ԵՐԵՎԱՆ, 27 հունիսի — Sputnik. Գեղարքունիքի մարզում երեկ գրանցված ավտովթարը մեկ մարդու մահվան պատճառ է դարձել։
Ինչպես տեղեկացնում են ՀՀ ոստիկանության մամուլի ծառայությունից, հունիսի 26-ին, ժամը 19.55-ի սահմաններում, Ճամբարակ-Դրախտիկ ճանապարհի 12-րդ կմ-ին «ՎԱԶ-2106» մակնիշի ավտոմեքենան դուրս է եկել երթևեկելի գոտուց և բախվել երկաթյա սյանը։
71-ամյա վարորդ Լյուդվիկ Մելքումյանը մարմնական վնասվածքներով տեղափոխվել է հիվանդանոց, որտեղ գիտակցության չգալով՝ մահացել է:
Կատարվում է քննություն։