ԵՐԵՎԱՆ, 17 նոյեմբերի — Sputnik. Մարտական գործողությունների ժամանակ զոհված և հաշմված զինծառայողներին աջակցելու նպատակով հիմնադրամ ստեղծելու մասին վիճահարույց օրինագիծն այսօր առաջին ընթերցմամբ ընդունվեց ԱԺ-ի կողմից։
Նախագծին կողմ քվեարկեց նիստին ներկա 110 պատգամավորներից 102-ը, դեմ՝ 3-ը։
Օրինագծին դեմ քվեարկեց Զարուհի Փոստանջյանը, Արամ Մանուկյանը, Լևոն Զուրաբյանը։
Մինչ քվեարկությունը Հրանտ Բագրատյանը հայտարարեց, որ չի մասնակցելու քվեարկությանը, քանի որ կառավարության հեղինակած օրինագիծը հակասում է ՀՀ Սահմանադրությանը։
Պատգամավորը նաև դժգոհություն հայտնեց, որ կառավարությունը չի հրաժարվում առանց նախապես քննարկելու նախագծեր ներկայացնելու սովորությունից։