https://arm.sputniknews.ru/20240502/biznesy-sksum-e-starty-u-henc-trnelu-pahy-galis-e-argelaknery-miacnum-e-pashinjan-75202972.html
«Բիզնեսը սկսում է ստարտը, ու հենց թռնելու պահը գալիս է, արգելակները միացնում է». Փաշինյան
«Բիզնեսը սկսում է ստարտը, ու հենց թռնելու պահը գալիս է, արգելակները միացնում է». Փաշինյան
Sputnik Արմենիա
ՀՀ ֆինանսների նախարարի խոսքով` միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից` դրանով այն դարձնելով ավելի հասցեական։ 02.05.2024, Sputnik Արմենիա
2024-05-02T12:43+0400
2024-05-02T12:43+0400
2024-05-02T15:29+0400
հայաստան
հարկեր
նիկոլ փաշինյան
վահե հովհաննիսյան
https://cdn.am.sputniknews.ru/img/07e8/03/0e/73360460_0:0:1600:900_1920x0_80_0_0_d9db37d977a113a7b2674fba49498531.jpg
ԵՐԵՎԱՆ, 2 մայիսի – Sputnik․ ՀՀ–ում շրջանառության հարկի դրույքաչափը կրկնակի չափով կբարձրացվի և կկրճատվի ԱԱՀ–ի, շահութահարկի հետ համեմատ հարկային բեռի տարբերությունը։ Որոշումն ընդունվեց ՀՀ կառավարության այսօրվա նիստում։ՀՀ ֆինանսների նախարար Վահե Հովհաննիսյանը, ներկայացնելով «Հարկային օրենսգրքում» և կից օրենքներում փոփոխություններ կատարելու մասին նախագիծը, նշեց, որ շրջանառության հարկի դեպքում նաև կներդրվի փաստաթղթավորման համակարգը։Առաջարկվում է առևտրի սուբյեկտների համար հարկը սահմանել 10 տոկոս, արտադրության դեպքում` 7 տոկոս, հանրային սննդի դեպքում` 12 տոկոս։ՀՀ կառավարությունը որոշեց փակել Նորամուծության և ձեռներեցության ազգային կենտրոնըԸստ նրա` միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից` դրանով այն դարձնելով ավելի հասցեական։ Դրանք են նոտարական, փաստաբանական, վիճակախաղերի կազմակերպման ծառայությունները։Ինչ վերաբերում է միկրոձեռնարկատիրությանը, ապա այս ցանկից դուրս կբերվեն մարզերում առևտրային գործունեությունը, վարսավիրական, մարմնի խնամքի, սաունաների, շոգեբաղնիքների գործունեությունը, ավտոմեքենաների տեխնիկական սպասարկման և վերանորոգման ծառայությունները, միջնորդական գործունեությունը` անշարժ գույքի վարձակալություն և վաճառք, ծրագրային ապահովման մշակման գործունեությունը և այլն։«Շրջանառության հարկի հիմնական նպատակն էր պարզ հարկային հաշվառման և մեղմ վարչարարության պայմաններում իրականացնել գործունեություն։ Մինչդեռ այն ԱԱՀ–ի ու շահութահարկի այլընտրանքային համակարգից վերածվել է արտոնյալի»,– նշեց Հովհաննիսյանը։Նշենք, որ շրջանառության հարկի շեմը հիմա տարեկան մինչև 120 մլն դրամն է, իսկ միկրոբիզնեսի դեպքում` տարեկան մինչև 24 մլն դրամ։Ինչպես ՀՀ իշխանությունը որոշեց լուծել բարձրագույն կրթություն չունեցող ուսուցիչների հարցըՆախարարը նշեց, որ 2022 թ. տվյալներով` կա շուրջ 56 հազար շրջհարկ վճարող, որոնք 2023 թ. վճարել են ՀՀ ընդհանուր հարկերի ընդամենը 2.3 տոկոսը, ինչը բավականին ցածր ցուցանիշ է։ՀՀ վարչապետ Նիկոլ Փաշինյանը հայտարարեց, որ շրջանառության հարկի համակարգը դեֆորմացնում է մեր տնտեսությունը և սխալ մոտիվացիաներ է ստեղծում։Վարչապետն ընդգծեց, որ ՀՀ կառավարությունը փուլ–փուլ պետք է հրաժարվի շրջանառության հարկից, ու բոլորը պետք է մտնեն մեկ հարկային համակարգ։ Նա նշեց` ում պետք է օգնել, կառավարությունը նրանց կսուբսիդավորի։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հարկեր, նիկոլ փաշինյան, վահե հովհաննիսյան
