ԵՐԵՎԱՆ, 15 նոյեմբերի — Sputnik. Ադրբեջանի հայտարարությունը խոցված հայկական ԱԹՍ-ի վերաբերյալ իրականությանը չի համապատասխանում, Sputnik Արմենիային ասաց ԼՂՀ նախագահի մամուլի քարտուղարը։
«Հավանաբար, դա ադրբեջանական ԱԹՍ է։ Մեր կողմից նման կորուստ չի եղել», — ասաց Բաբայանը։
Նրա խոսքով`սա Ադրբեջանի կողմից առաջին ապատեղեկատվությունը չէ։
Ավելի վաղ Ադրբեջանի ՊՆ մամուլի ծառայությունը հայտնել էր, որ Ադրբեջանի Զինված ուժերի ստորաբաժանումը ղարաբաղյան հակամարտության գոտում հայկական ԱԹՍ է խոցել։ ՊՆ-ում կարծում են, որ սարքը փորձում էր Ադրբեջանի ԶՈՒ դիրքերի վրա հետախուզական բնույթի թռիչքներ իրականացնել։