինչ մտերմիկ զրույցի մասին է խոսքը։ Առհասարակ ինչպե՞ս եք որոշել, որ Աշոտ Փաշինյանի հետ մտերմիկ զրույց էր։ Այդպես անվանվող զրույց առկա չէ, և դա հնարավոր չէ որևէ կերպ հիմնավորել»,– ասաց նա։
Փաստաբան Արայիկ Ներսիսյանն էլ դատարանին միջնորդություն ներկայացրեց իր պաշտպանյալ Սերգեյ Ասատուրովի նկատմամբ կիրառված խափանման միջոցը վերացնելու մասին։
«Իմ պաշտպանյալը հանդիսանում է նաև միջազգային կարգի մրցավար, ըստ այդմ` հնարավոր է, որ նրա ներկայությունը հաճախակի անհրաժեշտ լինի արտերկրում։ Խափանման միջոցը պետք է վերացվի, որպեսզի նա կարողանա մասնագիտական գործառույթները հավուր պատշաճի իրականացնել։ Եվս մեկ միջնորդություն էլ պետք է ներկայացնեմ քրեական հետապնդումը դադարեցնելու մասով։ Մեղադրական հիմքում նշվում է, որ Սերգեյ Ասատուրովը ակցիայի մյուս մասնակիցների հետ թևանցուկ մոտեցել է ոստիկանության աշխատակիցներին։ Սա խախտում չի համարվում, ուղղակի անհնազանդություն է եղել»,– ասաց Ներսիսյանը։
Նա հիշեցրեց, որ 2018 թվականին` «թավշյա հեղափոխության» ժամանակ , մարդիկ հիմնականում հենց այդպես` մեկը մյուսին թևանցուկ, շղթայված են գործողություններ իրականացրել, ու այդ ամենը որևէ հետևանք չի առաջացրել։
Դատական նիստի ընթացքում ելույթ ունեցավ նաև Լևոն Քոչարյանը։
«Այս դատական նիստը և գործը, երբ ես այստեղ եմ նստած (մեղադրյալի աթոռին. խմբ.), իսկ ինձ ծեծող ոստիկանները` այնտեղ (տուժողի կարգավիճակում. խմբ.), ու մի հատ էլ այս ամենը պաշպանող դատախազներ կան, սա լուրջ խնդիր է, խնդիր է նաև իրենց համար։ Ամեն ինչ ակնհայտ էր, ինչքան էլ փորձենք մարդկանց հիմարի տեղ դնել, տեսանյութ կա, բոլորի աչքի առաջ է եղել։ Այստեղ նստած բոլոր անձինք շատ լավ հասկանում են` ինչ է կատարվում, բայց սա ինչ–որ ձև է, ու այս ամենի մեջ պետք է շարունակենք` պահելով իրավական կողմը»,– նշեց Քոչարյանը։
Հիշեցնենք`
Լևոն Քոչարյանը 2023 թվականի սեպտեմբերի 25-ին կալանավորվեց և
ազատ արձակվեց նոյեմբերի 6-ին։ Ե՛վ Քոչարյանի, և՛ Ասատուրովի նկատմամբ կիրառվել է ստորագրությամբ երկրից չբացակայելու արգելքը։ Ի դեպ, Ասատուրովի նկատմամբ խափանման միջոցը կիրառվել է մի քանի օր առաջ։
