ԵՐԵՎԱՆ, 28 հոկտեմբերի — Sputnik. Մոսկվայում նոյեմբերի 11-ին երգեհոնի և դուդուկի երաժշտություն կնչի։ Երաժիշտները կնվագեն Բախի, Նարոյի, Պիացայի ստեղծագործություններն ու հայկական ժողովրդական մեղեդիներ։ Այս մասին հայտնում է Մուզկարտան։
«Հնչյուններով լցված իմպրեսիոնիզմ, երաժշտության գունապնակ, կտավների անհավանական երաժշտականություն։ Երեք երգեհոն և երեք դուդուկ` հրաշքի հնչյունային երանգներ»,- նշված է կայքում։
Համերգին կմասնակցեն Աննա Կլիկովսկայան (էբրու), Խոսրով Մանուկյանը (դուդուկ), Գևորգ Վարդանյանը (դուդուկ), Արմեն Հովհաննիսյանը (դուդուկ), երգեհոնահարներ Իվան Իպատովը, Օլեսյա Կրավչենկոն, Մարիա Մոյիսեևան և Ելենա Պանիկովան։ Ծրագրում կհնչեն Բախի, Ալիբինոնիի, Նարոյի, Պյացայի, Մերկելի ստեղծագործությունները, ինչպես նաև հայկական ժողովրդական մեղեդիներ։