ԵՐԵՎԱՆ, 9 սեպտեմբերի — Sputnik. Հայտնի երգիծաբան Գարիկ Մարտիրոսյանի կինը՝ Ժաննա Լևինան, կորցրել է ձայնը «Նոր ալիք» մրցույթի ժամանակ՝ երկրպագելով հայ մասնակից Գևորգ Հարությունյանին։ Այս մասին Լևինան գրել է Instagram-ի իր էջում։
Սեպտեմբերի 8-ին Հարությունյանի հիանալի կատարել է «Stand up» երգը, սակայն երեք մրցութային օրում 297 միավոր է հավաքել ու երրորդ տեղն է զբաղեցրել։
Լևինան նաև լուսանկար է հրապարակել, որտեղ նա կարմիր հագուստով է՝ հայկական եռագույնի ֆոնին։
Նա Գևորգին տաղանդավոր երգիչ է անվանել ու նշել է, որ Հայաստանի ներկայացուցիչը գրավել է հանդիսատեսին իր տաղանդով, հմայքով ու անթերի ելույթով, ինչի շնորհիվ ժյուրիի մեծ մասը նրան առավելագույն գնահատականներ են դրել։
«Շնորհակալություն Գևորգ, որ Սոչի եկար ու արժանապատվորեն ներկայացրիր հայրենիքդ «Նոր ալիք» մրցույթում, Հայաստանը կարող է հպարտանալ իր զավակով», — գրել է Լևինան։
Մարտիրոսյանի կինն ավելացրել է, որ համերգից հետո նա Էլինա Ջանիբեկյանի (մեդիամագնատ Արթուր Ջանիբեկյանի կինը – խմբ․) մտադիր են վերականգնել ձայնը, որը նրանք «հաճույքով» կորցրել են՝ Գևորգին երկրպագելիս։
Բաժանորդներից շատերը շնորհակալություն են հայտնել Լևինային հայ մասնակցին աջակցելու համար։
«Նոր ալիքը» երիտասարդ կատարողների ամենամյա միջազգային մրցույթ է։ 2002 –ից 2014 թվականներին այն անցկացվել է Յուրմալայում, իսկ 2015 թվականից՝ Սոչիում։