Հրդեհ Երևանի կենտրոնում. լուսանկարներ և տեսանյութ

ԵՐԵՎԱՆ, 11 ապրիլի – Sputnik. Այսօր առավոտյան` ժամը 08։30-ի սահմանում, Երևանի կենտրոնում` Բայրոնի 12 շենքի 64 բնակարանում, հրդեհ էր բռնկել։ Այս մասին հայտնում է Sputnik Արմենիայի թղթակիցը դեպքի վայրից։

Անցորդները նկատել էին, որ կաթսայի ծխատար խողովակից ոչ սովորական ծուխ է դուրս գալիս և ահազանգել էին հրշեջ ծառայություն։

Այդ ընթացքում ծուխը բոցի վերածվեց։

Հրշեջ ծառայության մարտական հաշվարկը շատ արագ տեղ հասավ և մեկուսացրեց հրդեհը։

Բնակարանում մարդ չկար, հարևանների վկայությամբ` տանտերերն այդտեղ չեն ապրում։