ԵՐԵՎԱՆ, 2 օգոստոսի — Sputnik. Արագածոտնի մարզում քիչ առաջ մահվան ելքով վրաերթ է գրանցվել։
Sputnik Արմենիայի տեղեկություններով` Սասունիկ գյուղի սկզբնամասում Վազ 2106 մակնիշի ավտոմեքենան վրաերթի է ենթարկել մոտ 70 տարեկան մի տղամարդու, ում ինքնությունը դեռևս պարզ չէ։
Վրաերթի ենթարկվածը տեղում մահացել է։ Վարորդը չի լքել վթարի վայրը և հավաքվածների հետ փորձել է օգնել վրաերթի ենթարկվածին։ Այս պահին դեպքի վայրում աշխատում են ճանապարհային ոստիկանության և քննչական կոմիտեի ծառայողները։