https://arm.sputniknews.ru/20240405/rd-sahmanapahnery-lurj-der-en-khaghum-hh-sahmanneri-anvtangutjan-gvortsum-jabarvov-74224965.html
ՌԴ սահմանապահները լուրջ դեր են խաղում ՀՀ սահմանների անվտանգության գործում․ Ջաբարով
ՌԴ սահմանապահները լուրջ դեր են խաղում ՀՀ սահմանների անվտանգության գործում․ Ջաբարով
Sputnik Արմենիա
Սենատորը նշում է, որ ՌԴ սահմանապահները երբեք չեն միջամտում Հայաստանի ներքին գործերին, իսկ հայ ժողովուրդն ինքը բավական բարյացակամ է վերաբերվում նրանց: 05.04.2024, Sputnik Արմենիա
2024-04-05T15:07+0400
2024-04-05T15:07+0400
2024-04-05T15:09+0400
հայաստան
ռուսաստան
սահմանապահ
վլադիմիր ջաբարով
https://cdn.am.sputniknews.ru/img/1755/61/17556176_0:0:1600:901_1920x0_80_0_0_f6ea662d80eb9ed3152803ca9d1a9f59.jpg
ԵՐԵՎԱՆ, 5 ապրիլի – Sputnik. Հայ–թուրքական և հայ–իրանական սահմաններին տեղակայված ռուս սահմանապահների հարցը պետք է որոշվի բանակցությունների սեղանի շուրջ, և, իհարկե, վերջին խոսքը Երևանինն է: Sputnik Արմենիա հարթակում տեսակամրջի ժամանակ այս հայտարարությունն արեց սենատոր, միջխորհրդարանական հանձնաժողովի անդամ Վլադիմիր Ջաբարովը։Ինչպես հայտնի է, շաբաթներ առաջ Երևանը Մոսկվային պաշտոնապես տեղեկացրել է, որ 2024 թվականի օգոստոսի 1-ից մտադիր է «Զվարթնոց» օդանավակայանում ինքնուրույն սահմանային հսկողություն իրականացնել։Ջաբարովի խոսքով՝ սահմանապահները հենց այնպես չեն հայտնվել Հայաստանում․ կար իրավիճակ, երբ պետք էր երկիրը պաշտպանել արտաքին սպառնալիքներից: Եվ նրանք հաջողությամբ կատարեցին իրենց խնդիրը, իրենց դերն ունեցան այն հարցում, որ երկիրը կարողացավ զարգանալ և կառուցել իր պետականությունը։Հաշվի առնելով, որ ՌԴ սահմանապահները 2020 թվականի 44-օրյա պատերազմից հետո Հայաստանի ղեկավարության խնդրանքով տեղակայվել են նաև հայ–ադրբեջանական սահմանի որոշ հատվածներում, ապա, սենատորի կարծիքով, եթե վաղը հանկարծ նրանց հետ քաշելու մասին որոշում կայացվի, ավելի նպատակահարմար է դա անել Ադրբեջանի հետ խաղաղության պայմանագրի ստորագրումից հետո։«ՌԴ սահմանապահների ներկայությունը ինչպես Հայաստանի, այնպես էլ Ադրբեջանի անվտանգ գոյության երաշխիքն է»,- ասաց նա:ՌԴ սահմանապահները հայ-թուրքական և հայ-իրանական սահմանին ծառայություն են իրականացնում Հայաստանի տարածքում Ռուսաստանի սահմանապահ զորքերի կարգավիճակի մասին 1992թ.-ի սեպտեմբերի 30-ին Երևանում կնքված միջպետական պայմանագրի համաձայն: Հայաստանում ՌԴ ԱԴԾ սահմանապահ վարչությունը ներառում է չորս սահմանապահ ջոկատ Գյումրիում, Արմավիրում, Արտաշատում և Մեղրիում, ինչպես նաև առանձին անցակետ Երևանի «Զվարթնոց» միջազգային օդանավակայանում:Տեսակամուրջն առաջին անգամ անցկացրել է արհեստական բանականության օգնությամբ ստեղծված վիրտուալ հաղորդավարուհին։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ռուսաստան, սահմանապահ, վլադիմիր ջաբարով
