ԵՐԵՎԱՆ, 30 օգոստոսի — Sputnik. Սեպտեմբերի 22-ին Եվրանեսթ ԽՎ-ում ՀՀ ԱԺ պատվիրակության անդամները Բաքվում կմասնակցեն կանանց առողջության և գենդերային հավասարության խթանմանը նվիրված համաժողովին: Այս մասին նշված է ՀՀ ազգային ժողովի արտաքին հարաբերությունների մշտական հանձնաժողովի ֆեյսբուքյան էջում։
Պատվիրակությունը կղեկավարի ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը։
Համաժողովը կազմակերպել է Եվրանեսթ ԽՎ-ի սոցիալական, կրթության, մշակույթի և քաղաքացիական հասարակության հարցերի հանձնաժողովը:
Հայկական պատվիրակության կազմում է նաև ՀՀ ԱԺ պատգամավոր Մանե Թանդիլյանը:
Պատվիրակության՝ համաժողովին մասնակցելու հետ կապված կազմակերպչական հարցերն ընթացիկ փուլում են: