ԵՐԵՎԱՆ, 20 մայիսի – Sputnik. ՊԵԿ հետաքննության և օպերատիվ հետախուզության վարչությունը բացահայտել է առանց համապատասխան լիցենզիայի արտարժույթի առուվաճառքի իրականացման հերթական դեպքը, որի շրջանակներում քրեական գործ է հարուցվել։ Տեղեկությունը հայտնում է ՊԵԿ մամուլի ծառայությունը։
«Ստացված օպերատիվ տեղեկությունների համաձայն՝ Գեղարքունիքի մարզի Մարտունի քաղաքում գործող բանկերից մեկի հարակից տարածքում ֆիզիկական անձը իրականացրել է առանց համապատասխան լիցենզիայի արտարժույթի առուվաճառքի գործարքներ։ Արտարժույթի առուվաճառք իրականացնելուց անմիջապես հետո բռնվել և բերման է ենթարկվել Մարտունի քաղաքի բնակիչ: Վերջինիս անձնական խուզարկությամբ հայտնաբերվել են մեծ քանակությամբ դրամական միջոցներ, այդ թվում՝ արտարժույթ»,- նշված է հաղորդագրության մեջ։
Բիզնես կենտրոն կամ հյուրանոց՝ հիվանդանոցի փոխարեն. մասնավորեցման նոր կանոնները
Առերևույթ հանցագործության դեպքի առթիվ ՊԵԿ հետաքննության և օպերատիվ հետախուզության վարչությունում հարուցվել է քրեական գործ:
ՊԵԿ հետաքննության և օպերատիվ հետախուզության վարչությունը հորդորում է քաղաքացիներին զերծ մնալ առանց համապատասխան թույլտվության արտարժույթի առուվաճառքի գործարքներից։
«Նուբարաշենի» կալանավորներից մեկը ձեռքերը ծալած չի նստել ու թմրանյութի իրացմամբ է զբաղվել