https://arm.sputniknews.ru/20240420/erek-adrbejanin-naev-paterazmi-barat-tvecin-surenjancy-sahmanazatman-masin-74778107.html
«Երեկ Ադրբեջանին նաև պատերազմի բարաթ տվեցին». Սուրենյանցը` սահմանազատման մասին
«Երեկ Ադրբեջանին նաև պատերազմի բարաթ տվեցին». Սուրենյանցը` սահմանազատման մասին
Sputnik Արմենիա
Քաղաքական վերլուծաբանը ողբերգություն է համարում այն, որ երկրի ղեկավարը, առանց բովանդակությանն անդրադառնալու, հաջողություն է համարում Ադրբեջանի հետ... 20.04.2024, Sputnik Արմենիա
2024-04-20T16:46+0400
2024-04-20T16:46+0400
2024-04-20T16:48+0400
հայաստան
սուրեն սուրենյանց
ադրբեջան
https://cdn.am.sputniknews.ru/img/07e8/03/1b/73895102_0:105:1600:1005_1920x0_80_0_0_60a0130c2f1e16d81c6416c08dcc321a.jpg
ԵՐԵՎԱՆ, 19 ապրիլի – Sputnik. Տավուշի մարզում սահմանազատման հետևանքով գյուղեր հանձնելով` Հայաստանը զիջում է իր ամենաամուր պաշտպանական դիրքերը` չստանալով ոչինչ։ Լրագրողների հետ զրույցում այս հայտարարությունն արեց քաղաքական վերլուծաբան Սուրեն Սուրենյանցը։«Ալմա Աթայի հռչակագիրը քարտեզ չէ։ Ի վերջո կա՞ դելիմիտացիայի և դեմարկացիայի մեկ միասնական քարտեզ։ Եթե կա, ապա ինչու են միայն մեկ սահմանահատվածի վերաբերյալ համաձայնություններ ֆիքսվել։ Համաշխարհային պրակտիկայում հատվածային սահմանազատում տեղի չի ունեցել, դա, ըստ էության, Հայաստանին պարտադրվող միակողմանի նվաստացուցիչ զիջումներ են։ Մենք զիջում ենք մեր ամենաամուր պաշտպանական դիրքերը` չստանալով ոչինչ։ Թղթի վրա արձանագրված խոստումները վերապահումներով են արձանագրվել»,– նշեց Սուրենյանցը։Նա շեշտեց, որ երբ երկրի ղեկավարը հաջողություն է համարում առանց բովանդակությանն անդրադառնալու Ադրբեջանի հետ ինչ–որ պայմանավորվածություն ձեռք բերելը, դա ողբերգություն չէ, ուղղակի խենթանոց է։Դիտարկմանը, որ ըստ իշխանական թեևի` սահմանազատմանն ու սահմանագծմանը դեմ արտահայտվող անձինք Հայաստանը պատերազմի մեջ ներքաշողներն են, քաղաքական վերլուծաբանը պատասխանեց` այս գործընթացն ամենամեծ ականն է։«Երեկ, բացի միակողմանի զիջումներից, Ադրբեջանի ձեռքը տվեցին նաև պատերազմի բարաթ։ Եթե երկրում ընդվզում լինի, և, օրինակ, մինչև մայիսի 15-ն ինչ–որ համաձայնություններ չկայացվեն, ապա ազգակործան պատուհասը պատերազմի վերսկսման պատասխանատվությունը դնելու է հայ ժողովրդի վրա»,– նշեց Սուրենյանցը։Նա հայտնեց, որ ապրիլի 27-ին արտոնված հանրահավաք կիրականացնեն։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, սուրեն սուրենյանց, ադրբեջան
հայաստան, սուրեն սուրենյանց, ադրբեջան
«Երեկ Ադրբեջանին նաև պատերազմի բարաթ տվեցին». Սուրենյանցը` սահմանազատման մասին
16:46 20.04.2024 (Թարմացված է: 16:48 20.04.2024) Քաղաքական վերլուծաբանը ողբերգություն է համարում այն, որ երկրի ղեկավարը, առանց բովանդակությանն անդրադառնալու, հաջողություն է համարում Ադրբեջանի հետ պայմանավորվածություն ձեռք բերելը։
ԵՐԵՎԱՆ, 19 ապրիլի – Sputnik. Տավուշի մարզում սահմանազատման հետևանքով գյուղեր հանձնելով` Հայաստանը զիջում է իր ամենաամուր պաշտպանական դիրքերը` չստանալով ոչինչ։ Լրագրողների հետ զրույցում այս հայտարարությունն արեց քաղաքական վերլուծաբան Սուրեն Սուրենյանցը։
«Ալմա Աթայի հռչակագիրը քարտեզ չէ։ Ի վերջո կա՞ դելիմիտացիայի և դեմարկացիայի մեկ միասնական քարտեզ։ Եթե կա, ապա ինչու են միայն մեկ սահմանահատվածի վերաբերյալ համաձայնություններ ֆիքսվել։ Համաշխարհային պրակտիկայում հատվածային սահմանազատում տեղի չի ունեցել, դա, ըստ էության, Հայաստանին պարտադրվող միակողմանի նվաստացուցիչ զիջումներ են։ Մենք զիջում ենք մեր ամենաամուր պաշտպանական դիրքերը` չստանալով ոչինչ։ Թղթի վրա արձանագրված խոստումները վերապահումներով են արձանագրվել»,– նշեց Սուրենյանցը։
Նա շեշտեց, որ երբ երկրի ղեկավարը հաջողություն է համարում առանց բովանդակությանն անդրադառնալու Ադրբեջանի հետ ինչ–որ պայմանավորվածություն ձեռք բերելը, դա ողբերգություն չէ, ուղղակի խենթանոց է։
Դիտարկմանը, որ ըստ իշխանական թեևի` սահմանազատմանն ու սահմանագծմանը դեմ արտահայտվող անձինք Հայաստանը պատերազմի մեջ ներքաշողներն են, քաղաքական վերլուծաբանը պատասխանեց` այս գործընթացն ամենամեծ ականն է։
«Երեկ, բացի միակողմանի զիջումներից, Ադրբեջանի ձեռքը տվեցին նաև պատերազմի բարաթ։ Եթե երկրում ընդվզում լինի, և, օրինակ, մինչև մայիսի 15-ն ինչ–որ համաձայնություններ չկայացվեն, ապա ազգակործան պատուհասը պատերազմի վերսկսման պատասխանատվությունը դնելու է հայ ժողովրդի վրա»,– նշեց Սուրենյանցը։
Նա հայտնեց, որ ապրիլի 27-ին արտոնված հանրահավաք կիրականացնեն։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:
