ԵՐԵՎԱՆ, 29 հուլիսի — Sputnik. Ծխանռնակները և այլ հատուկ միջոցները, որոնք ոստիկանությունը կիրառել է բողոքի ակցիայի մասնակիցների դեմ Սարի թաղում, ընկել են բնակելի տների վրա։
Դրա հետևանքով տուժել է երկու ամսական երեխա, հաղորդում է Sputnik Արմենիայի թղթակիցը` հղում անելով տուժած երեխայի տատիկին։
Երեխան սկսել է խեղդվել, ժամանած «Շտապօգնության» մեքենան մորը և երեխային տեղափոխել է հիվանդանոց։
Սարի թաղում տների ապակիներ են կոտրվել։
Բախման հետևանքով տուժել են նաև լրագրողներ։
Նրանց շարքում են ռուսական Lifenews-ի թղթակիցը, ինչպես նաև «Ազատություն» ռադիոկայանի և 1in.am լրատվականի նկարահանող խմբերը։