ԵՐԵՎԱՆ, 8 հոկտեմբերի — Sputnik. Փարիզի քաղաքապետը ծաղկեպսակ է դրել Հայոց ցեղասպանության զոհերի հուշարձանին, ծաղիկներ խոնարհել Հայոց ցեղասպանության Սուրբ նահատակների հիշատակը հավերժացնող անմար կրակի մոտ և մեկ րոպե լռությամբ հարգանքի տուրք մատուցել:
Անն Իդալգոն Հայաստան է ժամանել Երևանի քաղաքապետ Տարոն Մարգարյանի հրավերով։
Փարիզի քաղաքապետն այցելել է նաև Հայոց ցեղասպանության թանգարան, ծանոթացել ցուցադրությանը և գրառում կատարել թանգարանի պատվավոր հյուրերի հուշամատյանում։
Ծիծեռնակաբերդ կատարած այցի ավարտին Անն Իդալգոն նաև եղևնի է տնկել հուշահամալիրի Հիշողության պուրակում: