https://arm.sputniknews.ru/20240415/vrastani-khvorhrdaranum-krkin-tsetskrtuq-e-teghi-unecel-tesanjut-74566201.html
Վրաստանի խորհրդարանում կրկին ծեծկռտուք է տեղի ունեցել. տեսանյութ
Վրաստանի խորհրդարանում կրկին ծեծկռտուք է տեղի ունեցել. տեսանյութ
Sputnik Արմենիա
Միջադեպը տեղի է ունեցել այն ժամանակ, երբ իշխանական պատգամավորը փորձել է ընդդիմախոսներին ապացուցել, որ վրացական օրինագիծն ավելի լիբերալ է, քան արտասահմանյան... 15.04.2024, Sputnik Արմենիա
2024-04-15T16:25+0400
2024-04-15T16:25+0400
2024-04-16T22:48+0400
վրաստանի հանրապետություն
խորհրդարան
տեսանյութ
ծեծկռտուք
https://cdn.am.sputniknews.ru/img/07e8/04/0f/74558622_0:0:801:450_1920x0_80_0_0_b4973fb447a5b6577e8f4ad71bf2d776.jpg
Վրաստանի խորհրդարանում դարձյալ ծեծկռտուք է տեղի ունեցել։ Խորհրդարանականները միմյանց ծեծել են իրավաբանական կոմիտեի նիստում «Օտարերկրյա ազդեցության թափանցիկության մասին» («Օտարերկրյա գործակալների մասին») օրենքի քննարկման ժամանակ: «Քաղաքացիներ» կուսակցության առաջնորդ Ալեկո Էլիսաշվիլին բռունցքներով հարձակվել է խորհրդարանական մեծամասնության ներկայացուցիչ Մամուկա Մդինարաձեի վրա, որն օրինագիծը ներկայացրել է քննարկման:Էլիսաշվիլին, ինչպես և ամբողջ ընդդիմությունը, օրենքն անվանում է «ռուսական»: Ընդդիմությունը հայտարարում է, որ դրա պատճառով Վրաստանը կհեռանա ԵՄ-ից։ Երկրի նախագահ Սալոմե Զուրաբիշվիլին հայտարարել է, որ մտադիր է վետո դնել օրենքի վրա: Իշխանության ներկայացուցիչները նշում են, որ օտարերկրյա գործակալների մասին օրենքը մյուս երկրներից առաջ ընդունվել է ԱՄՆ-ում, այժմ այն գործում է նաեւ արեւմտյան երկրներում:Վրաստանի խորհրդարանում «Օտարերկրյա ազդեցության թափանցիկության մասին» օրինագծի քննարկումն ընթանում է հակառակորդների բողոքի ֆոնին, օրինագիծը քննադատել են նաև արևմտյան երկրների դիվանագետները:Վրաստանի վարչապետ Իրակլի Կոբախիձեն ԱՄՆ–ի, ԵՄ–ի և Մեծ Բրիտանիայի դեսպանների հետ հանդիպմանը հայտարարել է, որ օրինագիծը համապատասխանում է բոլոր իրավական սկզբունքներին և դրա միակ նպատակը ՀԿ-ների և ԶԼՄ-ների ֆինանսների բացահայտումն է: Նա խոստացել է, որ օրինագծի բաց քննարկում կանցկացվի։Թբիլիսիի քաղաքապետ Կախա Կալաձեին զայրացրել է արևմտյան դեսպանների դժգոհությունը։ «Դուք երբևէ տեսե՞լ եք, որ որևէ զարգացած երկրում դիվանագետը միջամտի, թե ինչ օրենք կամ որոշում պետք է ընդունի խորհրդարանը»,– ասել է նա։Փաստաթղթի պատճառով Վրաստանի մի շարք քաղաքներում ակցիաներ են անցկացվել։ Մեկ տարի առաջ նմանատիպ նախաձեռնության պատճառով Վրաստանում զանգվածային բողոքի ցույցեր սկսվեցին։Վրաստանի խորհրդարանում ծեծկռտուք է եղել
վրաստանի հանրապետություն
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
վրաստանի հանրապետություն, խորհրդարան, տեսանյութ, ծեծկռտուք, видео
վրաստանի հանրապետություն, խորհրդարան, տեսանյութ, ծեծկռտուք, видео
Վրաստանի խորհրդարանում կրկին ծեծկռտուք է տեղի ունեցել. տեսանյութ
16:25 15.04.2024 (Թարմացված է: 22:48 16.04.2024) Միջադեպը տեղի է ունեցել այն ժամանակ, երբ իշխանական պատգամավորը փորձել է ընդդիմախոսներին ապացուցել, որ վրացական օրինագիծն ավելի լիբերալ է, քան արտասահմանյան տարբերակները։
Վրաստանի խորհրդարանում դարձյալ ծեծկռտուք է տեղի ունեցել։ Խորհրդարանականները միմյանց ծեծել են իրավաբանական կոմիտեի նիստում «Օտարերկրյա ազդեցության թափանցիկության մասին» («Օտարերկրյա գործակալների մասին») օրենքի քննարկման ժամանակ: «Քաղաքացիներ» կուսակցության առաջնորդ Ալեկո Էլիսաշվիլին բռունցքներով հարձակվել է խորհրդարանական մեծամասնության ներկայացուցիչ Մամուկա Մդինարաձեի վրա, որն օրինագիծը ներկայացրել է քննարկման:
Էլիսաշվիլիին դուր չի եկել, թե ինչպես է Մդինարաձեն ներկայացնում օրենքը, նա ելույթի ժամանակ վազել է դեպի ամբիոն և հարվածել Մդինարաձեին: Միջադեպը վերածվել է զանգվածային ծեծկռտուքի, որը շարունակվել է նաև միջանցքում։
Էլիսաշվիլին, ինչպես և ամբողջ ընդդիմությունը, օրենքն անվանում է «ռուսական»: Ընդդիմությունը հայտարարում է, որ դրա պատճառով Վրաստանը կհեռանա ԵՄ-ից։ Երկրի նախագահ Սալոմե Զուրաբիշվիլին հայտարարել է, որ մտադիր է վետո դնել օրենքի վրա: Իշխանության ներկայացուցիչները նշում են, որ օտարերկրյա գործակալների մասին օրենքը մյուս երկրներից առաջ ընդունվել է ԱՄՆ-ում, այժմ այն գործում է նաեւ արեւմտյան երկրներում:
Վրաստանի խորհրդարանում «Օտարերկրյա ազդեցության թափանցիկության մասին» օրինագծի քննարկումն ընթանում է հակառակորդների բողոքի ֆոնին, օրինագիծը քննադատել են նաև արևմտյան երկրների դիվանագետները:
Վրաստանի վարչապետ Իրակլի Կոբախիձեն ԱՄՆ–ի, ԵՄ–ի և Մեծ Բրիտանիայի դեսպանների հետ հանդիպմանը հայտարարել է, որ օրինագիծը համապատասխանում է բոլոր իրավական սկզբունքներին և դրա միակ նպատակը ՀԿ-ների և ԶԼՄ-ների ֆինանսների բացահայտումն է: Նա խոստացել է, որ օրինագծի բաց քննարկում կանցկացվի։
Թբիլիսիի քաղաքապետ Կախա Կալաձեին զայրացրել է արևմտյան դեսպանների դժգոհությունը։ «Դուք երբևէ տեսե՞լ եք, որ որևէ զարգացած երկրում դիվանագետը միջամտի, թե ինչ օրենք կամ որոշում պետք է ընդունի խորհրդարանը»,– ասել է նա։
Փաստաթղթի պատճառով Վրաստանի մի շարք քաղաքներում ակցիաներ են անցկացվել։ Մեկ տարի առաջ նմանատիպ նախաձեռնության պատճառով Վրաստանում զանգվածային բողոքի ցույցեր սկսվեցին։
