ԵՐԵՎԱՆ, 22 ապրիլի — Sputnik. Ապրիլի 22-ին Վայոց ձորում, Սյունիքում և Արցախում ժամանակ առ ժամանակ անձրև կտեղա: Ապրիլի 23-26-ն առանց տեղումների եղանակ կլինի։ Այս մասին հայտնում է «Հիդրոմետ» ծառայությունը:
«Ապրիլի 23-ից օդի ջերմաստիճանն աստիճանաբար կբարձրանա 5-7 աստիճանով»,- նշված է հաղորդագրության մեջ:
Երևանում ապրիլի 22-26-ը սպասվում է առանց տեղումների եղանակ:
Այսօր` ապրիլի 22-ին, մայրաքաղաքում ցերեկային ժամերին օդի ջերմաստիճանը կկազմի 16-18, գիշերային ժամերին` 4-6 աստիճան տաքություն։