Ռիո դե Ժանեյրոյում տեղի ունեցավ օլիմպիական խաղերի փակման արարողությունը։ Միջազգային օլիմպիական կոմիտեի նախագահ Թոմաս Բախը խաղերը փակված հայտարարեց։
Հաջորդ` XXXII ամառային օլիմպիական խաղերը կանցկացվեն 2020 թվականին Տոկիոյում։ Ռիոյի Օլիմպիադայի փակման արարողության ժամանակ ցուցադրվեց հաջորդ խաղերի սիմվոլիկան, Ճապոնիային հանձնվեց օլիմպիական դրոշը։
Ռիոյի Օլիմպիադայի ժամանակ 28 մարզաձևից խաղարկվեց մեդալների 306 հավաքածու։ Այդ ընթացքում գրանցվեց 27 համաշխարհային և 91 օլիմպիական ռեկորդ։
ԱՄՆ-ի հավաքականը 121 մեդալով առաջատարն է մեդալային հաշվարկում (46-37-38), երկրորդ տեղում են բրիտանացիները (67), երրորդը տեղը բաժին հասավ Չինաստանի թիմին (70)։
Հայաստանի հավաքականն ընդհանուր մեդալային հաշվարկում զբաղեցրեց 42-րդ տեղը` նվաճելով չորս մեդալ` մեկ ոսկի և երեք արծաթ։