ԵՐԵՎԱՆ, 4 մարտի - Sputnik. Շուշիում ադրբեջանցի վանդալները պղծել են ԽՍՀՄ քաղաքական գործիչ, Սոցիալական աշխատանքի հերոս Հովհաննես (Իվան) Թևատրոսի (Ֆեոդորովիչ) Թևոսյանի կիսանդրին։
Վանդանիզմը փաստող տեսանյութը տարածվել է սոցցանցերում և Telegram ալիքներում։
Տեսանյութում երևում է, թե ինչպես են ադրբեջանցի վանդալները Թևոսյանի պարանով կապած կիսանդրին գետնին են գցում, ապա ոտքերով հարվածներ հասցնում ու հրճվանքով տեսանկարահանում այդ ամենը։
Հովհաննես Թևոսյանը ծնվել է 1902թ. հունվարի 4-ին Լեռնային Ղարաբաղի Շուշի քաղաքում:
1927թ. ավարտել է Մոսկվայի հանքային գործի ակադեմիան: 1927-1936թթ. ղեկավար պաշտոններ է զբաղեցրել ժողովրդական տնտեսության ոլորտում: 1936-1939թթ. Եղել է ԽՍՀՍ պաշտպանական արդյունաբերության ժողկոմի 1-ին տեղակալ:1939թ.-ից աշխատել է նավաշինարարական արդյունաբերության ժողկոմում: 1948-1950թթ. Եղել է մետալուրգիական արդյունաբերության նախարար:
1956թ.-ից՝ ԽՍՀՄ դեսպան ճապոնիայում: 1937-1958թթ.՝ ԽՍՀՄ ԳԽ պատգամավոր:
1943թվականին պարգևատրվել է Սոցիալական աշխատանքի հերոս կոչումով:Ստացել է Լենինի շքանշան, աշխատանքային կարմիր դրոշի շքանշան:
Հերթական վանդալիզմն Ադրբեջանի կողմից. պղծվել է Շուշիի Կանաչ ժամը