հայաստան, հարկեր, նիկոլ փաշինյան, վահե հովհաննիսյան
«Բիզնեսը սկսում է ստարտը, ու հենց թռնելու պահը գալիս է, արգելակները միացնում է». Փաշինյան
12:43 02.05.2024 (Թարմացված է: 15:29 02.05.2024) ՀՀ ֆինանսների նախարարի խոսքով` միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից` դրանով այն դարձնելով ավելի հասցեական։
ԵՐԵՎԱՆ, 2 մայիսի – Sputnik․ ՀՀ–ում շրջանառության հարկի դրույքաչափը կրկնակի չափով կբարձրացվի և կկրճատվի ԱԱՀ–ի, շահութահարկի հետ համեմատ հարկային բեռի տարբերությունը։ Որոշումն ընդունվեց ՀՀ կառավարության այսօրվա նիստում։
ՀՀ ֆինանսների նախարար Վահե Հովհաննիսյանը, ներկայացնելով «Հարկային օրենսգրքում» և կից օրենքներում փոփոխություններ կատարելու մասին նախագիծը, նշեց, որ շրջանառության հարկի դեպքում նաև կներդրվի փաստաթղթավորման համակարգը։
Առաջարկվում է առևտրի սուբյեկտների համար հարկը սահմանել 10 տոկոս, արտադրության դեպքում` 7 տոկոս, հանրային սննդի դեպքում` 12 տոկոս։
Ըստ նրա` միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից` դրանով այն դարձնելով ավելի հասցեական։ Դրանք են նոտարական, փաստաբանական, վիճակախաղերի կազմակերպման ծառայությունները։
Ինչ վերաբերում է միկրոձեռնարկատիրությանը, ապա այս ցանկից դուրս կբերվեն մարզերում առևտրային գործունեությունը, վարսավիրական, մարմնի խնամքի, սաունաների, շոգեբաղնիքների գործունեությունը, ավտոմեքենաների տեխնիկական սպասարկման և վերանորոգման ծառայությունները, միջնորդական գործունեությունը` անշարժ գույքի վարձակալություն և վաճառք, ծրագրային ապահովման մշակման գործունեությունը և այլն։
«Շրջանառության հարկի հիմնական նպատակն էր պարզ հարկային հաշվառման և մեղմ վարչարարության պայմաններում իրականացնել գործունեություն։ Մինչդեռ այն ԱԱՀ–ի ու շահութահարկի այլընտրանքային համակարգից վերածվել է արտոնյալի»,– նշեց Հովհաննիսյանը։
Նշենք, որ շրջանառության հարկի շեմը հիմա տարեկան մինչև 120 մլն դրամն է, իսկ միկրոբիզնեսի դեպքում` տարեկան մինչև 24 մլն դրամ։
Նախարարը նշեց, որ 2022 թ. տվյալներով` կա շուրջ 56 հազար շրջհարկ վճարող, որոնք 2023 թ. վճարել են ՀՀ ընդհանուր հարկերի ընդամենը 2.3 տոկոսը, ինչը բավականին ցածր ցուցանիշ է։
ՀՀ վարչապետ Նիկոլ Փաշինյանը հայտարարեց, որ շրջանառության հարկի համակարգը դեֆորմացնում է մեր տնտեսությունը և սխալ մոտիվացիաներ է ստեղծում։
«Մեր տնտեսական քաղաքականությունը պետք է խթանի մարդկանց աճը։ Մենք մարդկանց արտոնյալ պայմաններ էինք ստեղծել, որ նրանց ստարտային հնարավորություն տայինք, որ աճեն ու անցնեն ԱԱՀ դաշտ, սակայն տեսնում ենք, որ մեր սիրելի տնտեսվարողները սկսում են ստարտը, ու հենց թռնելու պահը գալիս է, արգելակները միացնում են։ Ստացվում է` մենք մեր ձեռքով ստվերայնության դաշտ ենք ստեղծել»,– նշեց նա։
Վարչապետն ընդգծեց, որ ՀՀ կառավարությունը փուլ–փուլ պետք է հրաժարվի շրջանառության հարկից, ու բոլորը պետք է մտնեն մեկ հարկային համակարգ։ Նա նշեց` ում պետք է օգնել, կառավարությունը նրանց կսուբսիդավորի։
