ԵՐԵՎԱՆ, 8 հոկտեմբերի — Sputnik. Երևանն իր տոնի կապակցությամբ ամեն տարի տոնական տեսք է ստանում: Այս տարի տոնական հանդերձանքը փոքր-ինչ անսովոր է ստացվել. քաղաքի փողոցներում ոչ այնքան թարմ լուսավորություն է հայտնվել: Հոկտեմբերի 8-ի նախօրեին, երբ նշվում է «Էրեբունի-Երևանը», քաղաքն արդեն զարդարված էր, բայց… Նոր տարվա զարդերով:
Ավելի վաղ Երևանի քաղաքապետարանը հայտարարել էր, որ այս տարի տոնակատարության համար նախատեսված ֆինանսական միջոցները սահմանափակ են լինելու. նախատեսված 135 միլիոն դրամի փոխարեն ծախսվելու է 65 միլիոն դրամ, մի շարք միջոցառումներ չեն անցկացվելու, քանի որ քաղաքապետարանն այդ գումարն ուղղել է քառօրյա պատերազմի զոհերի ու վիրավորների ընտանիքիների օգնությանը: