ԵՐԵՎԱՆ, 14 փետրվարի –Sputnik. Մոսկվայի «Վնուկովո» օդանավակայանում քարշակման ժամանակ երկու ինքնաթիռ է բախվել, հայտնում է ՌԻԱ Նովոստին` հղում անելով Ռուսաստանի ՔԿ–ին։
Քարշակման ժամանակ բախվել են Azur Air ավիաընկերության Boeing-767–ը և «Ռոսիա» ավիաընկերության ինքնաթիռը։ Նախնական տվյալներով, օդանավերից մեկի աջ վինգլետն է վնասվել, մյուսի` կայունացուցիչը։
Բարեբախտաբար, միջադեպի հետևանքով ոչ ոք չի տուժել։ Քննիչները պարզում են միջադեպի հանգամանքները։