ԵՐԵՎԱՆ, 19 նոյեմբերի — Sputnik. Տավուշի մարզում երեկ ողբերգական դեպք է տեղի ունեցել` բեռնատար ավտոմեքենան 55-ամյա մի կնոջ է վրաերթի ենթարկել, որը տեղում մահացել է։ Այս մասին հայտնում է Shamshyan.com–ը:
«Ժամը 17։10-ի սահմաններում Երևանի բնակիչ՝ 41-ամյա Սամվել Սիմոնյանը իր վարած Volvo մակնիշի բեռնատար ավտոմեքենայով վրաերթի է ենթարկել Տավուշի մարզի Պտղավան գյուղի բնակիչ՝ 55-ամյա Լիդա Աբրահամյանին»,–գրում է կայքը։
Փաստի առթիվ Նոյեմբերյանի քննչական բաժնում ՀՀ քրեական օրենսգրքի 242 հոդվածի 2-րդ մասի հատկանիշներով հարուցվել է քրեական գործ, այն է` ճանապարհային երթևեկության և տրանսպորտային միջոցների շահագործման կանոնները խախտելը։
Ողբերգական վրաերթ Երևանում. երիտասարդը տեղում մահացել է
Մահացած Լիդա Աբրահամյանն աշխատում էր «Բեստ Կլինիկ» ՍՊԸ-ում՝ որպես հավաքարար, իսկ վարորդ Ս. Սիմոնյանն աշխատում է «Դան-Տրանս» ՍՊԸ-ում։