ԵՐԵՎԱՆ, 8 մայիսի — Sputnik. Դիլիջանի թունելում իրականացվելու են աշխատանքներ, ինչի հետևանքով թունելը մայիսի 8-ին ժամը 11:00-ից մինչև 17:00-ն փակ է լինելու: Այս մասին հայտնում է ՀՀ Արտակարգ իրավիճակների նախարարությունը։
Շինարարական աշխատանքների հետևանքով 2018 թ.-ի հունիսի 30-ից սկսած դեռևս փակ է նաև Երևան-Մեղրի ավտոճանապարհի Վայք քաղաքին հարակից հատվածի մի ուղղությունը։
Շուրջ 200 մ ճանապարհը միակողմանի բաց է բոլոր տեսակի ավտոմեքենաների համար:
ՀՀ տարածքում մնացած բոլոր ավտոճանապարհներն այս պահի դրությամբ անցանելի են:
Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: