ԵՐԵՎԱՆ, 2 ապրիլի — Sputnik. Ապրիլի 22-ին Երևանում տեղի ունեցած բողոքի երթերի ու ակցիաների հետևանքով տասնյակ քաղաքացիներ են բերման ենթարկվել Երևանի ոստիկանության տարբեր բաժանմունքներ։
Ժամը 16-ի դրությամբ, ոստիկանության տարբեր բաժիններ բերման են ենթարկել 228 անձանց։ Այդ մասին Sputnik Արմենիային հայտնեցին ոստիկանության հասարակայնության հետ կապերի վարչությունից։
Հիշեցնենք, որ այսօր ոստիկանության և ցուցարրաների միջև տեղի ունեցած բախումից հետո ոստիկանները Արցախի փողոցում հավաքված ցուցարարներին բերման ենթարկեց, այնուհետև քաղաքացիներին սկսեցին որսալ նաև մայրաքաղաքիայլ փողոցներում, Հանրապետության հրապարակում։
Բերման են ենթարկվել և ձերբակալվել են նաև ԱԺ պատգամավորներ Նիկոլ Փաշինյանը, Արարատ Միրզոյանը և Սասուն Միքայելյանը։ Նիկոլ Փաշինյանի գտնվելու վայրը դեռ հայտնի չէ, իսկ Արարատ Միրզոյանին և Սասուն Միքայելյանին տեղափոխել են ոստիկանության Շենգավիթի բաժին։