ԵՐԵՎԱՆ, 30 նոյեմբերի — Sputnik. Հայաստանի Հանրապետության նախագահ Արմեն Սարգսյանը ադրբեջանական կողմում գտնվող ռազմագերիների, պատանդների վերադարձի հարցով նամակ է հղել Ռուսաստանի Դաշնության նախագահ Վլադիմիր Պուտինին: Տեղեկությունը հայտնում են ՀՀ նախագահի մամուլի ծառայությունից։
Նախագահ Սարգսյանի նամակում մասնավորապես նշվում է, որ Հայաստանի հասարակությունն ու սփյուռքը խիստ անհանգստացած են ադրբեջանական գերության մեջ հայտնված զինվորների և քաղաքացիական անձանց շուրջ ստեղծված իրավիճակով:
«Ռուսաստանի նախագահի միջնորդությունը մեծ աջակցություն կլինի Ադրբեջանի կողմից գերեվարված մեր զինվորականներին և քաղաքացիական անձանց, ինչպես նաև զոհվածների մարմինները վերադարձնելու չափազանց զգայուն խնդրի լուծման գործում»,–ասված է Արմեն Սարգսյանի նամակում:
«Առաջարկելու ենք հող չհանձնել, եթե գերիներին չեն տալիս». Հրանտ Թոխատյան
Նշենք, որ գերիների հարցով ՌԴ նախագահին նամակով դիմել է նաև ԼՀԿ կուսակցության ղեկավար, պատգամավոր Էդմոն Մարուքյանը։ Իսկ երեկ բողոքի երթից հետո հայաստանյան մշակութային գործիչները նույն խնդրով զբաղվելու խնդրանքով նամակ հանձնեցին ՀՀ–ում ՌԴ դեսպան Սերգեյ Կոպիրկինին։