https://arm.sputniknews.ru/20240425/tavushum-gerlarvats-vitshak-e-mi-qani-mardu-inqnazgacvoghutjuny-vatacel-e-75000241.html
Տավուշում գերլարված վիճակ է․ մի քանի մարդու ինքնազգացողությունը վատացավ
Տավուշում գերլարված վիճակ է․ մի քանի մարդու ինքնազգացողությունը վատացավ
Sputnik Արմենիա
Ոստիկաններն ավտոմեքենաները գրկած են ճանապարհից հեռացնում, քանի որ քաղաքացիները հրաժարվում են դուրս հանել մեքենաներն ու բացել ճանապարհը։ 25.04.2024, Sputnik Արմենիա
2024-04-25T13:38+0400
2024-04-25T13:38+0400
2024-04-25T13:48+0400
տավուշ
բողոքի ակցիա
բագրատաշեն անցակետ
բագրատաշեն
դելիմիտացիա
գառնիկ դանիելյան
https://cdn.am.sputniknews.ru/img/07e8/04/15/74797712_0:228:1280:948_1920x0_80_0_0_4d3d923f4650af08e0266d0989481bdd.jpg
ԵՐԵՎԱՆ, 25 ապրիլի – Sputnik. Այս պահին գերլարված վիճակ է Տավուշի մարզում՝ Հայաստան-Վրաստան միջպետական ճանապարհին՝ դեպի Բագրատաշենի անցակետ տանող հատվածում, որը փակել են բողոքի ակցիա իրականացնող քաղաքացիները։ Ոստիկանները բիրտ ուժի կիրառմամբ փորձեցին բացել ճանապարհը։ Նրանք սկսեցին մարդկանց բերման ենթարկել, քաշքշուկ սկսվեց։ԱԺ «Հայաստան» խմբակցության անդամ Գառնիկ Դանիելյանի պաշտոնական ֆեյսբուքյան էջում հրապարակված կադրերում երևում է, թե ինչպես է գիտակցությունը կորցնում պատգամավորը։Գյուղացիները նրան հեռացնում են ճանապարհահատվածից, ջուր լցնում վրան՝ գիտակցության վերադարձնելու համար։ Քիչ անց ևս մեկ քաղաքացու ինքնազգացողություն է վատանում, նաև ընկնում է գետնին։ Նրան ուշքի բերելուց հետո տղամարդը դիմեց ոստիկաններին՝ ասելով, որ այս պայքարը նաև նրանց համար է։Նշենք, որ այս ճանապարհահատվածում ոստիկանական աշխատանքները ղեկավարում է ՆԳՆ Տավուշի մարզային վարչության պետ Արթուր Մկրտչյանը։ Նրա հրամանով ոստիկանները սկսեցին ճանապարհից հեռացնել ավտոմեքենաները։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։Ապրիլի 23-ին, սակայն, ՀՀ վարչապետ Նիկոլ Փաշինյանը ֆեյսբուքյան էջում մի լուսանկար հրապարակեց` նշելով, որ Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը։
բագրատաշեն անցակետ
բագրատաշեն
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տավուշ, բողոքի ակցիա, բագրատաշեն անցակետ, բագրատաշեն, դելիմիտացիա, գառնիկ դանիելյան
տավուշ, բողոքի ակցիա, բագրատաշեն անցակետ, բագրատաշեն, դելիմիտացիա, գառնիկ դանիելյան
Տավուշում գերլարված վիճակ է․ մի քանի մարդու ինքնազգացողությունը վատացավ
13:38 25.04.2024 (Թարմացված է: 13:48 25.04.2024) Ոստիկաններն ավտոմեքենաները գրկած են ճանապարհից հեռացնում, քանի որ քաղաքացիները հրաժարվում են դուրս հանել մեքենաներն ու բացել ճանապարհը։
ԵՐԵՎԱՆ, 25 ապրիլի – Sputnik. Այս պահին գերլարված վիճակ է Տավուշի մարզում՝ Հայաստան-Վրաստան միջպետական ճանապարհին՝ դեպի Բագրատաշենի անցակետ տանող հատվածում, որը փակել են բողոքի ակցիա իրականացնող քաղաքացիները։ Ոստիկանները բիրտ ուժի կիրառմամբ փորձեցին բացել ճանապարհը։ Նրանք սկսեցին մարդկանց բերման ենթարկել, քաշքշուկ սկսվեց։
ԱԺ «Հայաստան» խմբակցության անդամ Գառնիկ Դանիելյանի պաշտոնական ֆեյսբուքյան էջում հրապարակված կադրերում երևում է, թե ինչպես է գիտակցությունը կորցնում պատգամավորը։
Գյուղացիները նրան հեռացնում են ճանապարհահատվածից, ջուր լցնում վրան՝ գիտակցության վերադարձնելու համար։ Քիչ անց ևս մեկ քաղաքացու ինքնազգացողություն է վատանում, նաև ընկնում է գետնին։ Նրան ուշքի բերելուց հետո տղամարդը դիմեց ոստիկաններին՝ ասելով, որ այս պայքարը նաև նրանց համար է։
Նշենք, որ այս ճանապարհահատվածում ոստիկանական աշխատանքները ղեկավարում է ՆԳՆ Տավուշի մարզային վարչության պետ Արթուր Մկրտչյանը։ Նրա հրամանով ոստիկանները սկսեցին ճանապարհից հեռացնել ավտոմեքենաները։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Ապրիլի 23-ին, սակայն, ՀՀ վարչապետ Նիկոլ Փաշինյանը
ֆեյսբուքյան էջում մի լուսանկար հրապարակեց` նշելով, որ Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը։