հայաստան, ռուսաստան, սահմանապահ, վլադիմիր ջաբարով
ՌԴ սահմանապահները լուրջ դեր են խաղում ՀՀ սահմանների անվտանգության գործում․ Ջաբարով
15:07 05.04.2024 (Թարմացված է: 15:09 05.04.2024) Սենատորը նշում է, որ ՌԴ սահմանապահները երբեք չեն միջամտում Հայաստանի ներքին գործերին, իսկ հայ ժողովուրդն ինքը բավական բարյացակամ է վերաբերվում նրանց:
ԵՐԵՎԱՆ, 5 ապրիլի – Sputnik. Հայ–թուրքական և հայ–իրանական սահմաններին տեղակայված ռուս սահմանապահների հարցը պետք է որոշվի բանակցությունների սեղանի շուրջ, և, իհարկե, վերջին խոսքը Երևանինն է:
Sputnik Արմենիա հարթակում տեսակամրջի ժամանակ այս հայտարարությունն արեց սենատոր, միջխորհրդարանական հանձնաժողովի անդամ Վլադիմիր Ջաբարովը։
Ինչպես հայտնի է, շաբաթներ առաջ
Երևանը Մոսկվային պաշտոնապես տեղեկացրել է, որ 2024 թվականի օգոստոսի 1-ից մտադիր է «Զվարթնոց» օդանավակայանում ինքնուրույն սահմանային հսկողություն իրականացնել։
Ջաբարովի խոսքով՝ սահմանապահները հենց այնպես չեն հայտնվել Հայաստանում․ կար իրավիճակ, երբ պետք էր երկիրը պաշտպանել արտաքին սպառնալիքներից: Եվ նրանք հաջողությամբ կատարեցին իրենց խնդիրը, իրենց դերն ունեցան այն հարցում, որ երկիրը կարողացավ զարգանալ և կառուցել իր պետականությունը։
«Սահմանապահներն իրական օգնություն են ցուցաբերում սահմանը պաշտպանելու հարցում, նրանք երբեք չեն միջամտում Հայաստանի ներքին գործերին, իսկ հայ ժողովուրդն ինքը բավական բարյացակամ է վերաբերվում նրանց։ Բայց եթե Հայաստանի իշխանությունները որոշեն, որ պատրաստ են ինքնուրույն պահպանել իրենց սահմանները, ապա դա իրենց ինքնիշխան իրավունքն է։ Բայց այս ամենը պետք է լուծվի բանակցությունների սեղանի շուրջ։ Եվ վերջին խոսքը Երևանինն է»,-նշեց նա` պատասխանելով Sputnik Արմենիայի հարցին։
Հաշվի առնելով, որ ՌԴ սահմանապահները 2020 թվականի 44-օրյա պատերազմից հետո Հայաստանի ղեկավարության խնդրանքով տեղակայվել են նաև հայ–ադրբեջանական սահմանի որոշ հատվածներում, ապա, սենատորի կարծիքով, եթե վաղը հանկարծ նրանց հետ քաշելու մասին որոշում կայացվի, ավելի նպատակահարմար է դա անել Ադրբեջանի հետ խաղաղության պայմանագրի ստորագրումից հետո։
«ՌԴ սահմանապահների ներկայությունը ինչպես Հայաստանի, այնպես էլ Ադրբեջանի անվտանգ գոյության երաշխիքն է»,- ասաց նա:
ՌԴ սահմանապահները հայ-թուրքական և հայ-իրանական սահմանին ծառայություն են իրականացնում Հայաստանի տարածքում Ռուսաստանի սահմանապահ զորքերի կարգավիճակի մասին 1992թ.-ի սեպտեմբերի 30-ին Երևանում կնքված միջպետական պայմանագրի համաձայն: Հայաստանում ՌԴ ԱԴԾ սահմանապահ վարչությունը ներառում է չորս սահմանապահ ջոկատ Գյումրիում, Արմավիրում, Արտաշատում և Մեղրիում, ինչպես նաև առանձին անցակետ Երևանի «Զվարթնոց» միջազգային օդանավակայանում:
Տեսակամուրջն առաջին անգամ անցկացրել է արհեստական բանականության օգնությամբ ստեղծված վիրտուալ հաղորդավարուհին։
