ԵՐԵՎԱՆ, 28 դեկտեմբերի — Sputnik. Իրանի հետ ազատ տնտեսական գոտին կբացվի մինչև 2017թ-ի ապրիլ ամիսը, հայ- իրականական սահմանին` Մեղրիի տարածաշրջանում: Տնտեսական զարգացման եւ ներդրումների նախարար Սուրեն Կարայանը տեղեկացրեց, որ տնտեսական գոտու բիզնես ծրագիրը պատրաստ է, հայեցակարգային մոտեցումները՝ մշակված: Բանակցություններ են տարվում նաև պոտենցիալ ներդրողների հետ:
Միաժամանակ Հայաստանի կառավարությունը նախատեսում է քայլեր ձեռնարկել Իրանում հայաստանյան որակի սերտիֆիկատների ճանաչման ուղղությամբ:
«Որպես տարբերակ՝ կարելի է Հայաստանում բացել ինստիտուտի ներկայացուցչություն, որը կհետեւի Իրան արտահանվող ապրանքների սերտիֆիկացման գործընթացին»,- ասաց Սուրեն Կարայանը՝ հավելելով, որ այդ նպատակով Իրանի ստանդարտների եւ արդյունաբերական հետազոտությունների ինստիտուտի հետ բանակցություններն ընթացքի մեջ են:
Նյութի ռուսերեն տարբերակը