ԵՐԵՎԱՆ, 27 հոկտեմբերի — Sputnik. Արտակարգ իրավիճակների նախարարության հիդրոմետ ծառայության օդերևութաբանության կենտրոնի պետ Գագիկ Սուրենյանը Facebook-ի իր էջում տեղեկացնում է, որ առաջիկա օրերին ցրտահարություն չի լինի։
Նա, ի պատասխան ցրտահարության մասին իրեն ուղղված բազմաթիվ հարցերի, հայտնել է, որ հանրապետության հովտային և նախալեռնային գոտիներում ցրտահարություններ չեն սպասվում։
Գագիկ Սուրենյանը գյուղացիներին հորդորել է հանգիստ հավաքել բերքը, մոտակա 5 օրերին եղանակը դրա համար կլինի բարենպաստ։