ԵՐԵՎԱՆ, 19 նոյեմբերի — Sputnik. ՀՀ վարչապետ Նիկոլ Փաշինյանը ներկայացրեց ՌԴ նախագահ Վլադիմիր Պուտինի հետ գազի սակագնի վերաբերյալ բանակցությունների մանրամասները։ Այդ մասին նա պատմեց այսօր Երևանում ռուսաստանցի լրագրողների հետ հանդիպմանը` պատասխանելով Sputnik Արմենիայի թղթակցի հարցին։
Նրա խոսքով` ՌԴ նախագահը Վլադիմիր Պուտինի հետ գազի սակագնի վերաբերյալ խոսակցությունն ընդհանուր է եղել, ոչ կոնկրետ, բայց քննարկվել է, որ գինն այնպիսին պետք է լինի, «որպեսզի չկոտրի հանրապետության տնտեսական զարգացման դինամիկան»։ Փաշինյանը նշեց, որ ինքն ու Պուտինը համաձայնության են հանգել այս հարցում։
«Ուրախ եմ փաստել, որ առնվազն մինչև գարուն Հայաստանի համար գազի սակագինը չի բարձրանա։ Դա լավ նորություն է», – նշեց Փաշինյանը` հավելելով, որ հայկական կողմը հույս ունի հարցի լուծման հասնել նաև երկարաժամկետ հեռանկարում։
Նշենք, որ հիմա Հայաստանը սահմանից Ռուսաստանից գազ է գնում 1000 խորանարդ մետրը 165 դոլարով։
Ջրի սակագնի թանկացում չի սպասվում. Բաղրամյանը խոսեց նաև գազի և էլեկտրաէներգիայի գներից