ԵՐԵՎԱՆ, 24 փետրվարի — Sputnik. ՀՀ նախագահ Սերժ Սարգսյանը որոշում է կայացրել Հայաստանի Հանրապետության տարածքային կառավարման և արտակարգ իրավիճակների նախարարությունը վերակազմակերպել Հայաստանի Հանրապետության տարածքային կառավարման և զարգացման նախարարության, Հայաստանի Հանրապետության արտակարգ իրավիճակների նախարարության: Այս մասին հայտնում է ՀՀ նախագահի մամուլի ծառայությունը:
Արմեն Երիցյանը ազատվել է ՏԿԱԻ նախարարի պաշտոնից եւ նշանակվել է արտակարգ իրավիճակների նախարար:
Արմեն Աշոտյանը ազատվել է կրթության և գիտության նախարարի պաշտոնից, նշանակվել է դաշնակցական Լեւոն Մկրտչյանը։
Կարեն Ճշմարիտյանը ազատվել է էկոնոմիկայի նախարարի պաշտոնից, նշանակվել է Արծվիկ Մինասյանը։
Դավիթ Լոքյանը նշանակվել է տարածքային կառավարման և զարգացման նախարար։