ԵՐԵՎԱՆ, 27 հոկտեմբերի — Sputnik. Հանրային հեռուստաընկերությունը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը։
Ինչպես նախորդ տարի, այս տարի էլ «Եվրատեսիլ» երգի միջազգային մրցույթում Հայաստանը կներկայացնի այն արտիստը, որը կդառնա «Դեպի Եվրատեսիլ» նախագծի հաղթողը:
Այս եթերաշրջանում երգիչները կկարողանան ներկայանալ իրենց երգերով և հաղթելու պարագայում տվյալ ստեղծագործությունն էլ հնչեցնել «Եվրատեսիլ 2018»-ին:
Երգը պետք է գրված լինի հատուկ նախագծի համար կամ նախկինում հրապարակված չլինի: